“Temiryo‘linfratuzilma” AJ Toshkent temir yo‘l masofasi filialida 21-oktabr — O‘zbek tili bayrami kuni munosabati bilan ma’naviy-ma’rifiy tadbir tashkil etildi.
Tadbirda Toshkent temir yo‘l masofasi filiali hamda Monitoring va diagnostika markazi xodimlari faol ishtirok etdilar.
Tadbir davomida korxonaning yetakchi xodimlari tomonidan o‘zbek tilining boy tarixi, asrlar davomida shakllanishi va rivojlanishi, shuningdek, 1989-yil 21-oktabrda o‘zbek tiliga davlat tili maqomi berilishining tarixiy ahamiyati haqida atroflicha ma’lumotlar berildi.
Shuningdek, o‘zbek adabiyotining atoqli namoyandalari ijodiga alohida e’tibor qaratilib, ularning bebaho asarlari orqali ona tilimizning naqadar boy va betakror ekanligi e’tirof etildi.
Mazkur tadbir ona tilimizga bo‘lgan hurmat va ehtiromni yanada yuksaltirish, milliy qadriyatlarimizni asrab-avaylash hamda xodimlar o‘rtasida davlat tilining nufuzini oshirishga xizmat qildi.
🇺🇿 Til — millat ko‘zgusi, ma’naviyatimiz va milliy g‘ururimiz timsolidir!

📍 19-oktabr kuni “Temiryo‘linfratuzilma” AJ Jizzax temir yo‘l masofasi filialida 21-oktabr — O‘zbek tili bayrami kuniga bag‘ishlangan “Til — millat ko‘zgusi” mavzusida ma’naviy-ma’rifiy tadbir tashkil etildi.
Tadbir davomida ona tilimizning boy tarixi, shakllanish va rivojlanish bosqichlari, shuningdek, o‘zbek tiliga davlat tili maqomi berilishining tarixiy ahamiyati haqida fikr-mulohazalar bildirildi.
✍️ Abdulla Qodiriy ta’kidlaganidek:
“O‘zbek tili kambag‘al emas, balki o‘zbek tilini kambag‘al deguvchilarning o‘zi kambag‘al. Ular o‘z nodonliklarini o‘zbek tiliga to‘nkamasinlar”.
📖 Ushbu hikmatli fikr ona tilimizning naqadar boy va keng imkoniyatlarga ega ekanini anglatadi. Zero, til — millatning ruhi, xalqning ma’naviy boyligi va milliy o‘zligining yorqin ifodasidir.
🌿 Ona tilimizni asrab-avaylash, uning sofligini saqlash, davlat tiliga hurmat bilan munosabatda bo‘lish hamda bebaho til boyligimizni kelajak avlodlarga yetkazish har birimizning sharafli burchimizdir.
🇺🇿 Ona tilimiz — milliy g‘ururimiz va bebaho boyligimiz!

20-oktabr kuni soat 11:00 da Toshkent mintaqaviy temir yo'l uzeli filiali markaziy binosida taniqli ijodkor bilan samimiy muloqot bo'lib o'tadi.
​Uchrashuv mehmoni — O'zbekiston Yozuvchilar uyushmasi a'zosi, filologiya fanlari nomzodi, shoir va yozuvchi Dadaxon Muhammadiy.
​Tadbirmizda adabiyot, ijod va ma'naviyat haqida dilkash suhbat quriladi. Barcha xodimlarni va qiziquvchilarni ushbu uchrashuvga taklif etamiz!
​📍 O'tkazilish joyi: Uzel markaziy binosi
📅 Kuni: 20-oktabr
⏰ Vaqui: Soat 11:00
​Keling, ma'naviy hordiq chiqarib, ijodiy muhitdan bahramand bo'ling!

Hurmatli hamkasblar va adabiyot ixlosmandlari!

📅 Bugun, 20-oktabr kuni soat 11:00 da Toshkent mintaqaviy temir yo‘l uzeli filiali markaziy binosida taniqli ijodkorlar ishtirokida ma’naviy-ma’rifiy uchrashuv bo‘lib o‘tadi.

✨ Uchrashuvimizning faxriy mehmonlari:

🌷 Dilnoza Kamol — O‘zbekiston Jurnalistlar ijodiy uyushmasi hamda O‘zbekiston Yozuvchilar uyushmasi a’zosi, shoira, Toshkent harbiy okrugi harbiy qismi Madaniyat markazi boshlig‘i.

✍️ Dadaxon Muhammadiy — O‘zbekiston Yozuvchilar uyushmasi a’zosi, filologiya fanlari nomzodi, shoir va yozuvchi.

📖 Uchrashuv davomida adabiyot, she’riyat, ijod va ma’naviyat mavzularida samimiy suhbatlar tashkil etilib, ijodkorlarning hayotiy tajribalari, adabiy qarashlari hamda ijod namunalaridan bahramand bo‘lish imkoniyati yaratiladi.

📍 Manzil: Toshkent mintaqaviy temir yo‘l uzeli filiali markaziy binosi

📅 Sana: Bugun, 20-oktabr

⏰ Vaqt: 11:00

🤝 Barcha xodimlar, yoshlar va adabiyot ixlosmandlarini ushbu ma’naviy-ma’rifiy uchrashuvga taklif etamiz!

✨ Adabiyot qalblarni birlashtiradi, ma’naviyat esa insonni yuksaltiradi!

1989-yil 21-oktabrda o‘zbek tiliga davlat tili maqomi berilgan. Joriy yilda ushbu tarixiy sanaga 37 yil to‘ladi.

Shu munosabat bilan “14-son Rels payvandlash poyezdi” filiali jamoasi tomonidan o‘zbek tilining davlat tili sifatidagi nufuzini oshirish, ona tilimizga bo‘lgan hurmat va ehtiromni yuksaltirish hamda milliy qadriyatlarimizni keng targ‘ib etishga qaratilgan ma’naviy-ma’rifiy tadbir tashkil etildi.

Tadbir davomida ona tilimizning xalqimiz hayotidagi o‘rni, milliy o‘zligimizni anglashdagi ahamiyati va uni asrab-avaylash har bir fuqaroning burchi ekanligi alohida ta’kidlandi.

Ona tilimizga hurmat — milliy qadriyatlarimizga hurmatdir!