Ixnach ko’llar tizimi — Qorli tog’lar bag’rida haqiqiy sinov bo’ldi.

Bu safar oddiy trekking emas, haqiqiy matonat va sabr sinovidan o‘tdik. Manzilimiz — dengiz sathidan 2400–2700 metr balandlikda, ulkan tog‘lar bag‘rida yashiringan betakror Ixnach ko‘llari tizimi. Ammo bu go‘zallikka yetib borish oson bo‘lmadi. Ko‘llarga olib boruvchi yo‘l 3000–3100 metr balandlikdagi tog‘ dovonlaridan oshib o‘tadi. Safarimiz davomida 2700 metrdan yuqoridagi hududlarni qalin qor qoplagani esa har bir qadamni yanada mashaqqatli qildi. Qorli dovonlar, keskin tog‘ yonbag‘irlari, muzdek tog‘ havosi va nihoyat, ko‘z o‘ngimizda namoyon bo‘lgan betakror ko‘llar… Bularning barchasi har bir mashaqqatga arziydi. Qizig‘i, “Ixnach” nomi “yaxna” so‘zining o‘zgargan shakli — “ixna” bilan bog‘lanadi. Bu esa ko‘llarning nihoyatda sovuq, muzdek suvlariga ishora qiladi.

⚠️ Trekking Uzbekistan

Barcha kuzgi manzillarda gavjum sayyohlar oqimi, biz izlagan manzillarda esa — sokinlik va yovvoyi tabiat mujassam.

O‘zbekiston va Qozog‘iston chegarasi yaqinidagi sirli Akjantal o‘rmonlari — kuzning eng go‘zal manzaralarini hali ham o‘zining asl holida saqlab qolgan betakror maskanlardan biri. Bugun ko‘plab mashhur sayyohlik manzillari gavjumlikdan o‘z jozibasini yo‘qotayotgan bir paytda, Akjantalda sizni butunlay boshqa muhit kutadi. Oltin-sariq ranglarga burkangan bepoyon o‘rmonlar, yovvoyi tabiat, sokin so‘qmoqlar va ufqqa tutashib ketgan tog‘lar… Eng muhimi, bu go‘zallikni katta olomonsiz, tabiatning o‘z bag‘rida his qilish mumkin. Ushbu suratlar — shanba kungi guruhimiz safaridan. 24-oktyabr, shanba kuni — Akjantal o‘rmonlariga yana bir bor boramiz!

⚠️ Trekking Uzbekistan