📌📌📌📌📌📌

#elektr_xavfsizligi_oyligi

“Elektr xavfsizligi oyligi” doirasida ish xavfni aniqlash bilan cheklanmaydi. Aniqlangan har bir kamchilik bo‘yicha uni bartaraf etish choralari belgilanadi.

Maqsad — elektr xavfsizligini taʼminlash, xavfli holatlarni barvaqt aniqlash va baxtsiz hodisalarning oldini olish.

⚡️ Telegram

💚💚💚

Kuchli shamol va yomg‘ir vaqtlarida ehtiyot choralariga qat’iy amal qiling

Noqulay ob-havo sharoitlari — kuchli shamol va yomg‘ir kuzatilayotgan vaqtlarda, fuqarolardan shaxsiy xavfsizlikni ta’minlash maqsadida quyidagi ehtiyot choralariga rioya qilishlarini so‘raymiz:

➖Yerga uzilib tushgan elektr simlariga aslo yaqinlashmang va ularga tegmang;

➖Elektr tayanchlari (ustunlari), transformator punktlari hamda elektr uzatish tarmoqlari ostida turmang;

➖Avtomobillarni elektr uzatish tarmoqlari va daraxtlar yaqinida qoldirmang;

➖Kuchli shamol va yomg‘ir vaqtida ochiq maydonlarda uzoq vaqt bo‘lishdan saqlaning;

➖Bolalarni elektr inshootlari va ochiq elektr jihozlari yaqinida yolg‘iz qoldirmang.

Agar elektr tarmoqlarida uzilishlar, simlarning uzilishi yoki boshqa favqulodda holatlar aniqlansa, bu haqda zudlik bilan hududiy elektr tarmoqlarining 1154 qisqa raqamiga yoki dispetcherlik xizmatlariga xabar berishingizni so‘raymiz.

🔴 Eslatma: O‘z vaqtida berilgan murojaat nosozliklarni tezkor bartaraf etish hamda aholi xavfsizligini ta’minlashga xizmat qiladi.

«Toshkent shahar elektr tarmoqlari» MCHJ  Matbuot xizmati

⚡️ Telegram

#OB_HAVO

 🌧 🍂🍂➖🍂🍂🍂 haftaning dushanba kuni uchun ob-havo ma'lumoti

🍂  Yangi kun barchamizga muborak bo'lsin.

⚡️ Telegram

#Bugun_tugʻilgan_kun

TUGʻILGAN KUNINGIZ MUBORAK, DILMUROD ABDUGʻANIYEVICH❗️ 🎉

Bugun, 12-oktabr sanasida «Toshkent shahar elektr tarmoqlari» MCHJ jamoasi Yakkasaroy tuman elektr taʼminoti korxonasi boshligʻi PARPIYEV DILMUROD ABDUGʻANIYEVICHni tavallud ayyomi bilan samimiy muborakbod etadi.

Hurmatli, DILMUROD ABDUGʻANIYEVICH❗️

Sizning yuksak masʼuliyat, fidoyilik va tashabbuskorlik bilan olib borayotgan rahbarlik faoliyatingiz, jamoani ezgu maqsadlar sari birlashtira olishingiz hamda isteʼmolchilarni sifatli va barqaror elektr energiyasi bilan taʼminlash yoʻlidagi samarali mehnatingiz alohida eʼtirofga sazovordir.

Ushbu qutlugʻ ayyomda Sizga mustahkam sogʻliq, uzoq umr, oilaviy baxt-saodat, xonadoningizga fayzu baraka, qalbingizga xotirjamlik va masʼuliyatli faoliyatingizda yanada ulkan muvaffaqiyatlar tilaymiz.

Yurtimiz ravnaqi, sohamiz taraqqiyoti va xalqimiz farovonligi yoʻlidagi sharafli mehnatingiz bardavom boʻlsin, barcha ezgu niyat va maqsadlaringiz roʻyobga chiqsin❗️

Tugʻilgan kuningiz muborak boʻlsin! Yangi yoshingiz Sizga yangi yutuqlar, ulkan zafarlar va unutilmas lahzalarni olib kelsin! 🎉👏

       ┄┅অঠই✯❀✯ইঠঅ┅┄
Hurmat bilan, «Toshkent shahar elektr tarmoqlari» MCHJ Matbuot xizmati
         ┄┅অঠই✯❀✯ইঠঅ┅┄

⚡️ Telegram

📌📌📌📌📌📌

#elektr_xavfsizligi_oyligi

KO‘Z KO‘RGAN XAVFNI KO‘NGIL SEZMAYDI!

Ba’zan oddiy rozetka, shikastlangan sim yoki ortiqcha yuklangan uzaytirgich ortida inson hayoti uchun jiddiy xavf yashiringan bo‘ladi. Afsuski, ko‘pchilik bunday holatlarga e’tiborsiz qaraydi.

Ammo birgina beparvolik yong‘in, elektr toki urishi va og‘ir oqibatlarga sabab bo‘lishi mumkin.

Elektr qurilmalaridan foydalanishda ehtiyotkor bo‘ling, nosoz jihozlarni ishlatmang, ochiq va uzilgan simlarga yaqinlashmang. Xavfli holatlarni ko‘rsangiz, tegishli xizmatlarga xabar bering.

Unutmang: elektr xavfsizligi — shunchaki qoida emas, hayotimizni asrash madaniyatidir!

“Hududiy elektr tarmoqlari” AJ barchani elektr xavfsizligi qoidalariga qat’iy rioya etishga chaqiradi.

⚡️ Telegram

🇺🇿 O‘ZBEK TILI BAYRAMIGA 9 KUN QOLDI!

Ona tilimiz — millatimizning ruhi, o‘zligimizning timsoli va bebaho boyligimiz!

⚡️ Telegram

#elektr_xavfsizligi_oyligi
#Energiya_tejamkorlik

⚡️Tejamkorlik - har bir oilaga foyda, har bir jamiyatga esa katta hissa!

«Toshkent shahar elektr tarmoqlari» MCHJ Matbuot xizmati

⚡️ Telegram

📌📌📌📌📌📌

#elektr_xavfsizligi_oyligi

Yerga tushgan elektr simi xavfsiz ko‘rinsa ham, hayot uchun xavfli bo‘lishi mumkin.

Unutmang: elektr simi uzilgan joyga yaqinlashish yoki uni mustaqil olib tashlashga urinish og‘ir jarohat va o‘limga sabab bo‘lishi mumkin.

Xavfni ko‘rsangiz — yaqinlashmang, boshqalarni ogohlantiring va mutaxassislarga xabar bering.

⚡️ Telegram

📌📌📌📌📌📌

#elektr_xavfsizligi_oyligi

“Elektr xavfsizligi oyligi”da nimalarga e’tibor qaratiladi?

Oylik doirasida asosiy e’tibor — elektr energiyasidan xavfsiz foydalanish, xavfli holatlarning oldini olish va aholining elektr xavfsizligi bo‘yicha xabardorligini oshirishga qaratiladi.

Bu davrda:

🔹aholi, ayniqsa, bolalar va yoshlar o‘rtasida tushuntirish ishlari kuchaytiriladi;

🔹elektr tarmoqlari, transformator punktlari va boshqa elektr obyektlarining texnik holati o‘rganiladi;

🔹aniqlangan xavfli holatlar bartaraf etiladi;

🔹elektr obyektlaridagi to‘siqlar, eshiklar, qulflar hamda ogohlantiruvchi va taqiqlovchi belgilar holati ko‘rib chiqiladi;

🔹aholi yashash joylari, maktablar, bog‘chalar, bozorlar va boshqa jamoat joylariga yaqin elektr obyektlariga alohida e’tibor qaratiladi;

🔹tashkilotlar va tadbirkorlik subyektlariga elektr qurilmalaridan xavfsiz foydalanish bo‘yicha tavsiyalar beriladi.

Asosiy maqsad — xavfni oldindan aniqlash, uning oldini olish va elektr xavfsizligi madaniyatini oshirish.

⚡️ Telegram

#XAYRLI_TONG 🍂☀️

🌤 ASSALOMU ALAYKUM, AZIZLAR!

🍁 🌰🌰➖ 🍂🍂🍂 SESHANBA TONGI MUBORAK BO‘LSIN!

🍁uzning mayin nafasi ufurib turgan yangi tong barchamizga yaxshi kayfiyat, teran fikr va ezgu tashabbuslar bilan kirib kelsin.

🍁ar birimiz uchun bugun — kechagidan yaxshiroq natijaga intilish, yangi marralar sari dadil qadam tashlash uchun yana bir imkoniyat. 🌿

🍂 Tongingiz yorug‘, ko‘nglingiz xotirjam, mehnatingiz samarali, kuningiz esa quvonchli yangiliklarga boy bo‘lsin!

🏠🍁onadonlaringizga fayz-u baraka, oilalaringizga totuvlik va qalblaringizga osoyishtalik yor bo‘lsin.

        ┄┅অঠই✯❀✯ইঠঅ┅┄
⚡️ «Toshkent shahar elektr tarmoqlari» MCHJ jamoasi barchangizga xayrli tong, ko‘tarinki kayfiyat va sermahsul kun tilaydi!
      ┄┅অঠই✯❀✯ইঠঅ┅┄

⚡️ Telegram

#OB_HAVO

 ☀️ 🍂🍂➖🍂🍂🍂 haftaning seshanba kuni uchun ob-havo ma'lumoti

🍂  Yangi kun barchamizga muborak bo'lsin.

⚡️ Telegram

📌📌📌📌📌📌

“HUDUDIY ELEKTR TARMOQLARI” AJGA MUROJAAT YO‘LLASH UCHUN RASMIY ALOQA KANALLARI

Hurmatli iste’molchilar!

Elektr energiyasi ta’minoti bilan bog‘liq barcha turdagi ariza, taklif, shikoyat va murojaatlaringizni “Hududiy elektr tarmoqlari” AJga quyidagi rasmiy aloqa kanallari orqali yuborishingiz mumkin:

📞 1154 – Call-markaz
☎️ (71) 202 23 76– ishonch telefoni
📱 Telegram bot – @HET_admin
📱 het.uz rasmiy saytidagi onlayn maslahatchi
📱 Shuningdek, Facebook va Instagramdagi rasmiy sahifalar orqali ham murojaatlar qoldirish mumkin.

Sizning murojaatlaringiz belgilangan tartibda ko‘rib chiqilib, tegishli mas’ullar tomonidan zarur choralar ko‘riladi.

Murojaatlaringiz biz uchun muhim! Elektr ta’minoti bilan bog‘liq masalalar yuzasidan faqat rasmiy aloqa kanallaridan foydalanishingizni so‘raymiz.

⚡️ Telegram

📌📌📌📌📌📌

#elektr_xavfsizligi_oyligi

BOLA XAVFNI ANGLAMASLIGI MUMKIN, KATTALAR ESA UNI OLDINDAN KO‘RA BILISHI SHART!

Bola dunyoni qiziquvchan nigohlar bilan taniydi. U uchun rozetka — oddiy buyum, elektr ustuni — qiziqarli manzara, uzilgan sim esa xavf ekanini anglash qiyin. Chunki bola xavfni emas, qiziqishni ko‘radi. Kattalarning vazifasi esa aynan shu nuqtada boshlanadi: bola hali anglamagan xavfni oldindan ko‘ra bilishi va uning oldini olishi kerak.

Farzandimizga «tegma», «yaqinlashma», «mumkin emas» deyishning o‘zi yetarli emas.
 
Unga nima uchun mumkin emasligini tushuntirish, xavfni tanishni o‘rgatish va xavfli vaziyatda qanday yo‘l tutishni singdirish lozim.
 
🔹 Bolalarni transformator punktlari va elektr qurilmalaridan uzoq tuting.

🔹 Elektr ustunlariga chiqish, uzilgan simlarga yaqinlashish va rozetkalarga begona buyumlarni tiqish hayot uchun xavfli ekanini tushuntiring.

🔹 Uy sharoitida ochiq simlar, nosoz rozetkalar va elektr jihozlaridagi kamchiliklarni e’tiborsiz qoldirmang.

🔹 Xavfli holat aniqlansa, bolalarni uzoqlashtiring va tegishli xizmatlarga xabar bering.

Eng muhimi, bolaga xavfsizlikni faqat so‘z bilan emas, shaxsiy namuna bilan ham o‘rgating.

Chunki farzand kattalarning nasihatidan ko‘ra, kundalik xatti-harakatlarini ko‘proq kuzatadi.

“Hududiy elektr tarmoqlari” AJ barcha ota-onalar, pedagoglar va fuqarolarni elektr xavfsizligiga befarq bo‘lmaslikka chaqiradi.

Unutmang: elektr xavfsizligi borasidagi bugungi bir daqiqalik e’tibor ertaga bir umrga tatigulik ne’mat — inson hayotini saqlab qolishi mumkin.

⚡️ Telegram