Barcha kuzgi manzillarda gavjum sayyohlar oqimi, biz izlagan manzillarda esa — sokinlik va yovvoyi tabiat mujassam.

O‘zbekiston va Qozog‘iston chegarasi yaqinidagi sirli Akjantal o‘rmonlari — kuzning eng go‘zal manzaralarini hali ham o‘zining asl holida saqlab qolgan betakror maskanlardan biri. Bugun ko‘plab mashhur sayyohlik manzillari gavjumlikdan o‘z jozibasini yo‘qotayotgan bir paytda, Akjantalda sizni butunlay boshqa muhit kutadi. Oltin-sariq ranglarga burkangan bepoyon o‘rmonlar, yovvoyi tabiat, sokin so‘qmoqlar va ufqqa tutashib ketgan tog‘lar… Eng muhimi, bu go‘zallikni katta olomonsiz, tabiatning o‘z bag‘rida his qilish mumkin. Ushbu suratlar — shanba kungi guruhimiz safaridan. 24-oktyabr, shanba kuni — Akjantal o‘rmonlariga yana bir bor boramiz!

⚠️ Trekking Uzbekistan

Kuzning eng go‘zal manzaralari har doim ham gavjum sayyohlik maskanlarida emas. Ba’zan haqiqiy go‘zallik ommadan yiroq, hali o‘zining asl qiyofasini saqlab qolgan yovvoyi tabiat bag‘rida yashirinadi. Bu o’tgan yakshanba kungi guruhimizdan fotolavhalardir. Akjantal biz uchun shunchaki navbatdagi yo‘nalish edi, zero so‘nggi yillarda marshrutlarimiz soni allaqachon 300 dan oshgan. Ushbu manzil bo‘ylab ilk sayyohlik qadamlarini aynan Trekking.uz sayohatchilari qo‘ydi. Afsuski, talab yuqoriligi sababli kelayotgan shanba kuni uchun Akjantal o‘rmonlariga ajratilgan barcha joylar band. Ammo kuzgi sarguzashtlar davom etadi!

🍂 Kelayotgan yakshanba kuni sizni yana bir yangi yo‘nalish — Oqtog‘ ilmiy-tadqiqot stansiyasi va cho‘qqisi kutmoqda. Bu marshrutda ham kuzning rang-barang manzaralari, tog‘ havosi, keng ufqlar va yovvoyi tabiatning o‘ziga xos go‘zalligiga guvoh bo‘lish mumkin.

Bizning maqsadimiz shunchaki mashhur joylarga borish emas. Biz hali ko‘pchilik kashf etmagan manzillarni izlaymiz, yangi marshrutlar ochamiz va tabiatni uning asl holida his qilishni istaganlar uchun o‘zgacha sayohatlar tashkil etamiz.

⚠️ Trekking Uzbekistan