“O‘zbek tili — qalbim tarjimoni” ko‘rik-tanlovi g‘oliblari aniqlandi!

👩‍🎓Toshkent kimyo-texnologiya institutida tahsil olayotgan chet ellik talabalar o‘rtasida o‘zbek tiliga bo‘lgan qiziqish va hurmatni oshirish, milliy qadriyatlarimizni keng targ‘ib etish maqsadida “O‘zbek tili — qalbim tarjimoni” ko‘rik-tanlovi tashkil etildi.

🌎Tanlov davomida turli mamlakatlardan kelib, yurtimizda tahsil olayotgan talabalar o‘zbek tilidagi bilim va ko‘nikmalari, ijodiy qobiliyatlari hamda milliy madaniyatimizga bo‘lgan hurmatlarini namoyish etdilar.

🏆Tanlov yakunlariga ko‘ra:
🥇1-o‘rin — Ismailli Nuray
🥈2-o‘rin — Zaripov Tolibjon
🥉3-o‘rin — Aliyev Tunar

✨G‘olib va faol ishtirokchilarni samimiy muborakbod etamiz! Ularga kelgusidagi o‘qish va ijodiy faoliyatlarida ulkan muvaffaqiyatlar tilaymiz.


✅Rasmiy sahifalarimizga obuna bo'ling!
🌎Veb-sayt |📲Telegram |🖥Instagram|  👩‍🎓Rasmiy kanal

👩‍🎓Toshkent kimyo-texnologiya institutida Inson huquqlari bo‘yicha O‘zbekiston Respublikasi Milliy markazining 2026-yil 4-maydagi 1-sonli majlis bayonnomasi bilan tasdiqlangan chora-tadbirlar dasturining 8-bandida belgilangan vazifalar ijrosi doirasida “Nogironlar huquqlari – har bir nogironligi bo‘lgan shaxs hech qanday cheklashlarsiz ega bo‘lishi lozim bo‘lgan huquq va erkinliklardir” mavzusida davra suhbati tashkil etildi.

🔈Davra suhbatida nogironligi bo‘lgan shaxslarning huquq va erkinliklarini ta’minlash, ularning jamiyat hayotida teng va faol ishtirok etishi uchun zarur shart-sharoitlarni yaratish, ta’lim olish imkoniyatlarini kengaytirish hamda inklyuziv muhitni shakllantirish masalalariga alohida e’tibor qaratildi.

🔗Shuningdek, nogironligi bo‘lgan shaxslarning huquqlarini ta’minlash borasida davlat organlari tomonidan amalga oshirilayotgan ishlar tahlil qilinib, mavjud muammolar va ularni bartaraf etish bo‘yicha takliflar muhokama qilindi.

🤝Tadbir davomida ishtirokchilar o‘zlarini qiziqtirgan savollar bilan murojaat qilib, nogironligi bo‘lgan shaxslarning huquqlarini himoya qilish va ta’minlashning huquqiy mexanizmlari yuzasidan fikr almashdilar.

✍️Davra suhbati yakunida nogironligi bo‘lgan shaxslarning huquq va qonuniy manfaatlarini ta’minlash, ularni kamsitishning oldini olish, ta’lim muassasalarida inklyuziv va qulay muhitni rivojlantirishga qaratilgan yakuniy tavsiyalar ishlab chiqildi.

🎯Mazkur tadbir nogironligi bo‘lgan shaxslarning huquqlariga hurmatni yuksaltirish, huquqiy madaniyatni oshirish hamda jamiyatda tenglik va inklyuzivlik tamoyillarini mustahkamlashga xizmat qildi.

✅Rasmiy sahifalarimizga obuna bo'ling!
🌎Veb-sayt |📲Telegram |🖥Instagram|  👩‍🎓Rasmiy kanal