O’zbekiston Respublikasi Prezidentining PQ-1-son qarori ijrosi yuzasidan 10.03.26 - yilda TDYU Jinoyat-protsessual huquqi sho’basi professor-o’qituvchilari G.Tulaganova, G.Yusupdjanova va X.Mamatkulovalar tomonidan Yashnobod tumani 244-umumta’lim maktabida “Huquqiy kontentlarni yaratish” huquq va majburiyatlarga bag’ishlangan plakatlar tanlovi tashkil etildi. Dastlabki bosqich ta’lim muassasalarida tashkil etilib, eng yaxshi ishlar tuman bosqichiga tavsiya etildi. G‘olib va sovrindorlarni aniqlash hamda eng yaxshi huquqiy kontentlarni ta’lim muassasalari va mahallalarda profilaktik material sifatida keng qo‘llash belgilab olindi.

O’zbekiston Respublikasi Prezidentining PQ-1-son qarori ijrosi yuzasidan 12.03.2026 - yil sanasida Jinoyar-protsessual huquqi sho’basi professor-o’qituvchilari tomonidan oʻquvchi va yoshlarning sportga boʻlgan qiziqishini oshirish hamda sogʻlom turmush tarzini keng targʻib qilish maqsadida Yashnobod tumani joylashgan 244-maktab va boshqa maktablar doirasida maktab o’quvchilari o’rtasida sportning Futbol turi bo‘yicha musobaqa TDYU binosida tashkil etildi. Hamda, g’olib kamandaning TDYUda final bosqichida ishtiroki ta’minlandi.

🧹🧤Bugun mamlakatimizda o‘tkazilayotgan umumxalq xayriya hasharida TDYUning Jinoyat protsessual sho’basi ham faol qatnashmoqda.

🌳🌸🇺🇿Navro‘z arafasida hududlarni obodonlashtirish, tozalikni ta’minlash va yashil makon yaratishga qaratilgan ishlar barcha xodimlarni bir maqsad yo‘lida birlashtirmoqda.

🧹🧤🌿Jamoaviy mehnat, hamjihatlik va yurtga bo‘lgan mehr ana shunday ezgu tashabbuslarda yanada yaqqol namoyon bo‘ladi.

📕 Yashnobod tumani 342-sonli umumta’lim maktabida joriy yil 13 - mart kunida o‘quvchilarning huquqiy bilimlarini mustahkamlash, ularning huquqiy ong va madaniyatini yuksaltirish maqsadida huquqiy diktant tadbiri tashkil etildi.

📖 Mazkur tadbir Toshkent davlat yuridik universiteti Jinoyat-protsessual huquqi sho‘basi yuridik fanlar falsafa doktori (PhD), o‘qituvchi Mamataliyeva Shahnoza Xushmamat qizi hamda sho‘ba o‘qituvchisi Uzbekova Dilshoda Tulkinovna tomonidan olib borildi.

📕Tadbir davomida o‘quvchilarga huquqiy bilimlarning ahamiyati, Konstitutsiya va qonunlarga hurmat ruhini shakllantirish, shuningdek yosh avlodning huquqiy savodxonligini oshirish masalalariga alohida e’tibor qaratildi. Huquqiy diktant o‘quvchilarning nazariy bilimlarini mustahkamlash bilan bir qatorda, ularning huquqiy tafakkurini rivojlantirishga xizmat qildi.