🎓Uchrashuv davomida ta’lim sifatini oshirish, talabalarning bilim va kasbiy kompetensiyalarini rivojlantirish, yoshlarning ilmiy salohiyatini ro‘yobga chiqarish hamda institutda yaratilgan imkoniyatlardan samarali foydalanish masalalari atroflicha muhokama qilindi.

📚Xususan, ta’lim jarayonini yanada takomillashtirish, kredit-modul tizimini samarali tashkil etish, talabalarning o‘zlashtirish ko‘rsatkichlarini yaxshilash, professor-o‘qituvchilar va talabalar o‘rtasidagi hamkorlikni mustahkamlash hamda “Ustoz–shogird” an’analarini rivojlantirishga alohida e’tibor qaratildi.

🌐Shuningdek, xalqaro hamkorlikni kengaytirish, xorijiy oliy ta’lim muassasalari bilan aloqalarni rivojlantirish, talabalarni ilmiy-tadqiqot faoliyatiga keng jalb etish, innovatsion ishlanmalar va startap loyihalarni qo‘llab-quvvatlash orqali ularning zamonaviy bilim va ko‘nikmalarini mustahkamlash masalalari ko‘rib chiqildi.

✅Uchrashuvning muhim jihatlaridan biri talaba-yoshlar bilan bevosita muloqot o‘tkazilgani bo‘ldi. Talabalar o‘zlarini qiziqtirgan savollar, taklif va mulohazalarini ochiq bildirdilar. Institut rahbariyati tomonidan ko‘tarilgan masalalar yuzasidan tegishli izoh va tushuntirishlar berilib, mavjud muammolarni hal etish bo‘yicha fikr almashildi.

🇺🇿Muloqotda yoshlar o‘rtasida sog‘lom turmush tarzini targ‘ib qilish, huquqbuzarlik va turli salbiy illatlarning oldini olish, ma’naviy-ma’rifiy ishlar samaradorligini oshirish, talabalarning bo‘sh vaqtini mazmunli tashkil etish hamda ularning ijtimoiy faolligini kuchaytirish masalalari ham muhim yo‘nalishlar sifatida qayd etildi.

👩‍🎓TKTI.UZ | 🚀 Telegram | ✅TUTOR.UZ | 📱 KARYERA | 🌐 Instagram | 🌐 Facebook | 🌐YouTube | 🌐 VK | 🌐 Linkedin | 🇺🇿 TKTI Ittifoq | 🧮 Buxgalteriya |🔬Ilmiy

🖥 Uchrashuv davomida talabalar tomonidan bildirilgan takliflar va tashabbuslar

🔈Uchrashuvning muhim qismi talaba-yoshlarning taklif va mulohazalarini tinglashga bag‘ishlandi. Jumladan, talabalar tomonidan quyidagi takliflar ilgari surildi:

🗣Voleybol jamoasini qo‘llab-quvvatlash. Institutning voleybol terma jamoasi uchun yangi sport formalarini xarid qilish taklifi bildirildi. Mazkur tashabbus sportchilarning musobaqalardagi ishtirokini qo‘llab-quvvatlash, jamoaviy ruhni mustahkamlash va institut sharafini munosib himoya qilishga xizmat qiladi.

🗣“Qalamqosh” klubini rivojlantirish. “Qizlarjon” klubi tashabbusi bilan tashkil etilgan “Qalamqosh” klubining faoliyatini keng yoritish maqsadida institutning rasmiy veb-saytida klub uchun alohida sahifa yoki bo‘lim yaratish taklifi ilgari surildi. Bu orqali klub faoliyati, amalga oshirilayotgan loyihalar va talaba-qizlarning ijodiy yutuqlarini keng jamoatchilikka yetkazish imkoniyati oshadi.

🗣 “Zakovat” klublari faoliyatini kengaytirish. Institutda intellektual o‘yinlarni yanada ommalashtirish, “Zakovat” klublari faoliyatini rivojlantirish va talabalarni kengroq jalb etish masalalari ko‘tarildi. Shuningdek, klublar tomonidan erishilgan yutuqlar e’tirof etilib, intellektual salohiyatni rivojlantirishga qaratilgan tashabbuslarni izchil qo‘llab-quvvatlash muhimligi ta’kidlandi.

🗣“Wiki-oromgoh”dagi yutuqlar. Institut jamoasining “Wiki-oromgoh” doirasidagi ishtiroki va faxrli o‘rinni qo‘lga kiritib, keyingi bosqichga yo‘llanma olgani alohida e’tirof etildi. Ushbu natija talabalarning bilimini kengaytirish, o‘zbekcha Vikipediya va boshqa ochiq bilim manbalarini boyitishga qo‘shayotgan hissasini namoyon etadi.

🗣Tarixiy maskanlarga tashriflarni tashkil etish. Talabalar tomonidan respublikamiz bo‘ylab joylashgan tarixiy obidalar, muzeylar va muqaddas qadamjolarga ma’rifiy tashriflarni amalga oshirish taklifi bildirildi. Bunday sayohatlar yoshlarning tarixiy xotirasini mustahkamlash, milliy qadriyatlarga hurmatini oshirish va vatanparvarlik tuyg‘ularini yuksaltirishga xizmat qilishi qayd etildi.

💬Talabalar o‘zlarini qiziqtirgan savollar, taklif va mulohazalarini ochiq bildirdilar. Ko‘tarilgan masalalarning ayrimlari uchrashuv davomida joyida hal etildi, qolganlari yuzasidan esa tegishli mas’ullarga aniq ko‘rsatma va topshiriqlar berilib, ularning ijrosini ta’minlash vazifalari belgilab olindi.

👩‍🎓TKTI.UZ | 🚀 Telegram | ✅TUTOR.UZ | 📱 KARYERA | 🌐 Instagram | 🌐 Facebook | 🌐YouTube | 🌐 VK | 🌐 Linkedin | 🇺🇿 TKTI Ittifoq | 🧮 Buxgalteriya |🔬Ilmiy