#OAV_BIZ_HAQIMIZDA

Talabalar diqqatiga: bugundan yangi avtobus qatnovi yo‘lga qo‘yildi
 
Joriy yilning 7-sentabridan boshlab «Mirzo Ulug‘bek metrosi — O‘zDJTU» (O‘zbekiston davlat jahon tillari universiteti) vaqtinchalik avtobus yo‘nalishi harakati yo‘lga qo‘yildi.

📍 Harakat yo‘nalishi: «Mirzo Ulug‘bek» metro bekati ➡️ Taxtagul ➡️ THAY ➡️ Lutfiy ➡️ Ko‘kcha Darvoza ➡️ Zakovat ko‘chalari (O‘zDJTU).

Ish vaqti: Ertalabki tig‘iz paytda — soat 07:00 dan 08:00 gacha. Avtobuslar soni: 4 ta katta sig‘imli avtobus.

EʼLON! YOʻLOVCHILAR DIQQATIGA! ⚡️⚡️
⛔️ Toshkent shahridagi M.Yusuf koʻchasida kommunal soha infratuzilmasini taʼmirlash ishlari olib borilishi munosabati bilan, 8-sentabrdan boshlab quyidagi avtobus yoʻnalishlari harakatiga vaqtinchalik oʻzgartirish kiritiladi:
🚌 Yoʻnalishlar: № 62, 70, 80, 88-sonli avtobuslar;
📍 Oʻzgarish: Mazkur avtobuslar harakati M.Yusuf koʻchasidagi soʻnggi bekatgacha bormasdan, Parkent koʻchasidagi "M.Yusuf koʻchasi" bekatida vaqtinchalik qisqartiriladi.
⚠️ Eslatma: Taʼmirlash ishlari davomida mazkur hududda tirbandliklar yuzaga kelishi va oraliq intervallar uzayishi mumkin. Shunga koʻra, yoʻnalishlar harakatiga qoʻshimcha oʻzgartirishlar kiritilishi ehtimoli mavjud.
📢 Hurmatli yoʻlovchilar! Qatnovlaringizni oldindan rejalashtirishingizni soʻraymiz.

Toshkent shahar transport va yo'l-transport infratuzilmasini rivojlantirish bosh boshqarmasi.

#oav #radio_muloqot

📻 “O‘zbekiston” radiokanali “Efirda gaplashamiz” dasturi

💬 Toshkent shahrida o‘quv yili boshlanishi munosabati bilan jamoat transportini shay holatga keltirish xususida ”Toshshahartransxizmat” Aksiyadorlik jamiyati  Harakat tarkibi shayligini oshirish va texnik holatini nazorat qilish boshqarmasi boshlig’i Saidmahmud Toshkenboyev bilan jonli muloqot.🎙

©️FM 103.1 “O‘zbekiston” radiokanali.

✍️“Toshshahartransxizmat” AJ Axborot xizmati

🌐Bizlarni ijtimoiy tarmoqlarda kuzatib boring
Telegram | Instagram | Facebook | Web-site|YouTube

Jamoat transporti tarifi va sifati: loyiha jamoatchilik muhokamasiga qo‘yildi
 
Xalq deputatlari Toshkent shahar Kengashi jamoat transportida yo‘l haqi tariflarini qayta ko‘rib chiqish loyihasini jamoatchilik muhokamasiga qo‘ydi. Yakuniy qaror hali qabul qilinmadi.
 
Loyihaga ko‘ra, 1-oktabrdan quyidagilarni joriy etish taklif qilinmoqda:
 
 • avtobus yoki metroda bir martalik qatnov uchun elektron to‘lov — amaldagi 1700 so‘m o‘rniga 2500 so‘m;
 
• naqd pul bilan to‘lov — amaldagi 3000 so‘m darajasida qoldiriladi;
 
• bagaj tashish haqi — 4000 so‘m etib belgilanadi.
 
Barcha narxlar QQS hisobga olingan holda ko‘rsatilgan. Shuningdek, loyihada doimiy yo‘lovchilar uchun yangi abonementlar hamda jamoat transporti turlari o‘rtasida biridan ikkinchisiga o‘tish uchun alohida (almashish) tariflar nazarda tutilgan.
 
Yo‘l haqi narxining har qanday o‘zgarishi aholining kundalik xarajatlariga bevosita ta’sir etadi. Shu bois jamoat transportining xarajatlari nimalardan iboratligini va yo‘lovchi buning evaziga qanday xizmat olishi kerakligini ochiq tushuntirish muhim.
 
🚌 Bugungi kunda poytaxt jamoat transporti har kuni qariyb 2,5 million yo‘lovchiga xizmat ko‘rsatmoqda. Toshkent kengayib, aholining muntazam va qulay transport xizmatlariga bo‘lgan ehtiyoji yil sayin ortib bormoqda.
 

So‘nggi yillarda Toshkent shahrida jamoat transporti tizimini rivojlantirish borasida salmoqli ishlar amalga oshirildi. Metropoliten yo‘nalishlari tarmog‘i kengaytirilib, yer usti yo‘lovchi tashish transporti yo‘nalishlari tarmog‘i bilan integratsiya qilindi. Shu bilan birga infratuzilmani modernizatsiya qilishga alohida ahamiyat qaratilmoqda.  
 
Amalga oshirilgan islohotlar natijasida harakat tarkibi qariyb ikki barobar kengayib, avtobuslar soni 1 900 taga yaqinlashdi. Ularning o‘rtacha qatnov oralig‘i esa 30 daqiqadan 15 daqiqagacha qisqardi. Yo‘nalishlar tarmog‘i yangi turar joy massivlari hamda poytaxtga tutash hududlarni qamrab olish hisobiga kengaymoqda.
  
⚠️ Biroq, harakat tarkibini sotib olishning o‘zi yetarli emas. Uning har kuni yo‘nalishga chiqishini va texnik sozligini ta’minlash zarur. Xarajatlar mashinistlar, haydovchilar va texnik xodimlarning ish haqi, yoqilg‘i va elektr energiyasi, ehtiyot qismlar va shinalar, harakatdagi tarkibga texnik xizmat ko‘rsatish va uni ta’mirlash, depo va quvvatlantirish infratuzilmasini saqlash, salonlarni tozalash, shuningdek, dispetcherlik, navigatsiya va elektron to‘lov tizimlarining ishlashini o‘z ichiga oladi.

 
Amaldagi tarif bu xarajatlarning faqat bir qismini qoplaydi. Tashuvlarni moliyalashtirish bo‘yicha asosiy yuk hamon davlat budjeti zimmasida qolmoqda.
 
‼️ Tarifning ehtimoliy o‘zgarishi tashuvchilarga qo‘yiladigan aniq talablar bilan birgalikda ko‘rib chiqilishi lozim.
 
Bular — qatnovlarning muntazamligi, belgilangan oraliqlarga rioya etilishi, transport vositalarining texnik holati va tozaligi, yo‘lovchilar xavfsizligi, xizmat ko‘rsatish madaniyati hamda yo‘nalishlar tarmog‘ining yanada kengaytirilishidir.
 
Ta’kidlaymiz, tariflarni o‘zgartirish bo‘yicha loyiha ochiq muhokama uchun joylashtirilgan.
 
Fuqarolar 19-sentabrga qadar hujjat bilan tanishib, Normativ-huquqiy hujjatlar loyihalari muhokamasi portali orqali o‘z taklif va mulohazalarini yuborishlari mumkin.
 
Kelib tushgan barcha taklif va mulohazalar yakuniy qarorni tayyorlash jarayonida ko‘rib chiqiladi. Jamoatchilik muhokamasi yakunlanmaguniga qadar tariflarni o‘zgartirish bo‘yicha qaror qabul qilinmagan.
 
 
Тelegram | Facebook | Instagram | YouTubе | Linkedin |

⚡️ DIQQAT, EʼLON! HURMATLI YOʻLOVCHILAR!
⛔️ Toshkent shahrining Oqqoʻrgʻon koʻchasida kommunal soha tarmoqlarini taʼmirlash ishlari olib borilayotgani va yoʻl qismi vaqtinchalik yopilgani munosabati bilan, ushbu hudud orqali harakatlanuvchi jamoat transporti yoʻnalishlariga vaqtinchalik quyidagicha oʻzgartirishlar kiritildi:
🔹 2- va 136-sonli yoʻnalishlar: Harakati cheklanib, soʻnggi toʻxtash joyi «Gidrometeorologiya markazi» bekatida qisqartirildi;
🔹 58- va 199-sonli yoʻnalishlar: Qatnov oraligʻi qisqartirilib, vaqtinchalik «NBU sport majmuasi» bekatigacha harakatlanadi;
🔹 88-sonli yoʻnalish: Yopilgan qismni chetlab oʻtish maqsadida harakat Katta Darxon, Kichik halqa yoʻli va Parkent koʻchalari orqali tashkil etildi;
🔹 89- va 95-sonli yoʻnalishlar: Aylanib oʻtish sxemasi asosida Osiyo, Oqqoʻrgʻon, Mustaqillik shohkoʻchasi hamda Parkent koʻchalari orqali oʻzgartirildi.
⚠️ Muhim eslatma: Taʼmirlash ishlari sababli tutash koʻchalarda transport oqimi va tirbandlik ortishi mumkin. Shu bois oraliq intervallar choʻzilishi yoki zaruratga qarab harakat chizmasiga qoʻshimcha tezkor oʻzgartirishlar kiritilishi mumkin.
📢 Safaringizni oldindan rejalashtirishingizni hamda muqobil yoʻnalishlardan foydalanishingizni tavsiya etamiz.

Toshkent shahar transport va yo'l-transport infratuzilmasini rivojlantirish bosh boshqarmasi

⚡️ DIQQAT, EʼLON! HURMATLI YOʻLOVCHILAR!
⛔️ Toshkent shahrining Oqqoʻrgʻon koʻchasida kommunal soha tarmoqlarini taʼmirlash ishlari olib borilayotgani va yoʻl qismi vaqtinchalik yopilgani munosabati bilan, ushbu hudud orqali harakatlanuvchi 83-sonli avtobus yo‘nalishi harakati vaqtinchalik «Oqqo‘rg‘on ko‘chasi» bekatigacha qisqartiriladi.
⚠️ Muhim eslatma: Taʼmirlash ishlari sababli tutash koʻchalarda transport oqimi va tirbandlik ortishi mumkin. Shu bois oraliq intervallar choʻzilishi yoki zaruratga qarab harakat chizmasiga qoʻshimcha tezkor oʻzgartirishlar kiritilishi mumkin.
📢 Safaringizni oldindan rejalashtirishingizni hamda muqobil yoʻnalishlardan foydalanishingizni tavsiya etamiz.

Toshkent shahar transport va yo'l-transport infratuzilmasini rivojlantirish bosh boshqarmasi