PIYODАLАR XАVFSIZLIGI — BАRCHАMIZNING MАS'ULIYATIMIZ!

⚡️Yo‘l harakati xavfsizligini ta'minlash, haydovchilar va piyodalar o‘rtasida o‘zaro hurmat hamda ehtiyotkorlikni oshirish maqsadida, “Toshshahartransxizmat” АJda 1-sentabrdan boshlab “Hushyor haydovchi — xavfsiz piyoda” shiori ostida maxsus oylik o‘tkazilmoqda.

⏺Oylik doirasida “Toshshahartransxizmat” АJ Harakat xavfsizligini nazorat qilish boshqarmasi tashabbusi bilan shahar hududidagi maktablarda o‘quvchi-yoshlar bilan uchrashuvlar, profilaktik suhbatlar hamda tushuntirish ishlari tashkil etilmoqda.

Navbatdagi uchrashuvlar 18-avtobus saroyi avtobus yo‘nalishlari hududida joylashgan maktablarda o‘tkazildi.

Uchrashuvlar davomida o‘quvchilarga:
✔️ yo‘llarda piyodalarning harakatlanish madaniyati;
✔️ yo‘l harakati qoidalariga rioya qilish;
✔️ avtobuslarni bekatlarda xavfsiz kutish va ulardan to‘g‘ri foydalanish;
✔️ jamoat transportidan foydalanishda amal qilinishi lozim bo‘lgan qoidalar haqida zarur tushuncha va tavsiyalar berildi.

🚌 Har bir yo‘l harakati ishtirokchisining mas'uliyati — xavfsiz yo‘lning muhim kafolatidir.

✍️“Toshshahartransxizmat” AJ Axborot xizmati

🌐Bizlarni ijtimoiy tarmoqlarda kuzatib boring
Telegram | Instagram | Facebook | Web-site|YouTube

“Toshshahartransxizmat” AJda o‘quv seminari tashkil etildi

📇 “Toshshahartransxizmat” AJda O‘zbekiston Respublikasi davlat mustaqilligining 35 yilligiga bag‘ishlangan tantanali marosimda Prezident Shavkat Mirziyoyevning so‘zlagan nutqining mazmun-mohiyatini keng jamoatchilikka yetkazish maqsadida Respublika Ma’naviyat va ma’rifat markazi tomonidan o‘quv seminari tashkil etildi.

👍 Seminarda “Uch ming yillik ildiz va Uchinchi Renessans: tarixiy vorislik, milliy o‘zlik va ma’naviy meros” mavzusida Prezident Akademiyasi mas’ul xodimi, “Ma’rifat” targ‘ibotchilar jamiyati a’zosi, filologiya fanlari bo‘yicha falsafa doktori (PhD), dotsent Yunusov Mansur Abdullayevich hamda “Inson qadri — 35 yillik islohotlarning o‘lchovi: erkinlik, bilim, sog‘lik va yoshlar” mavzusida Respublika Ma’naviyat va ma’rifat markazi bosh mutaxassisi Norqobilova Pardaxol Raxmatovna ma’ruza qildi.

👍 Tadbir davomida Yangi O‘zbekistonda amalga oshirilayotgan keng ko‘lamli islohotlarga bag‘ishlangan videorolik hamda “O‘zbek kelayotir tarix qa’ridan” videoklipi namoyish etildi.

👍 O‘quv seminari mazmunli va manfaatli o‘tib, unda ishtirok etgan xodimlarga mamlakatimizda amalga oshirilayotgan islohotlar, milliy qadriyatlar, ma’naviy meros hamda Uchinchi Renessans g‘oyasining mazmun-mohiyati haqida qo‘shimcha ma’lumotlar berildi.

✍️“Toshshahartransxizmat” AJ Axborot xizmati

🌐Bizlarni ijtimoiy tarmoqlarda kuzatib boring
Telegram | Instagram | Facebook | Web-site|YouTube