#uchrashuv

Xitoyning yirik davlat korporatsiyasi bilan hamkorlik istiqbollari muhokama qilindi

Toshkent viloyati delegatsiyasining Xitoy Xalq Respublikasiga amaliy tashrifi doirasida yangi investitsiya va savdo-iqtisodiy hamkorlik yo‘nalishlarini yo‘lga qo‘yishga alohida e’tibor qaratilmoqda.

Bugun viloyat hokimi Zoyir Mirzayev boshchiligidagi delegatsiya O‘zbekistonning Xitoydagi elchixonasida Jiangsu provinsiyasining Yangzhou shahrida joylashgan SOHO Holdings Group kompaniyasi vakillari bilan uchrashdi.

Muloqotda Toshkent viloyatining investitsiyaviy salohiyati, mavjud sanoat infratuzilmasi va ikki tomon uchun manfaatli bo‘lgan istiqbolli loyihalar yuzasidan fikr almashildi.

SOHO Holdings Group — Yangzhou shahridagi eng yirik to‘liq davlatga qarashli korporatsiyalardan biri bo‘lib, 2023-yilda shahardagi to‘rtta yirik davlat korxonasini birlashtirish asosida tashkil etilgan.

Bugungi kunda korporatsiya xomashyo va mineral resurslar savdosi, energetika, xalqaro savdo, tekstil, logistika, innovatsion ishlab chiqarish hamda moliyaviy xizmatlar kabi ko‘plab yo‘nalishlarda faoliyat yuritadi.

Kompaniya 160 dan ortiq mamlakat bilan tashqi iqtisodiy aloqalarni yo‘lga qo‘ygan. Uning tarkibida 400 ga yaqin sho‘ba korxona bo‘lib, 25 ming nafardan ortiq xodim faoliyat yuritadi.

Uchrashuv davomida tomonlar savdo-iqtisodiy aloqalarni kengaytirish, yangi investitsiya loyihalarini amalga oshirish, logistika va sanoat kooperatsiyasini rivojlantirish imkoniyatlarini atroflicha muhokama qildilar.

Muzokaralar Toshkent viloyati va Jiangsu provinsiyasi o‘rtasidagi amaliy hamkorlikni yangi bosqichga olib chiqish, yirik loyihalarni shakllantirish va o‘zaro manfaatli aloqalarni mustahkamlash uchun muhim qadam bo‘ldi.

✅Telegram 🌐Website 📹YouTube✅Facebook 🕊Twitter🌐Instagram

#uchrashuv

Toshkent viloyati va Xitoy Sirkulyar Iqtisodiyot Assotsiatsiyasi o‘rtasidagi hamkorlik istiqbollari muhokama qilindi

Toshkent viloyati delegatsiyasining Xitoy Xalq Respublikasiga amaliy tashrifi doirasida investitsiyaviy va savdo-iqtisodiy hamkorlikni rivojlantirishga alohida e’tibor qaratilmoqda.

Tashrif davomida viloyat hokimi Zoyir Mirzayev Xitoy Sirkulyar Iqtisodiyot Assotsiatsiyasi (CACE) vakillari bilan uchrashdi.

Muloqotda Toshkent viloyatida resurslardan samarali foydalanish, chiqindilarni qayta ishlash, sanoat va qishloq xo‘jaligida sirkulyar iqtisodiyot tamoyillarini joriy etish hamda zamonaviy texnologiyalarni jalb qilish masalalari muhokama qilindi.

Xitoy Sirkulyar Iqtisodiyot Assotsiatsiyasi – Xitoyda sirkulyar iqtisodiyotni rivojlantirishga ko‘maklashuvchi milliy notijorat tashkilot bo‘lib, 1995-yilda tashkil etilgan. Tashkilot sanoat parklarini modernizatsiya qilish, chiqindilarni qayta ishlash va “Chiqindisiz shaharlar”ni barpo etish yo‘nalishlarida faoliyat yuritadi.

Uchrashuv davomida tomonlar qo‘shma loyihalarni amalga oshirish, ilg‘or texnologiyalarni joriy etish, investitsiyalarni jalb qilish hamda Xitoy tajribasini Toshkent viloyatida qo‘llash imkoniyatlarini atroflicha muhokama qildilar.

Muzokaralar ekologik barqaror ishlab chiqarishni rivojlantirish va resurslardan samarali foydalanish bo‘yicha amaliy hamkorlikni yangi bosqichga olib chiqish uchun muhim qadam bo‘ldi.

✅Telegram 🌐Website 📹YouTube✅Facebook 🕊Twitter🌐Instagram

#investitsiya

Angren va Xitoy kompaniyasi o‘rtasida yangi investitsiyaviy loyihalar muhokama qilindi

Angren shahar hokimi Alisher Rayimov Xitoy Xalq Respublikasining Shinjon-Uyg‘ur avtonom rayonidagi Miquan shahrida “Xin Lantian” kompaniyasi ta’sischilari bilan muzokara o‘tkazdi.

Uchrashuvda Angren shahrining investitsiyaviy salohiyati, sanoat infratuzilmasi, mavjud imkoniyatlar hamda xorijiy investorlar uchun yaratilgan qulay shart-sharoitlar haqida batafsil ma’lumot berildi.

Muloqot davomida tomonlar sanoat kooperatsiyasini rivojlantirish va yangi investitsiyaviy loyihalarni amalga oshirish masalalarini muhokama qildilar.

Muzokaralar yakunida mis xomashyosini qayta ishlash, elektr taqsimlash qurilmalari hamda izolyatsiya mahsulotlarini ishlab chiqarishni yo‘lga qo‘yish bo‘yicha dastlabki kelishuvlarga erishildi.

Mazkur loyihalarning amalga oshirilishi Angren shahrida yangi ishlab chiqarish quvvatlarini tashkil etish, qo‘shimcha ish o‘rinlari yaratish hamda sanoat kooperatsiyasini yanada kengaytirishga xizmat qiladi.

✅Telegram 🌐Website 📹YouTube✅Facebook 🕊Twitter🌐Instagram