✅✅✅✅✅

Bugungi kunda "Toshshahartransxizmat" AJ avtobus saroyi filiallari tasarrufidagi yo‘nalishga chiqariladigan kunlik harakat tarkibi 1672 tani tashkil etib, yo‘nalishlarda "Mercedes-Benz", "SAZ LE-60", "MAN", "Yutong" hamda "King Long" rusumli avtobuslar va elektrobuslar xizmat ko‘rsatmoqda.

 
So‘nggi kunlarda ijtimoiy tarmoqlar orqali avtobuslarning sovutish tizimi samaradorligi bilan bog‘liq bildirilayotgan tanqidiy murojaatlar yuzasidan quyidagilarni ma’lum qilamiz.
 
Birinchi navbatda ta’kidlash joizki, yo‘nalishlarga chiqarilayotgan harakat tarkibidagi 102 dona "Mercedes-Benz" rusumli avtobuslarning barchasida, 272 dona "MAN" rusumli avtobuslarning 100 donasi, 201 dona "SAZ LE-60" rusumli avtobuslarning 88 donasi salonni sovutish tizimi (konditsioner) bilan ishlab chiqaruvchi zavod tomonidan jihozlanmagan.
 
Respublikamizda, xususan Toshken shahrida kuzatilayotgan anomal yuqori issiq havo harorati (45°C va undan yuqori), salonga quyosh nurlanishining to‘g‘ridan-to‘g‘ri ta’siri, bekatlarda eshiklarning tez-tez ochilib-yopilishi, yo‘lovchilar sonining ko‘pligi Xitoy Xalq Respublikasida ishlab chiqarilgan "Yutong", "King Long" rusumli avtobuslar va elektrobuslardagi konditsioner tizimi qo‘shimcha yuklama bilan ishlashini taqazo etmoqda.
 
Bunday ekstremal sharoitda hatto texnik jihatdan mutlaqo soz bo‘lgan konditsioner tizimlari ham o‘zining nominal sovutish quvvatini to‘liq ta’minlay olmasligi mumkin.
 
Shu sababli, yozning anomal issiq kunlarida konditsioner tizimining sovutish samaradorligi pasayishi ko‘p hollarda uskunaning nosozligini emas, balki sovutish tizimining ekstremal harorat sharoitida ishlashi hamda issiqlik almashinuvi samaradorligining pasayishi bilan bog‘liq tabiiy, texnik holat hisoblanadi.
 
"Toshshahartransxizmat" AJ yo‘lovchilarga barcha qulayliklarni yaratish uchun bor imkoniyatini ishga solayotganligini bildirgan holda, qadrli yo‘lovchilarimizdan ob-havo bilan bog‘liq ushbu vaqtinchalik noqulaylikni to‘g‘ri tushunishlarini so‘rab qoladi.

✍️“Toshshahartransxizmat” AJ Axborot xizmati

🌐Bizlarni ijtimoiy tarmoqlarda kuzatib boring
Telegram | Instagram | Facebook | Web-site|YouTube

“SAZ LE-60” rusumli avtobuslardan qora tutun chiqayotganligi aks etgan videopost yuzasidan RASMIY MA’LUMOT!

🛠 Videotasvirda ko’rsatilgan “SAZ LE-60” rusumli mazkur avtobuslar tegishliligi bo’yicha yo‘nalishdan darhol avtobus saroylariga qaytarilib, texnik ko‘rikdan o‘tkazildi hamda quyidagi ishlar amalga oshirilmoqda:

1️⃣ Davlat raqami 01| 230 VJA, saroy raqami 154, yo‘nalish raqami 26-bo‘lgan “1-avtobus saroyi” filiali tasarrufidagi avtobusda yoqilg‘i purkash tizimidagi forsunka ehtiyot qismida nosozlik aniqlangan hamda darhol ta’mirlash ishlari amalga oshirilishi va diagnostika qilish maqsadida servis xizmat ko‘rsatish filialiga yuborilgan.

2️⃣ Davlat raqami 01| 348 CKA, saroy raqami 278, yo‘nalish raqami 3A-bo‘lgan “2-avtobus saroyi” filiali tasarrufidagi avtobusning yoqilg‘i purkash tizimidagi forsunka ehtiyot qismida nosozlik aniqlangan hamda tezkor ta’mirlash ishlari amalga oshirilib mazkur avtobus soz holatda qayta yo‘nalishga chiqarilgan.

3️⃣ Davlat raqami 01| 861 AKA, saroy raqami 85, yo‘nalish raqami 148-bo‘lgan “5-avtobus saroyi” filiali tasarrufidagi avtobusning turbonaduv va EGR klapan ehtiyot qismlarida nosozlik aniqlangan bu esa yoqilg‘i to‘liq yonmasligiga olib kelgan hamda tutun chiqish joyi (глушитель)dan qora tutun chiqishiga sabab bo‘lgan. Hozirda texnik mutaxassislar tomonidan mazkur avtobusning nosozliklarini ta’mirlash ishlari olib borilayotganligini ma’lum qilamiz.

✔️ Yuqoridagi saroy raqamlari 154- va 148-bo’lgan avtobuslarning texnik nosozligi to‘liq bartaraf etilganidan so‘ng avtobuslar belgilangan tartibda yana yo‘nalishda yo‘lovchilarga xizmat ko‘rsatish uchun chiqariladi.

Keltirilgan noqulayliklar uchun uzur so’raymiz!

✍️“Toshshahartransxizmat” AJ Axborot xizmati

🌐Bizlarni ijtimoiy tarmoqlarda kuzatib boring
Telegram | Instagram | Facebook | Web-site|YouTube

✅✅✅✅✅

🔴 Ijtimoiy tarmoqlarda 54-sonli yo‘nalishda harakatlanuvchi, “1-avtobus saroyi”ga tegishli, davlat raqami 01 132 YFA bo‘lgan avtobus haqida tarqalgan murojaat yuzasidan quyidagilarni ma’lum qilamiz.

🪞 Mazkur avtobusning yon oynasi harakat jarayonida tashqaridan kelib urilgan tosh ta'siri natijasida shikastlangan. Hodisa oqibatida hechkim jarohatlanmagan.

🟢 Haydovchi holat haqida zudlik bilan “1- Avtobus saroyi” mas'ullariga xabar bergan. Avtobus yo‘nalishdagi yo‘lovchilarni "Avtoshohbekat"ga xavfsiz yetkazib bo‘lgach, “1- Avtobus saroyi”ga qaytgan.

✔️ Hozirgi vaqtda shikastlangan oyna to‘liq yangisiga almashtirilmoqda. Tez orada avtobus, qayta yo‘nalishga chiqarilishini ma'lum qilamiz!

📇 Shuningdek, murojaatda keltirilgan boshqa holatlar yuzasidan ham qo‘shimcha o‘rganish ishlari olib borilmoqda. Yo‘lovchilar xavfsizligi va sifatli transport xizmatini ta'minlash "Toshshahartransxizmat" AJ faoliyatining ustuvor yo‘nalishlaridan biri hisoblanadi.

🟣 Yo‘lovchilar tomonidan bildirilayotgan murojaat va takliflar uchun minnatdorlik bildiramiz. Ular asosida aniqlangan kamchiliklarni bartaraf etish bo‘yicha tegishli choralar ko‘riladi.

✍️“Toshshahartransxizmat” AJ Axborot xizmati

🌐Bizlarni ijtimoiy tarmoqlarda kuzatib boring
Telegram | Instagram | Facebook | Web-site|YouTube

📇 "Toshshahartransxizmat" AJ avtobus haydovchilarini ishga taklif etadi!

Barqaror ish, munosib daromad va ishonchli jamoada faoliyat yuritishni istaysizmi?

🚌 "Toshshahartransxizmat" AJ malakali avtobus haydovchilarini ishga taklif etadi.

Sizdan talab etiladi:
✅ "D" yoki "DE" toifali haydovchilik guvohnomasi;
✅Kamida 5 yillik haydovchilik tajribasi;
✅ Yo‘lovchilar bilan xushmuomala munosabatda bo‘lish;

💵 Oylik ish haqi — 10 000 000 so‘mdan 12 000 000 so‘mgacha;
🚌 Zamonaviy avtobuslarda ishlash imkoniyati;
👔 Bepul xizmat kiyim-boshi;
📅 Qulay ish grafigi (15 kunlik smena);
🤝 Barqaror ish o‘rni va ijtimoiy kafolatlar.

Sizni jamoamiz safida ko‘rishdan mamnun bo‘lamiz!

📞 Murojaat uchun: (71) 233-03-23
📍 Manzil: Toshkent shahar, Usmon Nosir ko’chasi, 6-uy

✍️“Toshshahartransxizmat” AJ Axborot xizmati

🌐Bizlarni ijtimoiy tarmoqlarda kuzatib boring
Telegram | Instagram | Facebook | Web-site|YouTube

#OAV_BIZ_HAQIMIZDA

🟢 So‘nggi o‘n yil davomida jamoat transporti tizimini modernizatsiya qilish bo‘yicha keng ko‘lamli islohotlar amalga oshirildi.

📺 Ushbu islohotlar doirasida “Toshshahartransxizmat” AJ tomonidan, yo‘lovchilarga ko‘rsatilayotgan transport xizmatlari sifatini oshirish, avtobuslar parkini yangilash hamda zamonaviy va qulay jamoat transporti tizimini rivojlantirishga munosib hissa qo‘shib kelayotganligi xususida, "Renessans" telekanalining "Ovoza" informatsion dasturida maxsus reportaj efirga uzatildi.

✍️“Toshshahartransxizmat” AJ Axborot xizmati

🌐Bizlarni ijtimoiy tarmoqlarda kuzatib boring
Telegram | Instagram | Facebook | Web-site|YouTube