📇 "Toshshahartransxizmat" AJ yosh xodimlari Oliy Majlis Qonunchilik palatasi faoliyati bilan yaqindan tanishdi

🇺🇿 O‘zbekiston Respublikasi Prezidenti tomonidan ilgari surilgan yoshlarga oid davlat siyosati doirasida yoshlarning huquqiy ongi va madaniyatini yuksaltirish, ularni mamlakatimizda amalga oshirilayotgan islohotlarning faol ishtirokchisiga aylantirish, davlat boshqaruvi tizimi faoliyati bilan yaqindan tanishtirish hamda ijtimoiy-siyosiy faolligini oshirishga alohida e’tibor qaratilmoqda.

🏢 Mazkur ustuvor vazifalar ijrosini ta’minlash maqsadida "Toshshahartransxizmat" AJ tomonidan O‘zbekiston Respublikasi Oliy Majlisi Qonunchilik palatasi bilan hamkorlikda jamiyatning yosh xodimlari uchun ma’rifiy tashrif tashkil etildi.

👍 Tashrif davomida ishtirokchilar Oliy Majlis Qonunchilik palatasining tashkiliy tuzilmasi, qonun ijodkorligi jarayoni, parlament nazorati mexanizmlari hamda deputatlarning faoliyati bilan yaqindan tanishdilar.

👍 Mutaxassislar tomonidan parlamentning davlat va jamiyat taraqqiyotidagi o‘rni, qonun loyihalarini ishlab chiqish, muhokama qilish hamda qabul qilish bosqichlari haqida batafsil ma’lumotlar berildi. Shuningdek, yosh xodimlar deputatlar bilan ochiq muloqotda ishtirok etib, davlat boshqaruvi, yoshlarga oid davlat siyosati, transport sohasini rivojlantirish hamda fuqarolik jamiyatini takomillashtirish masalalari yuzasidan o‘zlarini qiziqtirgan savollarga atroflicha javob oldilar.

👍 Bunday ma’rifiy tashriflar yoshlarning huquqiy bilim va dunyoqarashini kengaytirish, ularda Vatanga sadoqat, yuksak mas’uliyat va faol fuqarolik pozitsiyasini mustahkamlash, shuningdek, mamlakatimiz taraqqiyotiga daxldorlik hissini yanada kuchaytirishda muhim ahamiyat kasb etadi.

📇 "Toshshahartransxizmat" AJ tomonidan O‘zbekiston Respublikasi Prezidenti tashabbusi bilan amalga oshirilayotgan "Yoshlar – Yangi O‘zbekiston bunyodkorlari" tamoyili asosida yoshlarni har tomonlama qo‘llab-quvvatlash, ularning kasbiy salohiyati, huquqiy madaniyati, liderlik va boshqaruv ko‘nikmalarini rivojlantirishga qaratilgan ma’naviy-ma’rifiy hamda ta’limiy loyihalar izchil amalga oshirilmoqda.

👍 Jamiyat tomonidan yosh xodimlarning bilim va salohiyatini yuksaltirish, ularni davlat va jamiyat hayotida amalga oshirilayotgan islohotlarning faol ishtirokchisiga aylantirishga qaratilgan tizimli ishlar bundan buyon ham izchil davom ettiriladi.

✍️“Toshshahartransxizmat” AJ Axborot xizmati

🌐Bizlarni ijtimoiy tarmoqlarda kuzatib boring
Telegram | Instagram | Facebook | Web-site|YouTube

🚌 4-avtobus saroyida haydovchilar bilan navbatdagi yig‘ilish o‘tkazildi

📇 Idoralararo tezkor SHTAB mas'ul xodimlari hamda "Toshshahartransxizmat" AJ rahbariyati ishtirokida "4-Avtobus saroyi" filialida haydovchilar bilan navbatdagi xizmat yig‘ilishi bo‘lib o‘tdi.

🔺 Yig‘ilish davomida yo‘lovchilarga ko‘rsatilayotgan xizmat sifati, yo‘l harakati xavfsizligi qoidalariga qat'iy rioya etish, mehnat va ijro intizomi hamda xizmat faoliyati samaradorligini oshirish masalalari atroflicha muhokama qilindi.

🗓 Aniqlangan kamchiliklar yuzasidan tegishli topshiriqlar berilib, ularni bartaraf etish bo‘yicha aniq vazifalar belgilandi.

✨ Shuningdek, yo‘lovchilarga namunali xizmat ko‘rsatib kelayotgan, yuqori natijalarga erishgan hamda o‘zining madaniyatli, mas'uliyatli mehnati bilan ajralib turgan haydovchilar rag‘batlantirilib, ularga esdalik sovg‘alari topshirildi.

👍 Bunday uchrashuvlar jamoat transporti tizimida xizmat sifati va harakat xavfsizligini yanada oshirish, yo‘lovchilarga qulay hamda xavfsiz transport xizmatini ta'minlashga xizmat qiladi.

✍️“Toshshahartransxizmat” AJ Axborot xizmati

🌐Bizlarni ijtimoiy tarmoqlarda kuzatib boring
Telegram | Instagram | Facebook | Web-site|YouTube

🏔 Jamoa birdamligi va mazmunli hordiq

📇 “Toshshahartransxizmat” AJ tasarrufidagi “12-Avtobus saroyi” filiali haydovchilari hamda ishchi-xodimlari uchun Jizzax viloyatining Zomin hududiga sayohat tashkil etildi.

👍 Mazkur sayohatdan ko‘zlangan asosiy maqsad — ichki turizmni rivojlantirish, xodimlarning bo‘sh vaqtini mazmunli tashkil etish, ularning maroqli hordiq chiqarishiga ko‘maklashish hamda jamoa o‘rtasidagi birdamlik va hamjihatlikni yanada mustahkamlashdan iborat.

🌿 Sayohat davomida xodimlar Zominning betakror tabiati va diqqatga sazovor maskanlarida bo‘lib, kundalik mehnat jarayonidan so‘ng mazmunli dam olish imkoniyatiga ega bo‘ldilar.

🤝 Bunday sayohatlar jamoada sog‘lom muhitni shakllantirish, xodimlar o‘rtasidagi o‘zaro ahillikni kuchaytirish va yangi kuch-g‘ayrat bilan mehnat faoliyatini davom ettirishga xizmat qiladi.

✍️“Toshshahartransxizmat” AJ Axborot xizmati

🌐Bizlarni ijtimoiy tarmoqlarda kuzatib boring
Telegram | Instagram | Facebook | Web-site|YouTube