🤳 ATTO ilovasidagi “Transport” bo‘limi yordamida sayohatlarni qulay nazorat qiling: to‘lov tafsilotlarini ko‘ring, yo‘nalishlarni rejalashtiring va avtobuslarni real vaqt rejimida kuzatib boring.

Batafsil — videorolikda.

🔹🔹🔹

🤳 Раздел «Транспорт» в приложении ATTO помогает удобно контролировать поездки: смотреть детали оплаты, планировать маршруты и отслеживать автобусы в реальном времени.

Подробнее — в видеоролике.

✍️“Toshshahartransxizmat” AJ Axborot xizmati

🌐Bizlarni ijtimoiy tarmoqlarda kuzatib boring
Telegram | Instagram | Facebook | Web-site|YouTube

✅✅✅✅✅

11-sonli avtobusda texnik nosozlik yuzaga kelgani sabab yo‘lovchilar avtobusdan tushurilganligi aks etgan videopost yuzasidan RASMIY MAʼLUMOT!
 
🔺Joriy yilning 4-may kuni “Toshshahartransxizmat” AJ tasarrufidagi “18-Avtobus saroyi” filialiga qarashli «KING LONG» rusumli, davlat raqami 01|864 LKA, saroy raqami 331-bo‘lgan, 11-sonli “Beltepa dahasi - Mahalliy aeroport” yo’nalishida harakatlanadigan avtobus, soat 18:30larda “Bobur” ko’chasida harakatlanib ketayotgan vaqtda, avtobusning yurish qismida texnik nosozlik yuzaga kelganligi sababli harakatdan to’xtagan. Shundan so‘ng haydovchi avtobusda texnik nosozlik sabab harakatni davom ettira olmasligini yo’lovchilarga ma’lum qilib, ortidan harakatlanib kelayotgan 374-saroy raqamli 11-yo’nalish avtobusiga o’tib olishlarini so‘ragan.

✅So’ngra mazkur avtobus “18-Avtobus saroyi”ga qaytib kirgan va undagi texnik kamchiliklar tezkor ta'mirlanganidan so’ng shu kunning o‘zida yo’nalishga qayta chiqarilgan.

👉Bugungi kunda mazkur avtobus texnik soz holatda yo‘lovchilarga xizmat ko‘rsatayotganligini maʼlum qilamiz.

❗️ Yuqorida keltirilgan noqulaylik uchun yo‘lovchilardan uzur so‘raymiz!

✍️“Toshshahartransxizmat” AJ Axborot xizmati

🌐Bizlarni ijtimoiy tarmoqlarda kuzatib boring
Telegram | Instagram | Facebook | Web-site|YouTube

❗️❗️❗️❗️

🚨 Haydovchilar diqqatiga: tezlik — eng katta xavf!

💯 "Toshshahartransxizmat" AJning 2026-yil 1-maydagi 1-son Farmoyishiga muvofiq, sodir etilishi mumkin boʻlgan yo‘l-transport hodisalarining oldini olish, yo‘l harakati qoidabuzarliklarini, xususan tezlikni me’yoridan oshirish holatlarini keskin kamaytirish maqsadida, joriy yilning 1-may kunidan 31-may kuniga qadar Jamiyat tarkibidagi barcha avtosaroylarda “Avtobus haydovchilari tomonidan harakat tezligini oshirish holatlariga qarshi kurash oyligi” e’lon qilindi.

✔️Mazkur oylik doirasida haydovchilar o‘rtasida yo‘l harakati madaniyatini yuksaltirish, mas’uliyat hissini kuchaytirish hamda har bir qatnov davomida xavfsizlik talablariga qat’iy rioya etilishini ta’minlashga alohida e’tibor qaratilmoqda. Shu bilan birga, mas’ul rahbarlar va mutasaddi xodimlarga haydovchilar bilan muntazam profilaktik suhbatlar o‘tkazish, tushuntirish ishlari ko‘lamini kengaytirish, ichki nazorat mexanizmlarini yanada kuchaytirish vazifalari yuklatildi.

✔️ Ushbu tadbirlar Toshkent shahar IIBB YHXB bilan hamkorlikda olib borilmoqda. Hamkorlik doirasida yo‘llarda nazorat tadbirlari tashkil etish, belgilangan tezlikka amal qilinishini monitoring qilish, qoidabuzarliklarning oldini olishga qaratilgan profilaktik chora-tadbirlarni amalga oshirish belgilangan.

⚡️Shuningdek, haydovchilarga yo‘l-transport hodisalarining oqibatlari, tezlikni oshirishning xavf-xatarlari haqida tushuntirish berish, amaliy misollar asosida targ‘ibot ishlarini kuchaytirish orqali xavfsiz harakat muhitini yaratish ko‘zda tutilgan.

❗️Unutmang, har bir haydovchining hushyorligi va mas’uliyati – yuzlab yo‘lovchilar hayotining kafolatidir!

✍️“Toshshahartransxizmat” AJ Axborot xizmati

🌐Bizlarni ijtimoiy tarmoqlarda kuzatib boring
Telegram | Instagram | Facebook | Web-site|YouTube

🔤🔤🔤🔤🔤🔤🔤🔤🔤❓

🚌 “Bilasizmi?” sahifamizning bugungi soni, 1990-yilda tashkil etilib, ilk bor "Uyg‘ur ko‘chasi - Chuqursoy temiryo‘l stansiya" oralig‘ida harakatlangan, bugungi kunda esa "8-Avtobus saroyi" filialiga biriktirilgan 123-sonli "Chuqursoy temiryo‘l stansiyasi - Chorsu metrosi" avtobus yo‘nalishi haqida.

✍️“Toshshahartransxizmat” AJ Axborot xizmati

🌐Bizlarni ijtimoiy tarmoqlarda kuzatib boring
Telegram | Instagram | Facebook | Web-site|YouTube

✅✅✅✅✅❗️

➖Ijtimoiy tarmoqlarda avtobus yo‘nalishlarida havo harorati ko‘tarilishi fonida konditsionerlarning ishlamayotganligi yuzasidan bildirilayotgan e’tirozlar bo‘yicha quyidagilarni ma’lum qilamiz.

Toshkent shahar transport va yo‘l-transport infratuzilmasini rivojlantirish bosh boshqarmasining 2026-yil 30-apreldagi 1/E-410-sonli ko‘rsatma xatiga muvofiq, tashqi havo harorati +28°C dan yuqori bo‘lgan hollarda avtobus salonlarida sovitish (konditsioner) tizimlaridan majburiy tartibda foydalanish belgilangan. Bunda salon ichidagi haroratni +26°C darajada saqlash talab etiladi.

Mazkur ko‘rsatma ijrosini ta’minlash maqsadida, 2026-yil 7-may kunidan boshlab, avtobuslar salonida sovitish tizimi(konditsionerlar) bosqichma-bosqich ishga tushiriladi.

Shu bilan bir qatorda, “Toshshahartransxizmat” AJ tomonidan yo’lovchilarga sifatli jamoat transporti xizmatini ko’rsatish maqsadida quyidagi choralar ko‘rilishi ta’minlanadi:
⚫️konditsioner tizimi nosoz bo‘lgan avtobuslarni yo‘nalishlarga chiqarmaslik;
⚫️mavjud texnik nosozliklarni qisqa muddatlarda bartaraf etish;
⚫️barcha haydovchilar bilan konditsionerlardan to‘g‘ri foydalanish bo‘yicha navbatdan tashqari yo‘riqnomalar o‘tkazish.

Yo‘lovchilar tomonidan bildirilayotgan har bir murojaat e’tibordan chetda qolmaydi va keskin choralar ko‘riladi. Vaqtinchalik yuzaga kelgan noqulayliklar uchun yo‘lovchilardan uzr so‘raymiz!

Shu bilan birga, “Toshkent shahar yo‘lovchi tashishni monitoring va nazorat qilish” davlat muassasasi tomonidan jamoat transportida nazorat tadbirlari kuchaytirildi. Yo‘lovchilardan kelib tushayotgan murojaatlar tezkor ko‘rib chiqilib, belgilangan talablarga rioya etmagan mas’ullarga nisbatan qat’iy intizomiy va shartnomaviy choralar qo‘llanilishi ta'minlanmoqda.

✍️“Toshshahartransxizmat” AJ Axborot xizmati

🌐Bizlarni ijtimoiy tarmoqlarda kuzatib boring
Telegram | Instagram | Facebook | Web-site|YouTube

✅✅✅✅✅❗️

Ijtimoiy tarmoqlarda “12-Avtobus saroyi” filiali tasarrufidagi “Yutong” rusumli avtobus avtoshinasi nosozligi aks etgan videolavha yuzasidan quyidagilarni ma’lum qilamiz.

"12-Avtobus saroyi" filiali tasarrufidagi mazkur “Yutong ZK 6126HG” rusumli, davlat raqami 01|042 TKA, saroy raqami 197-bo‘lgan avtobus 2026-yil 5-may kuni soat 06:07da haydovchi R.J. boshqaruvida navbatchi mexaniklar tomonidan texnik ko‘rikdan o‘tkazilib, texnik soz holatda yo‘nalishga chiqarilgan. Avtobusning umumiy bosib o‘tgan masofasi 262 ming kmni tashkil etmoqda.

Ayni paytda “Toshshahartransxizmat” AJ avtobus saroyi filiallari tasarrufidagi harakat tarkibi uchun avtoshinalarga ehtiyoj mavjud bo‘lib, ushbu talabni qoplash maqsadida avtoshinalar xaridi bosqichma-bosqich amalga oshirilmoqda.

Shuningdek, “Yutong” rusumli avtobus va elektrobuslar uchun 305/70R22.5 o'lchamdagi avtoshinalar Respublikamizda ishlab chiqarilmasligi hamda yetkazib beruvchi korxonalar tomonidan kam miqdorda olib kirilishi hisobiga mazkur o'lchamdagi avtoshinalarni yetkazib berishda uzilishlar kuzatilmoqda.

Ma'lumot uchun 2026-yil boshidan buyon 2150 dona turli o'lchamdagu avtoshinalar xaridi amalga oshirilgan.

Ushbu yo'nalishda ishlar davom ettirilmoqda.

✍️“Toshshahartransxizmat” AJ Axborot xizmati

🌐Bizlarni ijtimoiy tarmoqlarda kuzatib boring
Telegram | Instagram | Facebook | Web-site|YouTube

🚌 Poytaxt avtobuslarida konditsionerlar bosqichma-bosqich ishga tushirilmoqda

🔷Tashqi havo harorati +28°C dan yuqori bo‘lgan hollarda avtobus salonlarida sovitish tizimlari (konditsionerlar)dan foydalanish hamda salon ichidagi haroratni +26°C darajada saqlash belgilangan.

➡️Shu munosabat bilan, “Toshshahartransxizmat” AJ tomonidan 2026-yil 7-may kunidan boshlab avtobus salonlarida konditsionerlarni bosqichma-bosqich ishga tushirish ishlari olib borilmoqda.

❗️Shuningdek, avtobus jamoat transporti ekanligi sababli, barcha yo‘lovchilar manfaatlari inobatga olinadi. Zarur hollarda yoshi katta yoki yosh bolali fuqarolar talabiga ko‘ra ayrim vaqtlarda sovitish tizimi vaqtincha o‘chirib turilishi mumkinligini ma'lum qilamiz.

👨‍🦰 Mazkur holatlar “Toshkent shahar yo‘lovchi tashishni monitoring va nazorat qilish” davlat muassasasi nazoratchilari tomonidan doimiy nazorat qilib borilmoqda.

✍️“Toshshahartransxizmat” AJ Axborot xizmati

🌐Bizlarni ijtimoiy tarmoqlarda kuzatib boring
Telegram | Instagram | Facebook | Web-site|YouTube

🚌❗️Jamoat transporti faoliyati qat’iy nazorat ostida!

Bugun “Toshshahartransxizmat” AJ Boshqaruv raisi Aziz Xujanov hamda mas’ul xodimlar tomonidan yo‘nalishlarda xizmat ko‘rsatayotgan avtobuslar faoliyati yuzasidan nazorat tadbiri o‘tkazildi.

🔎Nazorat davomida:
✅avtobuslarning bekatlarga to‘g‘ri va yo‘lovchilar uchun qulay tarzda to‘xtashi;
✅salonlarda konditsionerlarning ishlashi;
✅texnik nosozliklarni tezkor bartaraf etish bo‘yicha olib borilayotgan ishlar tekshirildi.

✔️ Shuningdek, aniqlangan kamchiliklarni zudlik bilan bartaraf etish yuzasidan mas’ullarga tegishli topshiriqlar berildi.

Yo‘lovchilarga xavfsiz, qulay va sifatli xizmat ko‘rsatishni ta’minlash maqsadida bunday nazorat va reyd tadbirlari doimiy ravishda davom ettiriladi.

🚌 Yo‘lovchilarga qulay, xavfsiz va sifatli xizmat ko‘rsatish — doimiy e’tiborda!

✍️“Toshshahartransxizmat” AJ Axborot xizmati

🌐Bizlarni ijtimoiy tarmoqlarda kuzatib boring
Telegram | Instagram | Facebook | Web-site|YouTube