🚌 TOSHKENT SHAHAR JAMOAT TRANSPORTINING 15-OKTABR HOLATIGA KO‘RA KO‘RSATGICHLARI
📊 2026-yil 15-oktabr kuni Toshkent shahar jamoat transportida 1 410 444 nafar yo‘lovchi tashilgan.
Yo‘l haqini to‘lamaganlik uchun ma'muriy javobgarlikka tortilgan yo'lovchilar 1 054 nafarni tashkil qiladi.

📅 2025-yilning shu kunida esa 1 307 918 nafar yo‘lovchi tashilgan va yo‘l haqini to‘lamaganlik uchun ma'muriy javobgarlikka tortilgan 299 nafar yo'lovchi.
📈 2025-yilning mos kuniga nisbatan:
🟢 Tashilgan yo‘lovchilar soni 102 526 nafarga yoki 7,8 foizga oshgan.
🔴 Yo'l haqini to'lamaganlik uchun ma'muriy javobgarlik 755 taga yoki 252,5 foizga oshgan.

💳 Hurmatli yo‘lovchilar!
Jamoat transportidan foydalanishda yo‘l haqini o‘z vaqtida, ya’ni avtobusga chiqishingiz bilanoq to‘lashingiz lozim. To‘lovni kechiktirmang va belgilangan tartibga rioya qiling.

✅ Yo‘l haqini o‘z vaqtida to‘lash — har bir yo‘lovchining majburiyati!

Toshkent shahar transport va yo'l-transport infratuzilmasini rivojlantirish bosh boshqarmasi

⚡️ DIQQAT, MUHIM E’LON!

Toshkent shahri yo'lovchilaridan kelib tushgan murojaatlar inobatga olinib, Dilsaroy ko'chasini jamoat transporti bilan ta'minlash hamda aholiga qulaylik yaratish maqsadida 100-sonli avtobus yo‘nalishining harakat yo'li o'zgartirilmoqda.

🚌 2026-yil 19-oktabrdan boshlab ushbu yo'nalishdagi avtobuslar quyidagi ko'chalar orqali harakatlanadi:
🔹Darxon ko'chasi
🔹Yangi Olmazor ko'chasi
🔹Dilsaroy ko'chasi
🔹Sag'bon ko'chasi
Yo'lovchilarimizdan ushbu o'zgarishni hisobga olgan holda o'z safarlarini oldindan rejalashtirishlarini so'raymiz.

Toshkent shahar transport va yo‘l-transport infratuzilmasini rivojlantirish bosh boshqarmasi

⚡️ DIQQAT, MUHIM E’LON!

Toshkent shahridagi Katta Darxon ko'chasida joylashgan "Ekskavator zavodi" bekatining avtobuslarni sig'dirish imkoniyati cheklanganligi inobatga olindi. Shuningdek, yo'lovchilar tashish xavfsizligini ta'minlash maqsadida 58-sonli avtobus yo‘nalishining harakati "Darxon maydoni" bekatigacha qisqartirilmoqda.

🚌 2026-yil 19-oktabrdan boshlab ushbu yo'nalishdagi avtobuslar harakati ko'rsatilgan bekatgacha amalga oshiriladi.
Yo'lovchilarimizdan ushbu o'zgarishni hisobga olgan holda o'z safarlarini oldindan rejalashtirishlarini so'raymiz.

Toshkent shahar transport va yo‘l-transport infratuzilmasini rivojlantirish bosh boshqarmasi

⚡️ DIQQAT, E’LON!

🚍 Toshkent viloyati Yangiyo‘l tumani Beruniy ko‘chasida olib borilayotgan ta’mirlash ishlari sababli 181-sonli avtobus yo‘nalishi harakati vaqtinchalik Samarqand, Nazirova va Beshariq ko‘chalari orqali tashkil etiladi.
⚠️ Mazkur hududda transport oqimining ortishi va tirbandliklar yuzaga kelishi ehtimoli sababli avtobuslarning qatnov intervallari uzayishi, shuningdek, yo‘nalish harakatiga qo‘shimcha o‘zgartirishlar kiritilishi mumkin.
📢 Yo‘lovchilardan ushbu holatni inobatga olib, safarlarini oldindan rejalashtirishlarini so‘raymiz.

Toshkent shahar transport va yo‘l-transport infratuzilmasini rivojlantirish bosh boshqarmasi

🚌 JAMOAT TRANSPORTIDAN KIMLAR BEPUL FOYDALANISH HUQUQIGA EGA?

O‘zbekiston Respublikasining 1996-yil 30-avgustdagi 278-I-sonli Qonuniga muvofiq, quyidagi toifadagi fuqarolar shahar yo‘lovchilar transportidan (taksidan tashqari) bepul foydalanish huquqiga ega:
✅ 1941–1945-yillardagi urush qatnashchilari jumlasidan bo‘lgan harbiy xizmatchilar;
✅ 1941–1945-yillardagi urush nogironlari va ularga tenglashtirilgan shaxslar;
✅ Urush davrida front ortidagi fidokorona mehnati va benuqson harbiy xizmati uchun orden va medallar bilan taqdirlangan shaxslar;
✅ Afg‘oniston va boshqa mamlakatlar hududidagi jangovar harakatlarda qatnashgan sobiq baynalminalchi jangchilar;
✅ Haqiqiy muddatli harbiy xizmatni o‘tayotgan harbiy xizmatchilar hamda kontrakt bo‘yicha oddiy askarlar va serjantlar tarkibidagi harbiy xizmatchilar;
✅ “O‘zbekiston Respublikasi faxriy donori” ko‘krak nishoni bilan taqdirlangan shaxslar;
✅ Chernobil AES halokati oqibatida nurlanish kasalligiga chalingan va uni boshdan kechirgan shaxslar;
✅ O‘zgalar parvarishiga muhtoj bo‘lgan yolg‘iz keksalar, yolg‘iz yashovchi keksalar va nogironligi bo‘lgan shaxslar;
✅ Nogironligi bo‘lgan ko‘zi ojiz shaxslar, I guruh nogironligi bo‘lgan shaxslar hamda ularga hamrohlik qiluvchi bir nafar shaxs.

💳 IMTIYOZLI TRANSPORT KARTASINI QANDAY OLISH MUMKIN?
Bepul yurish huquqini beruvchi imtiyozli transport kartasini rasmiylashtirish jarayoni elektron tizim orqali amalga oshiriladi.

📲 Fuqarolar kartani olish uchun my.gov.uz — Yagona interaktiv davlat xizmatlari portali yoki Davlat xizmatlari markazlari orqali ariza topshirishlari mumkin.
📬 Rasmiylashtirilgan imtiyozli transport kartasi UzPost milliy pochta operatori orqali arizada ko‘rsatilgan pochta manziliga yetkazib beriladi.

🚌 Jamoat transportidan bepul foydalanish huquqi — yo‘lovchilar uchun yaratilgan muhim ijtimoiy imkoniyat!