💎Ilm-fan, zamonaviy texnologiya va innovatsiyalar — taraqqiyotning hal qiluvchi omili

👩‍🎓Toshkent kimyo-texnologiya institutida talaba-yoshlarning ilmiy salohiyatini oshirish, innovatsion g‘oyalarini qo‘llab-quvvatlash, startap loyihalarini rivojlantirish hamda zamonaviy texnologiyalar bo‘yicha amaliy bilim va ko‘nikmalarini mustahkamlash maqsadida “Ilm-fan, zamonaviy texnologiya va innovatsiyalar — taraqqiyotning hal qiluvchi omili” mavzusida seminar tashkil etildi.

✔️Seminarda Startaplarni rivojlantirish va ekotizimni joriy etish bo‘limi boshlig‘i J.Eshbobayev hamda Yoshlar ittifoqi IBT yetakchisi M. Bo‘riyev ishtirok etib, talaba-yoshlarga startaplarni rivojlantirish, innovatsion g‘oyalarni amaliyotga tatbiq etish va istiqbolli loyihalarni qo‘llab-quvvatlash borasida ma’lumotlar berdilar.

🗣️Seminar doirasida bo‘lim tomonidan amalga oshirilayotgan ishlar, mavjud imkoniyatlar va istiqbolli tashabbuslar bilan tanishtirish maqsadida talabalar uchun ajratilgan maxsus xonada amaliy taqdimot tashkil etildi. Unda talabalar innovatsion loyihalarni ishlab chiqish, startap tashabbuslarini ilgari surish va ularni amaliyotga tatbiq etish jarayonlari bilan yaqindan tanishish imkoniyatiga ega bo‘ldilar.

✏️Mazkur seminar va amaliy taqdimotlar yoshlarning ilmiy izlanishlarga bo‘lgan qiziqishini oshirish, ularning innovatsion fikrlashini rivojlantirish hamda istiqbolli g‘oyalarini ro‘yobga chiqarishga xizmat qiladi.


✅ Rasmiy sahifalarimizga obuna bo'ling!
🌎 Veb-sayt |📲 Telegram |🖥 Instagram|  👩‍🎓 Rasmiy kanal