Rasmiy munosabat:
Ijtimoiy tarmoqlarda 154-sonli (“Bobur mahallasi” – “Zangiota yuqumli kasalliklar shifoxonasi”) hamda 184-sonli (“Food City” – “Obihayot ko‘chasi”) avtobus yo‘nalishlari faoliyati, xususan, oraliq intervallarning uzoqligi va avtobuslarning kichik sig‘imliligi bo‘yicha bildirilgan e’tirozlar yuzasidan quyidagilarni ma’lum qilamiz:

🔹 Tasdiqlangan jadvalga ko‘ra, 154-yo‘nalishda 5 ta, 184-yo‘nalishda esa 9 ta "SAZ-LE 60 Isuzu" rusumli avtobuslar 20 daqiqalik interval bilan harakatlanishi belgilangan. Biroq, joriy yilning 16-aprel kuni har ikkala yo‘nalishda ham 1 tadan avtobus texnik nosozlik tufayli qatnovga chiqa olmagan. Bu esa tig‘iz vaqtda oraliq intervallarning keskin ortib ketishiga va yo‘lovchilarning haqli e’tirozlariga sabab bo‘lgan.

🔹 Avtobuslarda yuzaga kelgan texnik nosozliklar bartaraf etilishi hamda qatnovlar muntazamligi tiklanishi yuzasidan tezkor choralar amalga oshirilmoqda.

Bundan tashqari: “Sokin Makon” TJM va hududdagi boshqa aholi punktlaridan yo‘lovchi oqimi ortganini inobatga olgan holda, 2026-yilda xarid qilinadigan yangi avtobuslar hisobiga 154 va 184-yo‘nalishlarning harakat tarkibini ko‘paytirish hamda oraliq intervallarini qisqartirish rejalashtirilgan.

Yo‘nalishda yuzaga kelgan texnik sabablarga ko‘ra, tashuvchi tomonidan keltirilgan noqulayliklar uchun yo‘lovchilardan uzr so‘raymiz.