🌍 “So‘zlar rangi: til va madaniyat” xalqaro dasturi ishtirokchilari bilan uchrashuv o‘tkazildi

Toshkent shahar kasbiy ta’lim boshqarmasida O‘zbekiston davlat jahon tillari universiteti akademik litseyining “So‘zlar rangi: til va madaniyat” xalqaro dasturida ishtirok etgan o‘quvchilari hamda ularning ustozlari bilan uchrashuv bo‘lib o‘tdi.

🤝 Uchrashuv davomida loyiha ishtirokchilari bilan samimiy muloqot tashkil etilib, Turkiyaning Izmir shahri Yoshlar markazi va Ege universiteti bilan hamkorlikda amalga oshirilgan xalqaro dastur doirasidagi taassurotlari, orttirilgan bilim va tajribalari yuzasidan fikr almashildi.

🎓 Tadbir yakunida xalqaro dasturda faol ishtirok etgan o‘quvchilar va ularning ustozlariga sertifikatlar tantanali ravishda topshirildi.

✨ Mazkur uchrashuv yoshlarning xorijiy tillarni o‘rganishga bo‘lgan qiziqishini yanada oshirish, xalqaro hamkorlikni mustahkamlash hamda madaniyatlararo muloqotni rivojlantirish yo‘lidagi muhim qadamlardan biri bo‘ldi.

Boshqarmaning rasmiy sahifalari:
Telegram | Instagram |Facebook | Threads | Telegram-bot