O‘zbekiston Respublikasi IIV Nukus “Temurbeklar maktabi” harbiy-akademik litseyining saf maydonida 25-oktabr — Ichki ishlar organlari xodimlari kuni munosabati bilan harbiy xizmatchilar va o‘quvchilar ishtirokida saf ko‘rigi tashkil etildi.

Tadbir O‘zbekiston va Qoraqalpog‘iston Respublikasi Davlat madhiyalarining tantanali ijrosi bilan boshlandi.
Shundan so‘ng kurs va guruh komandirlari tomonidan o‘quvchilarning tantanali kiyim-boshi, tashqi ko‘rinishi hamda saf intizomiga rioya etish holati belgilangan talablar asosida ko‘zdan kechirildi.

Saf ko‘rigi yakunida o‘quvchilar guruhlar kesimida tantanali yurish mashqlarini namoyish etib, o‘zlarining saf tayyorgarligi, uyushqoqligi va harbiy intizomini namoyon etdilar.

Mazkur tadbir o‘quvchilarning saf tayyorgarligini yanada takomillashtirish, harbiy intizomni mustahkamlash, shuningdek, ularda Vatanga sadoqat, vatanparvarlik, mardlik va kasbiy mas’uliyat tuyg‘ularini yuksaltirishga xizmat qildi.

#OCHIQ_ESHIKLAR_KUNI

Joriy yilning 23-oktyabr kuni IIV Nukus “Temurbeklar maktabi” harbiy-akademik litseyida “Ochiq eshiklar kuni” tadbiri tashkil etildi.

Tadbir doirasida Xo‘jayli tumanidagi 4, 22 va 25-sonli umumta’lim hamda ixtisoslashtirilgan maktablarning 9-sinf o‘quvchilari litseyga tashrif buyurdi.

Tashrif davomida o‘quvchilar litsey faoliyati, ta’lim-tarbiya jarayoni, harbiy-akademik yo‘nalishdagi mashg‘ulotlar hamda o‘quvchilar uchun yaratilgan shart-sharoitlar bilan yaqindan tanishdilar.

Mazkur tadbir yoshlarning harbiy sohaga bo‘lgan qiziqishini oshirish, ularni vatanparvarlik ruhida tarbiyalash hamda kelajakdagi kasb tanloviga yo‘naltirishda muhim ahamiyat kasb etadi.