📹 Farg‘ona yo‘li ko‘chasida avtobuslar uchun ajratilgan «A» yo‘laklarida harakatni nazorat qiluvchi kameralar o‘rnatildi

🚦 Toshkent shahrida barcha yo‘l harakati ishtirokchilari — piyodalar, jamoat transporti yo‘lovchilari va haydovchilar manfaatlari hisobga olingan xavfsiz, zamonaviy va qulay shahar muhitini yaratish bo‘yicha izchil ishlar amalga oshirilmoqda.

Bu borada poytaxtning transport infratuzilmasi bosqichma-bosqich rivojlantirilmoqda: yangi BRT yo‘laklari barpo etilmoqda, avtobuslar uchun ajratilgan yo‘laklar tarmog‘i kengaytirilmoqda, yo‘l harakatini tashkil etish tizimi takomillashtirilmoqda.

Biroq zamonaviy infratuzilmani yaratish — ishning bir qismi, xolos. Undan samarali foydalanish va belgilangan qoidalarga rioya etilishini ta’minlash ham birdek muhim.

📍 Shu munosabat bilan Farg‘ona yo‘li ko‘chasining 6 kilometrli qismida, har ikki yo‘nalishda «A» ajratilgan yo‘laklar bo‘ylab harakatlanishni nazorat qiluvchi kameralar o‘rnatildi.

Shuningdek, jamoat transporti harakatiga ustuvorlik berish maqsadida poytaxtning boshqa ko‘chalaridagi ajratilgan yo‘laklarda ham nazorat kameralari bosqichma-bosqich ishga tushirilmoqda.

🚌 Nima uchun avtobuslar uchun ajratilgan yo‘lakni band qilmaslik muhim?

Bitta avtobusda bir vaqtning o‘zida 50 nafardan ortiq yo‘lovchi bo‘lishi mumkin. Avtomobil ajratilgan yo‘lakka chiqib, avtobus harakatiga to‘sqinlik qilsa, bu shunchaki bitta transport vositasining emas, balki ishga, o‘qishga, uyiga yoki boshqa muhim yumushlari bilan shoshilayotgan o‘nlab insonlarning kechikishiga sabab bo‘ladi.

Ya’ni bitta avtomobil sababli 50 nafardan ortiq inson vaqt yo‘qotishi mumkin. Agar bir nechta avtobusning harakati kechiksa, bundan aziyat chekadigan yo‘lovchilar soni yanada ortadi.

Aynan shu sababli ajratilgan yo‘laklar jamoat transportining ortiqcha kechikishlarsiz harakatlanishi, qatnov jadvaliga rioya qilishi va yo‘lovchilarning manziliga o‘z vaqtida yetib borishini ta’minlash uchun mo‘ljallangan.

⏰ Eslatib o‘tamiz: soat 06:00 dan 23:00 gacha «A» ajratilgan yo‘laklarda harakatlanish huquqiga ega bo‘lmagan transport vositalarining harakatlanishi taqiqlanadi.

❗️Hurmatli poytaxtimiz aholisi va mehmonlari, haydovchilar!

Yo‘llarda nihoyatda e’tiborli bo‘lishingizni, yo‘l belgilari va chiziqlari talablariga rioya qilishingizni, taqiqlangan vaqtlarda ajratilgan yo‘laklarni band qilmasligingizni hamda boshqa yo‘l harakati ishtirokchilarining manfaatlarini hurmat qilishingizni so‘raymiz.

Yo‘l infratuzilmasini rivojlantirish, piyodalar xavfsizligini ta’minlash va jamoat transporti samaradorligini oshirish — har bir inson uchun qulay shahar yaratish yo‘lidagi izchil qadamlardir.

🏙 Shahar — barchamiz uchun. Yo‘llar — har birimiz uchun.

Telegram | Instagram | Facebook

#INFOGRAFIKA

YO‘LOVCHILAR OQIMI BO‘YICHA KUNLIK MA'LUMOT!

"Toshshahartransxizmat" AJ tizimida bugungi kunda jami 164 ta yoʻnalish mavjud.

👥 Joriy yilnng 14-oktabr kuni ertalabki tigʻiz vaqt (pik soatlar) — soat 06:00 dan 10:00 gacha boʻlgan davrda jami 344 592 nafar yoʻlovchi tashildi.

📈 Mazkur davrda quyidagi yo‘nalishlarda yoʻlovchilar oqimi eng yuqori ko‘rsatkichni qayd etdi:

🚌 131-yoʻnalish ( Do’stlik 2-mavzesi – Olimpiya mavzesi) — 5 586 nafar yoʻlovchi;

🚌 9T-yoʻnalish ( Chilonzor mavzesi 25-daha – Toshkent vokzali) —4 399 nafar yoʻlovchi;

🚌 8-yoʻnalish ( Olchazor mahallasi – Chilonzor mavzesi 25-daha) — 4 345 yoʻlovchi;

🚌 24-yoʻnalish ( TTZ AShB – Yunusobod mavzesi 6-daha) — 4 135 nafar yoʻlovchi;

🚌 38-yoʻnalish ( Olchazor mahallasi - O'zbekqishloqmash zavodi) — 4 054 nafar yoʻlovchi;

👥 2026-yil 13-oktabr kuni jami 1 408 292 nafar yo‘lovchi tashildi.

Haftalik ko‘rsatkich: 2026-yil 7-oktabrdan 13-oktabr kuniga qadar 8 872 810 nafar yo‘lovchi tashilgan. Ertalabki tigʻiz vaqt (pik soatlar) — soat 06:00 dan 10:00 gacha boʻlgan davrda jami 2 195 039 nafar yo‘lovchi tashildi.

✍️“Toshshahartransxizmat” AJ Axborot xizmati

🌐Bizlarni ijtimoiy tarmoqlarda kuzatib boring
Telegram | Instagram | Facebook | Web-site|YouTube

#INFOGRAFIKA

YO‘LOVCHILAR OQIMI BO‘YICHA KUNLIK MA'LUMOT!

"Toshshahartransxizmat" AJ tizimida bugungi kunda jami 164 ta yoʻnalish mavjud.

👥 Joriy yilnng 15-oktabr kuni ertalabki tigʻiz vaqt (pik soatlar) — soat 06:00 dan 10:00 gacha boʻlgan davrda jami 335 498 nafar yoʻlovchi tashildi.

📈 Mazkur davrda quyidagi yo‘nalishlarda yoʻlovchilar oqimi eng yuqori ko‘rsatkichni qayd etdi:

🚌 131-yoʻnalish ( Do’stlik 2-mavzesi – Olimpiya mavzesi) — 5 494 nafar yoʻlovchi;

🚌 8-yoʻnalish ( Olchazor mahallasi – Chilonzor mavzesi 25-daha) — 4 519 yoʻlovchi;

🚌 24-yoʻnalish ( TTZ AShB – Yunusobod mavzesi 6-daha) — 4 262 nafar yoʻlovchi;

🚌 9T-yoʻnalish ( Chilonzor mavzesi 25-daha – Toshkent vokzali) —4 229 nafar yoʻlovchi;

🚌 38-yoʻnalish ( Olchazor mahallasi - O'zbekqishloqmash zavodi) — 3 884 nafar yoʻlovchi;

👥 2026-yil 13-oktabr kuni jami 1 371 126 nafar yo‘lovchi tashildi.

Haftalik ko‘rsatkich: 2026-yil 8-oktabrdan 14-oktabr kuniga qadar 8 811 317 nafar yo‘lovchi tashilgan. Ertalabki tigʻiz vaqt (pik soatlar) — soat 06:00 dan 10:00 gacha boʻlgan davrda jami 2 165 277 nafar yo‘lovchi tashildi.

✍️“Toshshahartransxizmat” AJ Axborot xizmati

🌐Bizlarni ijtimoiy tarmoqlarda kuzatib boring
Telegram | Instagram | Facebook | Web-site|YouTube

📇 JAMOAT TRANSPORTI YANGILIKLARI DAYJESTI

🚌 Toshkentda avtobus yo‘laklariga kameralar o‘rnatilmoqda

Farg‘ona yo‘li ko‘chasidagi 6 km uzunlikdagi «A» avtobus yo‘laklariga qoidabuzarliklarni qayd etuvchi kameralar o‘rnatildi. Soat 06:00 dan 23:00 gacha ushbu yo‘lakda harakatlangan qoidabuzarlarga jarima qo‘llaniladi.

🚊 Shveysariyada tramvay infratuzilmasi rivojlantirilmoqda

Bern shahrida jamoat transportining yo‘lovchi tashish imkoniyatlarini oshirish masalasi muhokama qilinmoqda. Tramvay infratuzilmasini rivojlantirish orqali transport tizimi samaradorligini oshirish ko‘zda tutilgan.

🇳🇴 Norvegiyada Xitoy elektrobuslari nazorati kuchaymoqda

Xitoyda ishlab chiqarilgan elektrobuslarni masofadan boshqarish yoki faoliyatini to‘xtatish ehtimoli yuzasidan xavotirlar Norvegiyada kiberxavfsizlik masalasini dolzarb qildi.

📹 Batafsil — dayjestimizda!

✍️“Toshshahartransxizmat” AJ Axborot xizmati

🌐Bizlarni ijtimoiy tarmoqlarda kuzatib boring
Telegram | Instagram | Facebook | Web-site|YouTube

RASMIY MUNOSABAT

Ijtimoiy tarmoqlarda avtobusning bekatga yaqin to‘xtamagani yuzasidan e’lon qilingan tanqidiy murojaat bo‘yicha quyidagilarni ma’lum qilamiz.

Mazkur holat “2-Avtobus saroyi”ning “Yo‘lovchi tashishni tashkil etish” bo‘limi mas’ul xodimlari tomonidan o‘rganildi. O‘rganish davomida 96-sonli yo‘nalishda harakatlangan, davlat raqami 01 172 SKA bo‘lgan avtobus haydovchisi S.Y.dan tushuntirish xati olindi.

Haydovchi tomonidan bekatga yetarlicha yaqin to‘xtash talabiga rioya etilmagani yuzasidan tegishli tushuntirish ishlari olib borildi. Shuningdek, unga yo‘lovchilarga sifatli va xavfsiz xizmat ko‘rsatish, avtobus bekatlarida belgilangan tartibda to‘xtash hamda yo‘l harakati qoidalariga qat’iy rioya etish zarurligi yuzasidan ko‘rsatmalar berildi.

Kelgusida shu kabi holatlar takrorlangan taqdirda, haydovchiga nisbatan belgilangan tartibda tegishli choralar ko‘rilishi haqida ogohlantirildi.

“Toshshahartransxizmat” AJ yo‘lovchilarga sifatli va xavfsiz transport xizmatlarini ko‘rsatish, shuningdek, jamoat transporti faoliyatiga oid murojaatlarni o‘z vaqtida o‘rganish va aniqlangan kamchiliklarni bartaraf etish bo‘yicha ishlarni davom ettiradi.

✍️“Toshshahartransxizmat” AJ Axborot xizmati

🌐Bizlarni ijtimoiy tarmoqlarda kuzatib boring
Telegram | Instagram | Facebook | Web-site|YouTube

#OAV_BIZ_HAQIMIZDA

🚌 AYOL KISHI AVTOBUS HAYDAY OLADIMI?

👍 Ayol kishi avtobus haydashi mumkinmi? Bu kasbda ayollar qanday qiyinchiliklarga duch keladi va ularning ish kuni qanday o‘tadi?

🎥 Ushbu videoda avtobus haydovchisi bo‘lib ishlayotgan ayollarning mehnati, hayotiy tajribasi va kasbga bo‘lgan munosabati haqida so‘z boradi.

👩‍✈️ Kasbning jinsi yo‘q — muhimi, mahorat, mas’uliyat va fidoyilik!

📺 Avtobus haydovchisi Zebo Alimardonova haqida tayyorlagan videoni tomosha qiling.

✍️“Toshshahartransxizmat” AJ Axborot xizmati

🌐Bizlarni ijtimoiy tarmoqlarda kuzatib boring
Telegram | Instagram | Facebook | Web-site|YouTube

RASMIY MUNOSABAT

👍 Ijtimoiy tarmoqlarda avtobus haydovchisining salonidagi musiqani baland ovozda qo‘yib harakatlangani yuzasidan tanqidiy murojaat tarqaldi.

👍 Mazkur holat “7-Avtobus saroyi” filiali Tasarruf bo‘limi mas’ul xodimlari tomonidan o‘rganildi. O‘rganish davomida 2026-yil 17-oktabr kuni 13-sonli yo‘nalishda, davlat raqami 01 396 SKA bo‘lgan avtobus haydovchisi O. M. Taxminan soat 21:00 larda avtobus salonidagi musiqani baland ovozda qo‘yib, yo‘lovchilarga noqulaylik tug‘dirgani aniqlandi.

🚌 Holat yuzasidan haydovchidan tushuntirish xati olindi. U bilan yo‘lovchilarga sifatli va xavfsiz xizmat ko‘rsatish, muomala madaniyatiga rioya qilish hamda yo‘nalishda harakatlanish tartib-qoidalariga amal qilish yuzasidan tushuntirish ishlari olib borildi.

👍 Shuningdek, kelgusida bunday holatlar takrorlangan taqdirda, unga nisbatan belgilangan tartibda qat’iy choralar ko‘rilishi haqida ogohlantirilganligini ma'lum qilamiz.

✍️“Toshshahartransxizmat” AJ Axborot xizmati

🌐Bizlarni ijtimoiy tarmoqlarda kuzatib boring
Telegram | Instagram | Facebook | Web-site|YouTube

#OAV_BIZ_HAQIMIZDA

📺 Jamoat transportidan foydalanish darajasi 2026-yilda 37 % yetdi

👍 “O‘zbekiston 24” telekanalining “Axborot 24” informatsion dasturida O‘zbekiston Respublikasi Transport vazirligi tomonidan tashkil etilgan matbuot anjumanida jamoat transportidan foydalanish darajasining 2026-yilda 37 foizga yetgani hamda sohada amalga oshirilayotgan islohotlar yuzasidan ma’lumot berildi.

🎥 Quyida mavzuga oid videolavhani tomosha qilishingiz mumkin.

✍️“Toshshahartransxizmat” AJ Axborot xizmati

🌐Bizlarni ijtimoiy tarmoqlarda kuzatib boring
Telegram | Instagram | Facebook | Web-site|YouTube