#uchrashuv

Toshkent viloyati va Xitoy Sirkulyar Iqtisodiyot Assotsiatsiyasi o‘rtasidagi hamkorlik istiqbollari muhokama qilindi

Toshkent viloyati delegatsiyasining Xitoy Xalq Respublikasiga amaliy tashrifi doirasida investitsiyaviy va savdo-iqtisodiy hamkorlikni rivojlantirishga alohida e’tibor qaratilmoqda.

Tashrif davomida viloyat hokimi Zoyir Mirzayev Xitoy Sirkulyar Iqtisodiyot Assotsiatsiyasi (CACE) vakillari bilan uchrashdi.

Muloqotda Toshkent viloyatida resurslardan samarali foydalanish, chiqindilarni qayta ishlash, sanoat va qishloq xo‘jaligida sirkulyar iqtisodiyot tamoyillarini joriy etish hamda zamonaviy texnologiyalarni jalb qilish masalalari muhokama qilindi.

Xitoy Sirkulyar Iqtisodiyot Assotsiatsiyasi – Xitoyda sirkulyar iqtisodiyotni rivojlantirishga ko‘maklashuvchi milliy notijorat tashkilot bo‘lib, 1995-yilda tashkil etilgan. Tashkilot sanoat parklarini modernizatsiya qilish, chiqindilarni qayta ishlash va “Chiqindisiz shaharlar”ni barpo etish yo‘nalishlarida faoliyat yuritadi.

Uchrashuv davomida tomonlar qo‘shma loyihalarni amalga oshirish, ilg‘or texnologiyalarni joriy etish, investitsiyalarni jalb qilish hamda Xitoy tajribasini Toshkent viloyatida qo‘llash imkoniyatlarini atroflicha muhokama qildilar.

Muzokaralar ekologik barqaror ishlab chiqarishni rivojlantirish va resurslardan samarali foydalanish bo‘yicha amaliy hamkorlikni yangi bosqichga olib chiqish uchun muhim qadam bo‘ldi.

✅Telegram 🌐Website 📹YouTube✅Facebook 🕊Twitter🌐Instagram

#investitsiya

Angren va Xitoy kompaniyasi o‘rtasida yangi investitsiyaviy loyihalar muhokama qilindi

Angren shahar hokimi Alisher Rayimov Xitoy Xalq Respublikasining Shinjon-Uyg‘ur avtonom rayonidagi Miquan shahrida “Xin Lantian” kompaniyasi ta’sischilari bilan muzokara o‘tkazdi.

Uchrashuvda Angren shahrining investitsiyaviy salohiyati, sanoat infratuzilmasi, mavjud imkoniyatlar hamda xorijiy investorlar uchun yaratilgan qulay shart-sharoitlar haqida batafsil ma’lumot berildi.

Muloqot davomida tomonlar sanoat kooperatsiyasini rivojlantirish va yangi investitsiyaviy loyihalarni amalga oshirish masalalarini muhokama qildilar.

Muzokaralar yakunida mis xomashyosini qayta ishlash, elektr taqsimlash qurilmalari hamda izolyatsiya mahsulotlarini ishlab chiqarishni yo‘lga qo‘yish bo‘yicha dastlabki kelishuvlarga erishildi.

Mazkur loyihalarning amalga oshirilishi Angren shahrida yangi ishlab chiqarish quvvatlarini tashkil etish, qo‘shimcha ish o‘rinlari yaratish hamda sanoat kooperatsiyasini yanada kengaytirishga xizmat qiladi.

✅Telegram 🌐Website 📹YouTube✅Facebook 🕊Twitter🌐Instagram

#hamkorlik_uchrashuvi

Xitoyning yirik biznes tuzilmasi bilan hamkorlikning yangi yo‘nalishlari muhokama qilindi

O‘zbekistonning Xitoy Xalq Respublikasidagi Elchixonasida Toshkent viloyati delegatsiyasining ishbilarmon doiralar va yirik kompaniyalar vakillari bilan manfaatli uchrashuvlari davom etmoqda.

Navbatdagi muzokaralarda Toshkent viloyati hokimi Zoyir Mirzayev Xitoy Mashinasozlik va elektron mahsulotlari importi va eksporti savdo palatasi — CCCME rahbariyati bilan uchrashdi.

Suhbat avvalida Xitoyning mazkur nufuzli tashkiloti faoliyati, uning xalqaro savdo-iqtisodiy aloqalarni rivojlantirishdagi o‘rni alohida ahamiyatga ega ekanligi taʼkidlandi.

Bugungi kunda Palata 10 mingdan ortiq korxonani birlashtiradi, uning tarkibida 22 ta tarmoq bo‘limi faoliyat yuritadi. Bosh qarorgohi Pekin shahrida joylashgan.

Uchrashuvda Toshkent viloyatining sanoat, investitsiya va eksport salohiyati, hududda xorijiy investorlar uchun yaratilayotgan imkoniyatlar hamda yangi ishlab chiqarish loyihalarini amalga oshirish uchun mavjud sharoitlar taqdim etildi.

Tomonlar, xususan, mashinasozlik va elektrotexnika sanoati, yuqori texnologiyali ishlab chiqarish, sanoat kooperatsiyasi, eksport-import operatsiyalarini kengaytirish hamda Xitoy kompaniyalarining Toshkent viloyatidagi investitsiya loyihalarini amalga oshirish masalalarini muhokama qildilar.

CCCMEning 10 mingdan ortiq a’zoni birlashtirishi Toshkent viloyati uchun Xitoyning yetakchi ishlab chiqaruvchilari va eksportyorlari bilan to‘g‘ridan-to‘g‘ri aloqalarni yo‘lga qo‘yish, yangi hamkorlarni jalb etish va hududning eksport geografiyasini kengaytirish uchun muhim platforma bo‘lishi ta’kidlandi.

Shuningdek, Palataning savdo va investitsiyalarni ilgari surish, xalqaro sanoat hamkorligini rivojlantirish, huquqiy qo‘llab-quvvatlash hamda professional xizmatlar ko‘rsatish borasidagi imkoniyatlaridan samarali foydalanish bo‘yicha takliflar bildirildi.

Muloqot yakunida Toshkent viloyati va CCCME o‘rtasidagi amaliy hamkorlikni yangi bosqichga olib chiqish, istiqbolli loyihalarni birgalikda shakllantirish hamda Xitoyning yirik kompaniyalarini hududga jalb etish bo‘yicha kelishuvlarga erishildi.

✅Telegram 🌐Website 📹YouTube✅Facebook 🕊Twitter🌐Instagram

#hamkorlik

Toshkent viloyatida “Feihe Group” ishtirokidagi yangi loyihalar ko‘lami kengayadi

Viloyat iqtisodiyotiga ilg‘or texnologiyalar va xorijiy investitsiyalarni jalb etish, istiqbolli loyihalarni yo‘lga qo‘yish maqsadida o‘tkazilayotgan muzokaralar davom etmoqda.

Xususan, viloyat hokimi Zoyir Mirzayev Xitoyning sut mahsulotlari ishlab chiqarish sohasida yirik kompaniyalardan biri - “Feihe Group” vakillari bilan uchrashib, o‘zaro manfaatli loyihalarni amalga oshirish imkoniyatlarini muhokama qildi.

Muloqot davomida sut yetishtirish va uni chuqur qayta ishlash, zamonaviy ishlab chiqarish quvvatlarini tashkil etish, chorvachilik sohasiga innovatsion texnologiyalarni olib kirish hamda yuqori sifatli mahsulotlar ishlab chiqarishni yo‘lga qo‘yish masalalariga e’tibor qaratildi.

Kompaniya quruq sut mahsulotlari, jumladan, bolalar uchun quruq sutli aralashmalar ishlab chiqarishga ixtisoslashgan. Ishlab chiqarish jarayoni xomashyo bazasidan tayyor mahsulotgacha bo‘lgan to‘liq zanjir asosida tashkil etilgan.

Ayni paytda kompaniya tasarrufida 14 ta zamonaviy zavod, 15 ta ferma xo‘jaligi, 150 mingdan ortiq bosh qoramol va 67 ming gektar ixtisoslashtirilgan qishloq xo‘jaligi yerlari mavjud.

Uchrashuvda “Feihe Group”ning ishlab chiqarish tajribasi va texnologik imkoniyatlaridan Toshkent viloyatida foydalanish, qo‘shma loyihalarni shakllantirish hamda investitsiya yo‘nalishlarini kengaytirish bo‘yicha takliflar ko‘rib chiqildi.

O‘zaro manfaatli uchrashuvlar davom etmoqda.

✅Telegram 🌐Website 📹YouTube✅Facebook 🕊Twitter🌐Instagram