🔴🟦🟦🟦

🛡PROFILAKTIKA TADBIRLARI NAZORAT QILINMOQDA

🦠Mavsumiy gripp va o‘tkir respirator infeksiyalar (O‘RI) bolalar jamoalarida tez tarqalishi mumkin. Shu bois ta’lim tashkilotlarida kasalliklarning oldini olish, infeksiya alomatlarini erta aniqlash hamda sanitariya-gigiyena talablariga rioya etilishini ta’minlash muhim ahamiyatga ega.

🔎Sanepidqo'mita Toshkent shahar boshqarmasi Shayxontohur tumani bo'limi mutaxassislari tomonidan tumandagi umumta’lim maktablari va maktabgacha ta'lim tashkilotlarida bolalar o‘rtasida gripp va O‘RI tarqalishining oldini olishga qaratilgan profilaktik tadbirlar monitoring qilinmoqda.

❓Monitoring davomida nimalarga e’tibor qaratilmoqda?

🌡Ertalabki tibbiy filtr — bolalarning sog‘lig‘ini kuzatish, kasallik alomatlarini erta aniqlash va zarur choralarni ko‘rish.
🏥Izolyator xonalari — kun davomida o‘zida kasallik belgilari kuzatilgan bolalarni vaqtincha alohidalash uchun tegishli sharoitlar yaratilganligi.
🌬Harorat va mikroiqlim — xonalarda belgilangan harorat me’yorlariga rioya qilinishi hamda xonalarni shamollatish tartibi.
🧼“Toza qo‘llar” dasturi — bolalarning qo‘l yuvishi uchun zarur sharoitlar, gigiyenik vositalar bilan ta’minlanganlik va shaxsiy gigiyena qoidalariga rioya etilishi.
🧴Dezinfeksiya tadbirlari — xonalar va umumiy foydalanish joylarida dezinfeksiya ishlarining tashkil etilishi hamda zarur dezinfeksiya vositalarining mavjudligi.
💉Emlash targ‘iboti — o‘quvchilar va ota-onalar o‘rtasida mavsumiy grippga qarshi emlanishning ahamiyati yuzasidan tushuntirish ishlari olib borilishi.

📌Monitoring davomida aniqlangan kamchiliklarni bartaraf etish yuzasidan mas’ullarga tegishli ko‘rsatmalar berilib, ularning ijrosi nazoratga olingan.

✅Unutmang, muntazam gigiyena, toza va shamollatilgan xonalar, kasallik alomatlarini o‘z vaqtida aniqlash hamda profilaktik tavsiyalarga amal qilish bolalar jamoalarida respirator infeksiyalar tarqalish xavfini kamaytirishga xizmat qiladi.

Sanepidqo'mita Toshkent shahar boshqarmasi
Axborot xizmati

📱Telegram |📱Instagram |🌐 Web sayt

🔴🟦🟦🟦

🏫MAKTABLARDA SANITARIYA NAZORATI: ANIQLANGAN KAMCHILIKLAR YUZASIDAN TEGISHLI CHORALAR KO‘RILDI

🔎Bugun Sanepidqo‘mita Toshkent shahar boshqarmasi Shayxontohur tumani bo‘limi xodimlari tomonidan tumandagi 169-sonli umumta’lim maktabida rejali sanitariya nazorati o‘tkazildi.

🎯Nazoratdan ko‘zlangan maqsad — ta’lim muassasasida sanitariya qoidalari va gigiyena talablariga rioya etilishini o‘rganish, o‘quvchilar uchun xavfsiz va sog‘lom ta’lim muhitini ta’minlash hamda kasalliklarning oldini olishga qaratilgan profilaktik tadbirlar holatini baholashdan iborat.

✏️Nazorat yakunlari bo‘yicha aniqlangan kamchiliklarni bartaraf etish yuzasidan mas’ullarga tegishli tavsiyalar berildi. Shuningdek, aniqlangan kamchiliklar yuzasidan maktab direktoriga nisbatan belgilangan tartibda ma’muriy bayonnoma rasmiylashtirildi.

⚠️Nima uchun bu muhim?
Ta’lim muassasalarida sanitariya-gigiyena talablariga rioya etilishi o‘quvchilar salomatligini muhofaza qilish, yuqumli kasalliklar tarqalishining oldini olish hamda sog‘lom ta’lim muhitini shakllantirishda muhim ahamiyatga ega.

✅Sanitariya qoidalariga rioya etish, aniqlangan kamchiliklarni o‘z vaqtida bartaraf qilish va profilaktik tadbirlarni muntazam amalga oshirish har bir ta’lim muassasasi mas’ullarining muhim vazifalaridan biridir.

📌Sanitariya nazorati — sog‘lom avlod va xavfsiz ta’lim muhiti yo‘lida muhim qadam!

Sanepidqo'mita Toshkent shahar boshqarmasi
Axborot xizmati

📱Telegram |📱Instagram |🌐 Web sayt

🔴🟦🟦🟦

🦠GRIPP KASALLIGI PROFILAKTIKASI BO‘YICHA NAZORAT TADBIRI DAVOM ETMOQDA

🌿Mavsumiy gripp va boshqa o‘tkir respirator virusli infeksiyalarning tarqalishining oldini olish, o‘quvchilar salomatligini muhofaza qilish hamda sanitariya-epidemiologik osoyishtalikni ta’minlash maqsadida ta’lim muassasalarida profilaktik tadbirlar muntazam olib borilmoqda.

📍Shayxontohur tumanidagi 167-, 171-, 293-, 84-, 61-sonli maktabgacha ta'lim tashkiloti hamda 167-, 13- va 59-sonli maktablarlarda sanitariya-gigiyena va epidemiologiya bo‘limi xodimlari tomonidan gripp kasalligi profilaktikasi bo‘yicha ertalabki filtr nazorati o‘tkazildi.

🔎Tadbir davomida:

💬O‘quvchilar va tarbiyalanuvchilarning umumiy holati kuzatildi;
💬 Gripp va O‘RVI belgilari bo‘yicha ertalabki nazorat amalga oshirildi;
💬 Kasallik alomatlari aniqlangan holatlarda tegishli profilaktik choralar ko‘rishga e’tibor qaratildi;
💬 Maktab va DMTT jamoasiga gripp va O‘RVI tarqalishining oldini olish bo‘yicha tavsiyalar berildi.

✅Ertalabki filtrni muntazam tashkil etish yuqumli kasalliklarni erta aniqlash va ularning ta’lim muassasasida tarqalishining oldini olishda muhim ahamiyatga ega.

Sanepidqo'mita Toshkent shahar boshqarmasi
Axborot xizmati

📱Telegram |📱Instagram |🌐 Web sayt