#uchrashuv

Londonning yirik kompaniya vakillari bilan uchrashuv bo‘lib o‘tdi

Toshkent viloyati hokimi Zoyir Mirzayev bugun Buyuk Britaniyaning dunyoga mashhur "Arup" kompaniyasi vakillarini qabul qildi.

Muloqotda Toshkent viloyatining iqtisodiy, sanoat va turistik salohiyatini yuksaltirishga qaratilgan istiqbolli loyihalar muhokama qilindi.

Uchrashuv davomida viloyat hokimi hududning tabiiy imkoniyatlaridan unumli foydalanish maqsadida Chinoz tumani, xususan Sirdaryo bo‘ylarida zamonaviy turistik majmualarni barpo etish va boshqa bir qancha takliflarni ilgari surdi.

Ma’lumot o‘rnida, 1946-yilda Londonda asos solingan "Arup" kompaniyasi loyihalash va qurilishni rejalashtirish hamda ularni barcha bosqichlarida boshqarish sohalarida dunyodagi yirik muhandislik konsorsiumi hisoblanadi.
Kompaniya dunyoning 140 dan ortiq davlati bilan hamkorlik qiladi va uning 37 ta mamlakatda o‘z ofislari mavjud. Ushbu brend tomonidan loyihalashtirilgan ob’yektlar o‘zining yuqori texnologik muhandislik yechimlari va noyob dizayni bilan mashhur.

E’tiborlisi, "Arup" kompaniyasi tomonidan O‘zbekistonda ham bir qator yirik loyihalar, xususan, Samarqand turizm markazi (shu jumladan, Kongress-holl va 8 ta mehmonxona), "Tashkent City" ishbilarmonlik hududidagi Kongress-holl va "Hilton" mehmonxonasi, O‘zbekiston milliy kutubxonasi, shuningdek, bir qator transport va energetika infratuzilmalarini qurish bo‘yicha yuqori darajadagi loyihalash va muhandislik xizmatlari ko‘rsatilgan.

Samimiy va konstruktiv o‘tgan uchrashuv yakunida tomonlar "Arup" kompaniyasi bilan hamkorlikda Toshkent viloyatida yirik inshootlar, sanoat korxonalari, turistik zonalar va energetika sohalarida qo‘shma loyihalarni batafsil ko‘rib chiqish va tez orada navbatdagi uchrashuvni o‘tkazishga kelishib oldilar.

✅Telegram 🌐Website 📹YouTube✅Facebook 🕊Twitter 🌐Instagram

#eslatma

Jazirama kunlarda befarq bo‘lmang — salomatlik va tabiatni asrang!

Ma’lumotlarga ko‘ra, joriy yilning 13–17-iyul kunlari respublika hududiga janubdan o‘ta issiq havo oqimlari kirib kelishi kutilmoqda. Ayrim hududlarda havo harorati 44–46°C gacha ko‘tarilishi prognoz qilinmoqda.

Anomal issiq havo nafaqat inson salomatligiga, balki mamlakatimizdagi yashil hududlar, daraxt va butalar, qishloq xo‘jaligi ekinlari hamda hayvonot dunyosiga ham jiddiy salbiy ta’sir ko‘rsatishi mumkin.

Shu bois, o‘zingiz, yaqinlaringiz va atrof-muhit xavfsizligini ta’minlash maqsadida yuqorida keltirilgan tavsiyalarga qat’iy amal qilishingizni so‘raymiz. Bunday oddiy ehtiyot choralariga rioya qilish salomatlikni asrash, tabiatni muhofaza qilish hamda anomal issiqning salbiy oqibatlarini kamaytirishda muhim ahamiyat kasb etadi.

✅Telegram 🌐Website 📹YouTube✅Facebook 🕊Twitter 🌐Instagram

#rasmiy

Bekobod shahrida Xalq deputatlari shahar Kengashining navbatdan tashqari sessiyasi bo‘lib o‘tdi.

Sessiya ishida Toshkent viloyati hokimi Zoyir Mirzayev shaharni ijtimoiy-iqtisodiy rivojlantirish bo‘yicha belgilangan vazifalar ijrosida yo‘l qo‘yilgan kamchiliklar va navbatdagi muhim vazifalar yuzasidan tahliliy ma’ruza qildi.

Sessiyada tashkiliy masala ko‘rildi.

Shahar hokimi lavozimida ishlab kelgan Babayev Nasrulla Nurillayevich egallab turgan lavozimidan ozod etildi.

Zoyir Mirzayev Bekobod shahar hokimi lavozimiga shu paytga qadar Navoiy sanoatni rivojlantirish kompleksi maxsus sanoat parki direksiyasi direktori lavozimida ishlab kelgan Ismoilov Narimonjon Noʻmonovich nomzodini tavsiya qildi.

Xalq deputatlari shahar Kengashi deputatlari tomonidan N. Ismoilov Bekobod shahri hokimi etib tasdiqlandi.

✅Telegram 🌐Website 📹YouTube✅Facebook 🕊Twitter 🌐Instagram

#e'tirof

Zulfiyaxonimning yangi izdoshi — Dilnozaxonga davlatimizning yuksak mukofoti tantanali topshirildi

Xabaringiz bor, kuni kecha Bekobod shahriga tashrif davomida Prezidentimiz “O‘ZMETKOMBINAT” AJ quyuv-prokatlash majmuasining shijoatli mutaxassisi, iste’dod sohibasi Primqulova Dilnoza Farhod qizini “Zulfiya” nomidagi Davlat mukofoti bilan taqdirlash lozimligini aytgan edilar.

Bugun bu haqda Prezidentimizning tegishli Farmoni qabul qilindi.

Toshkent viloyati hokimligida mazkur yuksak mukofotni Dilnozaxonga tantanali topshirish marosimi bo‘lib o‘tdi.

Marosimda O‘zbekiston Respublikasi Oliy Majlisi Senati Raisi Tanzila Norboyeva, O‘zbekiston Respublikasi Bosh vaziri o‘rinbosari – Oila va xotin-qizlar qo‘mitasi raisi Dilnoza Kattaxonova, Toshkent viloyati hokimi Zoyir Mirzayev hamda keng jamoatchilik vakillari ishtirok etdi.

🌐Batafsil

✅Telegram 🌐Website 📹YouTube✅Facebook 🕊Twitter 🌐Instagram