🚌 Toshkentda jamoat transporti ustuvorligi kuchaymoqda: “A” yo‘laklariga deliniatorlar o‘rnatilmoqda

Toshkentda avtobuslar harakati uchun “A” toifasidagi alohida yo‘laklarni bosqichma-bosqich joriy etish ishlari davom etmoqda.

Magic City hududidagi Furqat ko‘chasidan Xalqlar do‘stligi saroyi atrofidagi Islom Karimov ko‘chasigacha bo‘lgan yo‘l qismida “A” yo‘lagi uchun maxsus yo‘l chiziqlari chizildi. Shuningdek, ushbu yo‘lakni umumiy transport oqimidan ajratishga xizmat qiluvchi deliniatorlar — jismoniy ajratuvchi elementlar o‘rnatilmoqda.

Bu poytaxt uchun muhim yangilik hisoblanadi. Endilikda jamoat transportiga berilayotgan ustuvorlik faqat yo‘l chizig‘i bilan emas, balki yo‘lakni yanada ko‘rinadigan, tushunarli va intizomga chorlovchi qo‘shimcha elementlar bilan ham mustahkamlanmoqda.

📊 Bu nima uchun kerak?

Jahon tajribasi shuni ko‘rsatadiki, AQSh, Ispaniya, Buyuk Britaniya, Singapur, Avstraliya, shuningdek, Baku shahrida avtobuslar uchun ajratilgan alohida yo‘laklar jamoat transporti harakat tezligini oshirish, tig‘iz vaqtlarda kechikishlarni kamaytirish hamda avtobuslar qatnov jadvalini barqarorlashtirishga xizmat qilmoqda.

Yirik megapolislar bunday yechimlardan tirbandliklarni kamaytirish va jamoat transporti jozibadorligini oshirishning muhim vositalaridan biri sifatida foydalanmoqda.

Deliniatorlar esa alohida yo‘lak samaradorligini yanada kuchaytiradi: ular begona avtomobillarning avtobus yo‘lagiga kirib ketish ehtimolini kamaytiradi, tartibsiz qayta saflanishlarning oldini oladi va haydovchilarga jamoat transporti ustuvorligi qayerdan boshlanishini oldindan aniq ko‘rsatadi.

Ta’kidlash joizki, joriy yil davomida Toshkentning 30 dan ortiq ko‘chasida “A” toifasidagi alohida yo‘laklarni tashkil etish rejalashtirilgan. Ushbu yo‘nalishlarda deliniatorlar va jamoat transporti samaradorligini oshirishga qaratilgan boshqa elementlar ham bosqichma-bosqich qo‘llanadi.

Asosiy maqsad — Toshkentda avtobuslar harakatini tezroq, barqarorroq va oldindan taxmin qilish mumkin bo‘lgan tizimga aylantirish.

Jamoat transporti real ustuvorlikka ega bo‘lsa, bundan minglab yo‘lovchilar yutadi: yo‘lda sarflanadigan vaqt qisqaradi, qatnov qulayligi oshadi, yo‘llardagi yuklama kamayadi va zamonaviy shahar harakati madaniyati shakllanadi.

📣 DIQQAT E’LON!

👥 “Toshshahartransxizmat” AJ tomonidan O‘zbekiston Respublikasi “Jismoniy va yuridik shaxslarning murojaatlari to‘g‘risida”gi Qonuni talablariga muvofiq fuqarolar hamda yuridik shaxslar vakillari uchun navbatdagi sayyor qabul o‘tkazilishi rejalashtirilgan.

🚌 Mazkur sayyor qabul davomida jamoat transportida xizmat ko’rsatish sifatini yaxshilash, tadbirkorlik faoliyatini rivojlantirish va sohaga oid boshqa masalalar yuzasidan murojaatlar qabul qilinadi hamda tegishli tushuntirishlar beriladi.

📅O‘tkazilish sanasi: 26-iyun
🕖 Boshlanish vaqti: soat 16:00
📌O‘tkazilish joyi: Mirzo Ulug’bek tumani, Shabboda ko’chasi, 2-uy. “5-Avtobus saroyi” binosi.

📌 Sayyor qabulda ishtirok etish istagida bo‘lgan barcha fuqarolar va tashkilotlar vakillari belgilangan vaqtda ko‘rsatilgan manzilga kelishlari so‘raladi.

✍️“Toshshahartransxizmat” AJ Axborot xizmati

🌐Bizlarni ijtimoiy tarmoqlarda kuzatib boring
Telegram | Instagram | Facebook | Web-site|YouTube

📣 ВНИМАНИЕ ОБЪЯВЛЕНИЕ!

👥 В соответствии с требованиями Закона Республики Узбекистан «Об обращениях физических и юридических лиц» АО «Ташшахартрансизмат» планирует провести очередной выездной прием для граждан и представителей юридических лиц.

🚌 В ходе выездного приема будут приниматься обращения по вопросам повышения качества услуг общественного транспорта, развития предпринимательской деятельности и другим вопросам, связанным с отраслью, а также предоставляться соответствующие разъяснения.

📅 Дата мероприятия: 26 июня
🕖 Начало: 16:00
📌 Место проведения: Мирзо-Улугбекский район, улица Шаббода, дом 2, корпус «5-Автобус саройи».

📌 Всех граждан и представителей организаций, желающих принять участие в выездном приеме, просят прийти по указанному адресу в назначенное время.

Hurmatli ommaviy axborot vositalari vakillari, jurnalistlar, blogerlar va matbuot sohasi fidoyilari!

Sizlarni 27-iyun — Matbuot va ommaviy axborot vositalari xodimlari kuni munosabati bilan samimiy muborakbod etamiz!

Jamiyat va taraqqiyot o‘rtasida mustahkam ko‘prik vazifasini o‘tayotgan matbuot vakillari har bir voqea va yangilikni xalqimizga tezkor, xolis va haqqoniy yetkazish orqali yurtimiz rivojiga munosib hissa qo‘shib kelmoqdalar. Sizlarning mashaqqatli mehnatingiz tufayli jamiyat hayotidagi muhim o‘zgarishlar, islohotlar va ezgu tashabbuslar keng jamoatchilikka yetib boradi.

Bugungi axborot asrida jurnalist va blogerlarning mas’uliyati yanada ortib bormoqda. Haqiqatni izlash, ochiqlik va shaffoflikni ta’minlash, jamoatchilik fikrini shakllantirish yo‘lidagi fidokorona faoliyatingiz har qanday e’tirofga munosibdir.

"Toshshahartransxizmat" aksiyadorlik jamiyati faoliyatini keng yoritishda, poytaxt jamoat transporti tizimidagi yangilanishlar, yo‘lovchilarga yaratilayotgan qulayliklar hamda sohadagi dolzarb masalalarni aholiga yetkazishda ko‘rsatib kelayotgan hamkorligingiz uchun alohida minnatdorlik bildiramiz.

Sizlarning qalamingiz o‘tkir, nigohingiz teran, so‘zingiz ta’sirchan bo‘lsin. Har bir ijodiy izlanishingiz yangi yutuqlar, kasbiy muvaffaqiyatlar va yuksak e’tiroflarga olib kelsin.

Kasb bayramingiz muborak bo‘lsin!

✍️“Toshshahartransxizmat” AJ Axborot xizmati

🌐Bizlarni ijtimoiy tarmoqlarda kuzatib boring
Telegram | Instagram | Facebook | Web-site|YouTube

Murojaatlar e'tiborda – yechimlar amalda!

📇 2026-yil 26-iyun kuni “Toshshahartransxizmat” AJ tomonidan aholi hamda tadbirkorlik subyektlari vakillari uchun navbatdagi sayyor qabul tashkil etildi.

👥 Qabul davomida Jamiyat Boshqaruv raisi A.Xujanov va uning o‘rinbosarlari fuqarolar hamda yuridik shaxslar vakillarining murojaatlarini bevosita tinglab, ularni ijobiy hal etish yuzasidan tegishli mas'ullarga aniq topshiriqlar berdi.

🚌 Murojaatlar asosan jamoat transporti xizmatlari sifatini yanada yaxshilash, yo‘nalishlar faoliyati, tadbirkorlikni rivojlantirish hamda sohaga oid boshqa dolzarb masalalarni qamrab oldi. Har bir murojaat atroflicha ko‘rib chiqilib, amaldagi qonunchilik asosida zarur tushuntirishlar berildi.

📌 "Toshshahartransxizmat" AJ uchun fuqarolar bilan ochiq muloqot qilish, ularning taklif va murojaatlarini o‘rganish, ularga amaliy yechimlar ishlab chiqish ustuvor vazifalardan biri bo‘lib qoladi hamda bu kabi ochiq muloqotlar davom ettiriladi.

✍️“Toshshahartransxizmat” AJ Axborot xizmati

🌐Bizlarni ijtimoiy tarmoqlarda kuzatib boring
Telegram | Instagram | Facebook | Web-site|YouTube

⭕️⭕️⭕️⭕️

11-sonli avtobusning sanitar va texnik holati talab darajasida emasligi haqida joylashtirilgan post yuzasidan RASMIY MA'LUMOT!

✍️“Toshshahartransxizmat” AJ Axborot xizmati

🌐Bizlarni ijtimoiy tarmoqlarda kuzatib boring
Telegram | Instagram | Facebook | Web-site|YouTube

#Yoshlar_siyosati
#30_iyun_Yoshlar_kuni
#Rahbar_va_yoshlar_uchrashuvi

⚡️ Yoshlar – taraqqiyot va yangilanishning muhim kuchi!

"Toshshahartransxizmat" AJda yoshlarga oid davlat siyosatini izchil amalga oshirish, tizimda faoliyat yuritayotgan yosh xodimlarning muammo va takliflarini o‘rganish, ularning tashabbuslarini qo‘llab-quvvatlash maqsadida "Rahbar va yoshlar" uchrashuvi tashkil etildi.

🔘30-iyun – Yoshlar kuni munosabati bilan Jamiyat Boshqaruv raisi Aziz Xujanov va tizimda faoliyat olib borayotgan yoshlar ishtirokida ochiq muloqot bo‘lib o‘tdi.

💬

Uchrashuv davomida yosh xodimlarning kasbiy faoliyatiga oid taklif va tashabbuslari, mavjud muammo hamda kamchiliklarni bartaraf etish yuzasidan fikrlari tinglandi. Shuningdek, bugungi kunda yoshlar uchun yaratilayotgan imkoniyatlar, ulardan samarali foydalanish, malaka va salohiyatni yanada rivojlantirish masalalari yuzasidan zarur tavsiya va ko‘rsatmalar berildi.

🗣 Muloqot davomida Jamiyat Boshqaruv raisi Aziz Xujanov yoshlarning har bir tashabbusi va g‘oyasi Jamiyat taraqqiyoti uchun muhim ahamiyat kasb etishini ta'kidlab, ularni har tomonlama qo‘llab-quvvatlash, kasbiy va shaxsiy rivojlanishi uchun zarur shart-sharoitlarni yaratish hamda bildirilgan takliflarni amaliy jihatdan qo‘llab-quvvatlashga doimo tayyor ekanligini alohida qayd etdi.

🏅 Tadbir yakunida tizimda o‘zining fidokorona mehnati, yuqori mas'uliyati va tashabbuskorligi bilan namuna bo‘lib kelayotgan bir guruh yosh xodimlar tashakkurnoma va esdalik sovg‘alari bilan taqdirlandi.

🤝 "Toshshahartransxizmat" AJ yoshlarning bilim va salohiyatini qo‘llab-quvvatlash, ularning tashabbuslarini ro‘yobga chiqarish hamda kelgusida ham samarali faoliyat yuritishlari uchun zarur shart-sharoitlarni yaratishga alohida e'tibor qaratishda davom etadi.

✍️“Toshshahartransxizmat” AJ Axborot xizmati

🌐Bizlarni ijtimoiy tarmoqlarda kuzatib boring
Telegram | Instagram | Facebook | Web-site|YouTube

✅✅✅✅✅

Joriy yilning 2-iyul kuni Telegram ijtimoiy tarmog‘ida “8-Avtobus saroyi” filiali hududida avtobus va elektrobuslar avtoshinalari hamda ehtiyot qismlar tanqisligi sababli haydovchilar yo‘nalishlarga chiqmayotgani va ishsiz qolgani mazmunidagi videolavha tarqatildi.

Mazkur holat yuzasidan quyidagilarni ma’lum qilamiz:
“8-Avtobus saroyi” filiali tomonidan kunlik harakat rejasiga muvofiq yo‘nalishlarga chiqarilishi belgilangan avtobus va elektrobuslarning to‘liq xizmatga chiqishi ta’minlanmoqda. Videolavhada aks etgan saroy raqamlari 006, 509, 524, 536, 551, 553, 588, 595 va 623 bo‘lgan harakat tarkiblari esa tegishli yo‘nalishlarga zahira harakat tarkibi sifatida biriktirilgan.

Shuningdek, videoda ko‘rsatilgan ayrim avtobus va elektrobuslarda reja asosida texnik xizmat ko‘rsatish hamda joriy ta’mirlash ishlari olib borilayotgan bo‘lib, ulardagi avtoshinalar belgilangan me’yoriy foydalanish muddatini o‘taganligi sababli yangisiga almashtirish ishlari amalga oshirilmoqda.

Mazkur texnik tadbirlar harakat xavfsizligini ta’minlash hamda yo‘lovchilarga sifatli xizmat ko‘rsatishni yanada yaxshilash maqsadida olib borilmoqda.

Texnik xizmat ko‘rsatish jarayonidagi harakat tarkiblariga biriktirilgan haydovchilar esa boshqa texnik soz avtobus va elektrobuslarda yo‘lovchilarga xizmat ko‘rsatishga jalb etilgan bo‘lib, ularning mehnat faoliyati uzluksiz tashkil etilgan.

Mazkur videolavha “8-Avtobus saroyi” filiali hududida, “18-Avtobus saroyi” filiali haydovchisi tomonidan tasvirga olingan bo‘lib, haydovchi holat yuzasidan aniq maʼlumotga ega bo‘lmay turib tasdiqlanmagan ma'lumotni ijtimoiy tarmoq orqali tarqatgan. Natijada jamoatchilik orasida “Toshshahartransxizmat” AJ faoliyati yuzasidan noto‘g‘ri tasavvur shakllanishiga sabab bo‘lgan.

Mazkur holat yuzasidan xizmat tekshiruvi tayinlangan bo‘lib, uning yakunlari bo‘yicha amaldagi mehnat qonunchiligi hamda Jamiyatning ichki mehnat tartibi qoidalariga muvofiq tegishli choralar ko‘riladi.

Hurmatli fuqarolar va ommaviy axborot vositalari vakillaridan faqat rasmiy manbalarda e’lon qilinayotgan ishonchli ma’lumotlarga tayanishlarini hamda tasdiqlanmagan axborotlarni tarqatmasliklarini so‘raymiz.

✍️“Toshshahartransxizmat” AJ Axborot xizmati

🌐Bizlarni ijtimoiy tarmoqlarda kuzatib boring
Telegram | Instagram | Facebook | Web-site|YouTube

#OAV_BIZ_HAQIMIZDA

🗞📰"O‘zbekiston ovozi" gazetasi| Yo‘llarda harakatlanish madaniyati: Biz qachon bunga amal qilamiz?

Ushbu mavzu yuzasidan "Toshshahartransxizmat" AJ Boshqaruv raisining ma'naviyat va davlat tili masalalari bo‘yicha maslahatchisi Malika Abdullayeva va 12-sonli avtobus yo‘nalishi haydovchisi Jasurbek Toshevlarning fikrlari bilan ushbu maqolada tanishishingiz mumkin.

✍️“Toshshahartransxizmat” AJ Axborot xizmati

🌐Bizlarni ijtimoiy tarmoqlarda kuzatib boring
Telegram | Instagram | Facebook | Web-site|YouTube

🔤🔤🔤🔤🔤🔤🔤🔤🔤❓

🚌 “Bilasizmi?” sahifamizning bugungi sonida 1961-yilda tashkil etilgan va bugungi kunda “1-Avtobus saroyi” filialiga biriktirilgan 22-sonli “Do‘stlik metrosi – Toshkent MUM” avtobus yo‘nalishi haqida qiziqarli ma’lumotlar bilan bo‘lishamiz.

📌 Mazkur yo‘nalish poytaxtimizning muhim nuqtalarini bog‘lab, ko‘p yillardan buyon yo‘lovchilarga xizmat ko‘rsatib kelmoqda.

💬Siz ushbu yo‘nalishdan foydalanganmisiz? Fikrlaringizni izohlarda qoldiring!

✍️“Toshshahartransxizmat” AJ Axborot xizmati

🌐Bizlarni ijtimoiy tarmoqlarda kuzatib boring
Telegram | Instagram | Facebook | Web-site|YouTube

👥 🚌 #SOROVNOMA ❓

⭕️⭕️⭕️⭕️

“Yutong” rusumli 72-sonli avtobusning orqa avtoshinasi nosozligi aks etgan videopost yuzasidan RASMIY MA’LUMOT!

Joriy yilning 8-iyul kuni “Toshshahartransxizmat” AJning “2-Avtobus saroyi” filiali tasarrufidagi "Yutong" rusumli, davlat raqami 01 | 472 ALA bo’lgan, 72-sonli yo’nalishda harakatlanuvchi avtobus ertalab texnik ko‘rikdan o‘tkazilib texnik soz holatda yo‘nalishga chiqarilgan. Yo‘nalishda harakatlanish davomida avtobusning orqa avtoshinasi nosoz holatga kelgan. Mazkur holat yuzasidan zudlik bilan mas'ul xodimlar jalb qilinib, avtobus avtosaroy hududiga olib kelingan.

Hozirda mazkur avtobusning avtoshinasi qisqa muddat ichida almashtirilib texnik soz holatda qayta yo‘nalishga chiqarilganligini ma'lum qilamiz.

“Toshshahartransxizmat” AJ yo‘lovchilar xavfsizligini ta’minlash borasida doimiy nazorat ishlarini olib borishini eslatib o‘tadi.

✍🏻“Toshshahartransxizmat” AJ Axborot xizmati

🌐Bizlarni ijtimoiy tarmoqlarda kuzatib boring
Telegram | Instagram | Facebook | Web-site|YouTube

"1-Avtobus saroyi" filialida Yo‘l harakati xavfsizligi boshqarmasi xodimlari va haydovchilar ishtirokida profilaktik uchrashuv o‘tkazildi

"Toshshahartransxizmat" AJ tizimidagi korxonalarda harakat xavfsizligini ta’minlash, yo‘lovchilarga xizmat ko‘rsatish madaniyatini oshirish va yo‘l-transport hodisalarining oldini olish borasida profilaktik tadbirlar muntazam ravishda amalga oshirib kelinmoqda.

Xususan, joriy yilning 8-iyul kuni Jamiyat tasarrufidagi "1-Avtobus saroyi" filialida Toshkent shahar IIBB YHXB xodimlari hamda haydovchilar ishtirokida navbatdagi amaliy uchrashuv tashkil etildi.

Tadbir yurtimizda keng qamrovli o‘tkazilayotgan "Xavfsiz va sog'lom yurt" profilaktik tadbirlari doirasida bo‘lib o‘tdi. Unda YHXB mutaxassislari tomonidan haydovchilarga yo‘lovchilarni xavfsiz tashish qoidalari, shuningdek, avtobuslarning texnik holatlarini soz holatda saqlash, yo‘llarda hushyorlikni saqlagan holda yo‘l harakati qoidalariga qat'iy amal qilish borasida atroflicha tushunchalar berildi.

Uchrashuv yakunida haydovchilar o‘zlarini qiziqtirgan savollariga soha mutaxassislaridan batafsil javoblar olishdi. Bu kabi profilaktik tadbirlar "Toshshahartransxizmat" AJning barcha avtobus saroylarida davom ettirilmoqda.

✍🏻“Toshshahartransxizmat” AJ Axborot xizmati

🌐Bizlarni ijtimoiy tarmoqlarda kuzatib boring
Telegram | Instagram | Facebook | Web-site|YouTube