#hamkorlik

Koreya bilan hamkorlikda viloyat tibbiyoti uchun muhim kelishuvlarga erishildi

Toshkent viloyati va Koreya Respublikasining Kyongido provinsiyasi o‘rtasida tibbiyot sohasidagi hamkorlik yangi bosqichga ko‘tarilmoqda.

7–11-sentyabr kunlari viloyat hokimi o‘rinbosari Otabek Sultonbekov boshchiligidagi sog‘liqni saqlash tizimi mas’ullaridan iborat delegatsiyaning Kyongido provinsiyasiga amaliy safari davomida zamonaviy tibbiyotning ilg‘or yo‘nalishlari o‘rganilib, muhim kelishuvlarga erishildi.

Delegatsiya a’zolari Sent-Vinsent gospitali, Koreya universitetining Ansan gospitali, Shixva tibbiy markazi hamda tibbiy uskunalar sohasidagi markazlar faoliyati bilan tanishdi.

🌐Batafsil

✅Telegram 🌐Website 📹YouTube✅Facebook 🕊Twitter🌐Instagram

#muzokara

Chorvachilik sohasida Xitoy tajribasi va investitsiya loyihalari muhokama qilindi

Toshkent viloyati hokimi Zoyir Mirzayevning Xitoy Xalq Respublikasiga amaliy tashrifi doirasida qator nufuzli ishbilarmon doiralar va yirik kompaniyalar vakillari bilan manfaatli uchrashuvlar davom etmoqda.

Xususan, O'zbekistonning Xitoy Xalq Respublikasidagi elchixonasida viloyat delegatsiyasi hamda Xitoy chorvachilik uyushmasi vakillari o'rtasida uchrashuv bo‘lib o‘tdi.

Muloqot davomida chorvachilik tarmog‘ini rivojlantirish, zamonaviy texnologiyalarni joriy etish, investitsiya loyihalarini amalga oshirish hamda xalqaro tajriba almashish masalalari muhokama qilindi.

Ma’lumot o‘rnida, Xitoy chorvachilik uyushmasi 2001-yilda tashkil etilgan bo‘lib, chorvachilik va unga turdosh sohalarda faoliyat yurituvchilar uchun ko‘rgazmalar tashkil etish, biznes-o‘quv kurslari, xalqaro hamkorlik, axborot almashinuvi va maslahat xizmatlari bilan shug‘ullanadi.

Uyushma tomonidan 2003-yildan buyon o‘tkazib kelinayotgan Xitoy chorvachilik ko‘rgazmasi Osiyodagi eng yirik, jahonda esa ikkinchi o‘rindagi sohaviy ko‘rgazmalardan biri hisoblanadi.

Uchrashuvda chorvachilik sohasida ilg‘or tajribalarni o‘rganish, yangi investitsiya loyihalarini yo‘lga qo‘yish va o‘zaro manfaatli aloqalarni kengaytirish bo‘yicha fikr almashildi.

✅Telegram 🌐Website 📹YouTube✅Facebook 🕊Twitter🌐Instagram

#qabul

Xalq qabulxonasida navbatdagi ochiq muloqot

Viloyat hokimining o‘rinbosari Ilhomjon Arzikulov ishtirokida viloyat Xalq qabulxonasida fuqarolar uchun navbatdagi qabul tashkil etildi.

Qabul davomida fuqarolarning bandlik va mehnat munosabatlari, ijtimoiy himoya, moddiy ko‘mak hamda boshqa masalalarga oid murojaatlari tinglandi.

Har bir murojaat yuzasidan mas’ullarga tegishli topshiriq va ko‘rsatmalar berilib, ko‘tarilgan masalalarni qonunchilikda belgilangan tartibda va qisqa muddatlarda hal etish bo‘yicha zarur choralar belgilandi.

Fuqarolar murojaatlarining o‘z vaqtida ko‘rib chiqilishi, ularning qonuniy huquq va manfaatlarini ta’minlash hamda muammolariga amaliy yechim topish masalalari doimiy e’tiborda.

✅Telegram 🌐Website 📹YouTube✅Facebook 🕊Twitter🌐Instagram

#hamkorlik

Toshkent viloyati - XXR: yangi investitsiya loyihalariga yo‘l ochilmoqda

Toshkent viloyati hokimi Zoyir Mirzayev Xitoy Xalq Respublikasiga tashrifi doirasida Xitoyning xorijdagi korxonalarni rivojlantirish uyushmasi (CODA) vakillari bilan ham uchrashuv o‘tkazdi.

Muloqotda Xitoy korxonalarining xalqaro bozorlarga chiqishini qo‘llab-quvvatlash, xorijiy investitsiyalarni jalb etish, yangi loyihalarni amalga oshirish hamda “Bir makon, bir yo‘l” tashabbusi doirasidagi hamkorlikni kengaytirish masalalari muhokama qilindi.

Taʼkidlash lozimki, CODA XXR Taraqqiyot va islohotlar davlat qo‘mitasi huzurida tashkil etilgan uyushma bo‘lib, u Xitoy kompaniyalarining xorijiy bozorlarga chiqishi va investitsiya loyihalarini amalga oshirishida ko‘maklashadi.

Uchrashuv yakunida Toshkent viloyatida investitsiya loyihalarini amalga oshirish uchun mavjud imkoniyatlar, istiqbolli yo‘nalishlar va o‘zaro manfaatli hamkorlikni yo‘lga qo‘yish bo‘yicha fikr almashildi.

✅Telegram 🌐Website 📹YouTube✅Facebook 🕊Twitter🌐Instagram