“Biz bolalardan kitob öqişni talab qilamiz. Ammo ularning yoşiga, qiziqişiga va bugungi hayotiga mos asarlarni yetarliça taklif qila olyapmizmi?

Bugungi bolalarning qiziqişlari özgarmoqda. Ularni kitobga jalb qiliş uçun yangi mavzular, qiziqarli voqealar va öziga yaqin qahramonlar kerak.

Bola kitobni majburiyat uçun emas, qiziqib öqişi lozim. Asar qahramonlari bilan birga öylaşi, voqealardan özi uçun xulosa çiqarişi kerak.

Şu sababli bolalar adabiyotini rivojlantiriş nafaqat ijodkorlar, balki ta’lim tizimi oldidagi muhim vazifalardan biridir.

Tilni yaxşi örgatiş uçun faqat darslik, maşq yoki raqamli platforma yetarli emas. Bolaning özida şu tilda öqişga, gapirişga va fikrlaşga qiziqiş bölişi kerak. Bu borada badiiy adabiyotning örni juda katta.

Biroq biz uçun tanlovning ahamiyati faqat kelib tuşgan işlar yoki tanlab olingan asarlar soni bilan ölçanmaydi. Eng muhimi, uşbu asarlar bolalarimizning qöliga yetib borişi va ularning sevimli kitobiga aylanişidir.

Şuning uçun bugungi taqdirlaş marosimi bilan işimiz yakunlanmasligi kerak. Endi naşrga tavsiya etilgan asarlarni kitobxonlarga yetkaziş, ularning bolalar orasida öz örnini topişiga erişiş muhim”, — dedi Şaxzodbek Kurbaniyazov.

“Bolalikda öqilgan asar insonning xotirasida bir umr muhrlanib qoladi. Badiiy qahramonlar orqali bola yaxşilik va yomonlikni farqlaşni, döstlik va sadoqatni qadrlaşni, Vatanga muhabbat va insonlarga hurmat bilan munosabatda bölişni örganadi.

Biroq buning uçun bolalarga taqdim etiladigan asarlar ularning yoşi, qiziqişlari, ruhiy olamlari va dunyoqaraşiga mos bölişi, badiiy jihatdan puxta yaratilişi kerak.

Bugungi tanlovni Ta’limni rivojlantiriş respublika ilmiy-metodik markazi va universitetimiz örtasidagi hamkorlikning amaliy natijalaridan biri sifatida baholaymiz.

Biz uçun tanlovning eng muhim natijasi faqat ğoliblarni aniqlaşdan iborat emas. Asosiy maqsadimiz saralangan asarlarni bolalarga yetkaziş, ularning kitobxonlik ehtiyojlariga mos adabiy mahsulot yaratiş va özbek tilidagi bolalar adabiyotini boyitişdir.

Mamnuniyat bilan ta’kidlaşni istardimki, tanlov natijalari asosida har bir yoş toifasi uçun alohida, jami uçta töplam naşr etildi”, — dedi Şuhrat Sirojiddinov.

““Bolalar adabiyoti yagona, bir xil kitobxonga möljallangan yönaliş emas. Olti yoşli bola bilan ön olti yoşli ösmirning hayotiy tajribasi, diqqati, söz boyligi va adabiyotdan kutadigani bir-biridan farq qiladi.

Bolalar uçun yozilgan asar bolaga tayyor xulosani aytib beriş bilan çeklanmasligi kerak. U savol tuğdirişi, qahramonning harakati haqida öylaşga undaşi, bolaga öz tajribasi bilan asar voqealari örtasida boğliqlik topiş imkonini berişi mumkin.

Şu ma’noda, yaxşi bolalar kitobi faqat böş vaqtni mazmunli ötkaziş vositasi emas, balki tafakkur, his-tuyğu va tasavvurni rivojlantiruvçi muhim manbadir.

Bolalar uçun sifatli asarlar yaratiş ularning bugungi qiziqişlariga javob beriş bilan birga, ertangi tafakkuri va dunyoqaraşiga ham hissa qöşiş demakdir”, — dedi Isajon Sultonov.