#Suniy_intellekt
#Xalqaro_hamkorlik
#Jorjtaun_universiteti

🔹 Ayni paytda Ta’limni rivojlantirish respublika ilmiy-metodik markazi va Jorjtaun universiteti hamkorligida Abdulla Avloniy nomidagi Pedagogik mahorat milliy institutida “Ta’lim jarayonida generativ sun’iy intellektdan foydalanish va onlayn kurslarni ishlab chiqish” mavzusidagi xalqaro o‘quv-amaliy seminar davom etmoqda.

Seminarni Ta’limni rivojlantirish respublika ilmiy-metodik markazi direktori Shaxzodbek Kurbaniyazov kirish soʻzi bilan ochib berdi. Unda sun’iy intellekt vositalarini shunchaki o‘rganish emas, balki ulardan ta’lim sifati va pedagog faoliyati samaradorligini oshirishda maqsadli foydalanish muhimligini ta’kidladi.

“Bugun sun’iy intellekt ta’lim sohasiga ham jadal kirib kelmoqda. Shu bois yangi texnologiyalarni shunchaki o‘rganish emas, balki ulardan ta’lim sifati va pedagog faoliyati samaradorligini oshirishda maqsadli foydalanish muhim ahamiyat kasb etmoqda.

Shu ma’noda seminar oldiga qo‘yilgan asosiy savol oddiy va dolzarb: sun’iy intellekt o‘qituvchining darsini qanday qilib yanada samarali tashkil etishga yordam beradi? Ushbu uch kunlik seminarning vazifasi ana shu savolga amaliy javob topishdan iborat.

Bugungi tadbir xalqaro hamkorligimizning amaliy ifodasi sifatida ham alohida ahamiyatga ega. Shu munosabat bilan Jorjtaun universiteti professori Yanna Vovides va Albina Yildiz xonimga yurtimizga xush kelibsiz deyman hamda o‘z bilim va tajribasini o‘zbekistonlik hamkasblari bilan baham ko‘rayotgani uchun minnatdorlik bildiraman.

Seminar davomida ishtirokchilar generativ sun’iy intellekt vositalaridan darslarni rejalashtirish, topshiriq va baholash mezonlarini ishlab chiqish, samarali promptlar tuzish hamda onlayn kurslarni loyihalashda foydalanish bo‘yicha amaliy ko‘nikmalarga ega bo‘ladilar.

Ishonamanki, ushbu seminar xorijiy tajribani milliy ta’lim tizimi ehtiyojlariga moslashtirish, yangi metodik yechimlarni shakllantirish va ularni keng ommalashtirishga xizmat qiladi”, — dedi Shaxzodbek Kurbaniyazov.

🔹 Telegram 🔹 Instagram
🔹 Facebook 🔹 X (Twitter)
🔹 YouTube 🔹 Trm.uz

#Suniy_intellekt
#Xalqaro_hamkorlik
#Raqamli_pedagogika

🔹 Ayni paytda Ta’limni rivojlantirish respublika ilmiy-metodik markazi va Jorjtaun universiteti hamkorligida Abdulla Avloniy nomidagi Pedagogik mahorat milliy institutida tashkil etilgan “Ta’lim jarayonida generativ sun’iy intellektdan foydalanish va onlayn kurslarni ishlab chiqish” mavzusidagi xalqaro o‘quv-amaliy seminar davom etmoqda.

Seminarning ochilishida Abdulla Avloniy nomidagi Pedagogik mahorat milliy instituti Akademik faoliyat bo‘yicha birinchi prorektori Dildora Xakimova so‘z olib, sun’iy intellekt va raqamli texnologiyalar institutning malaka oshirish hamda kasbiy rivojlantirish dasturlaridan allaqachon mustahkam o‘rin olgani, endilikdagi muhim vazifa bu imkoniyatlarni pedagoglarning kundalik amaliyotiga samarali olib kirish ekanini ta’kidladi.

“Sun’iy intellekt biz uchun bugun yangilik emas. Raqamli texnologiyalar va sun’iy intellekt institutimizdagi malaka oshirish, rahbar kadrlarni tayyorlash, shuningdek, "Kasbiy rivojlanish kuni" va "Kasbiy rivojlanish soati" dasturlarining mazmunidan mustahkam o‘rin olgan.

Bugungi seminarda ishtirok etayotgan hududiy pedagogik markazlar vakillari joylarda pedagoglar bilan bevosita ishlaydigan mutaxassislar sifatida bu jarayonning asosiy bo‘g‘ini hisoblanadi.

Shu bois bu uch kundan unumli foydalanib, savollar berishingiz, o‘z tajribangiz bilan o‘rtoqlashishingiz muhim. Eng asosiysi, bu yerda olingan bilim va tajriba shu auditoriyaning o‘zida qolib ketmasligi kerak.

Hududlarga qaytgach, ularni hamkasblaringiz va tinglovchilaringizga yetkazsangiz, seminarda olingan bilimlar pedagoglarning kundalik faoliyatida o‘z aksini topadi”, — dedi Dildora Xakimova.

🔹 Telegram 🔹 Instagram
🔹 Facebook 🔹 X (Twitter)
🔹 YouTube 🔹 Trm.uz

#Suniy_intellekt
#Xalqaro_hamkorlik
#Jorjtaun_universiteti

🔹 Ayni paytda Ta’limni rivojlantirish respublika ilmiy-metodik markazi va Jorjtaun universiteti hamkorligida Abdulla Avloniy nomidagi Pedagogik mahorat milliy institutida tashkil etilgan “Ta’lim jarayonida generativ sun’iy intellektdan foydalanish va onlayn kurslarni ishlab chiqish” mavzusidagi xalqaro o‘quv-amaliy seminar davom etmoqda.

Seminarda Jorjtaun universiteti professori Yanna Vovides universitet va Markaz o‘rtasidagi hamkorlik, uch kunlik dasturni ishlab chiqishda asos bo‘lgan yondashuvlar hamda ishtirokchilar bilan o‘zaro tajriba almashishning ahamiyatiga to‘xtaldi.

“Biz uchun ushbu uch kunlik seminar faqat sizlarga bilim berishdan iborat emas. Bu birgalikda o‘rganish, tajriba almashish va amaliy yechimlarni birgalikda ishlab chiqish jarayonidir.

Dasturimizni ishlab chiqishda ikkita asosiy tamoyilga tayandik. Birinchisi, fikrlash va amaliyot. Ya’ni, faqat biror masala haqida o‘ylash bilan cheklanmay, o‘rganganlarimizni amalda sinab ko‘rish va muayyan muammolarga birgalikda yechim topish.

Ikkinchisi, bir-birimizdan o‘rganish. Bu yerda faqat biz sizlarga emas, sizlar ham o‘z tajribangiz orqali bizga yangi bilim berasiz.

Biz boshqa mamlakatda bevosita ta’lim amaliyoti bilan shug‘ullanayotgan mutaxassislar bilan ishlash va ulardan o‘rganish imkoniyatini juda qadrlaymiz. Bu tajribani o‘zimiz bilan olib ketib, o‘z faoliyatimizni ham takomillashtirishimiz mumkin.

O‘tgan yili boshlangan hamkorligimizni davom ettirayotganimizdan mamnunmiz va kelgusi uch kun davomida barchangiz bilan birgalikda ishlashni intiqlik bilan kutamiz”, — dedi Yanna Vovides.

🔹 Telegram 🔹 Instagram
🔹 Facebook 🔹 X (Twitter)
🔹 YouTube 🔹 Trm.uz

#Suniy_intellekt
#Xalqaro_hamkorlik
#Raqamli_pedagogika

Jorjtaun universiteti bilan hamkorlikda pedagoglar uchun generativ sun’iy intellekt bo‘yicha xalqaro seminar boshlandi

Joriy yilning 6-oktabr kuni Toshkent shahrida Ta’limni rivojlantirish respublika ilmiy-metodik markazi va AQShning Jorjtaun universiteti hamkorligida “Ta’lim jarayonida generativ sun’iy intellektdan foydalanish va onlayn kurslarni ishlab chiqish” mavzusidagi uch kunlik xalqaro o‘quv-amaliy seminar boshlandi.

Batafsil: https://trm.uz/uz/axborot/yangiliklar/482

— — — — —

В сотрудничестве с Джорджтаунским университетом стартовал международный семинар по генеративному искусственному интеллекту для педагогов

6 октября текущего года в городе Ташкенте начался трёхдневный международный учебно-практический семинар на тему «Использование генеративного искусственного интеллекта в образовательном процессе и разработка онлайн-курсов», организованный Республиканским научно-методическим центром развития образования совместно с Джорджтаунским университетом (США).

Подробно: https://trm.uz/ru/axborot/yangiliklar/482

🔹 Telegram 🔹 Instagram
🔹 Facebook 🔹 X (Twitter)
🔹 YouTube 🔹 Trm.uz