⚠️ Axborot xavfsizligi, giyohvandlik va ekstremizmga qarshi ogohlik

Zamonaviy dunyoda texnologiyalarning rivojlanishi bilan birga, axborot xavfsizligi, kiberjinoyatchilik, giyohvandlik va terrorizm kabi tahdidlar ham kuchayib bormoqda. Ana shunday muhim masalalar yuzasidan TIFT Universitetining Talabalar turar joyida profilaktik suhbat tashkil etildi.

Tadbirda Chilonzor tumani IIO FMB Axborot texnologiyalari sohasidagi jinoyatchilikni oldini olish bo‘limi boshlig‘i mayor Shafkatullayev Jaloliddin Kamildjanovich hamda inspektor katta leytenant Yuldashev Abdurashid Rustam o‘g‘li ishtirok etib, talabalarga dolzarb mavzular yuzasidan ma’ruzalar o‘qishdi.

🎯 Asosiy muhokama qilingan yo‘nalishlar:

- Axborot texnologiyalari vositasida sodir etilayotgan jinoyatlarning turlari va ulardan himoyalanish yo‘llari;
- Giyohvandlik vositalarining tarqalishi va uning yoshlar hayotiga salbiy ta’siri;
- Terrorizm, ekstremizm va radikal qarashlarning ijtimoiy xavfliligi, ularning yosh ongiga ta’sir mexanizmlari.

👥 Suhbat davomida talabalar bilan jonli muloqot olib borildi, ularning savollariga javob berildi hamda hayotiy misollar orqali real xavflar yoritib berildi. Shuningdek, yoshlarni ushbu xavf-xatarlardan ogoh bo‘lishga, huquqiy ong va mas’uliyatni oshirishga chaqirildi.

📢 Bunday tadbirlar nafaqat jinoyatlarning oldini olish, balki ijtimoiy barqarorlik va sog‘lom muhitni shakllantirishda ham muhim o‘rin tutadi.

Telegram | Instagram | Facebook | Youtube