Ilmiy rahbarlik faqat maqom emas, mas’uliyat.

Ilmiy rahbarlik ko‘p hollarda nom uchun qabul qilinadi, ammo uning ortida katta mas’uliyat borligi unutilib ketadi. Izlanuvchi yillar davomida vaqtini, kuchini va umidini ilmiy ishga sarflaydi, biroq rahbarlik faqat rasmiy darajada qolib ketsa, dissertatsiya o‘z vaqtida himoyaga yetib bormaydi.

Amaldagi tartib bejiz joriy etilmagan: agar ilmiy rahbar yoki konsultant ketma-ket ikki va undan ortiq marta izlanuvchisini belgilangan muddatda himoyaga olib chiqolmasa, u uch yilgacha ilmiy rahbarlik yoki konsultantlikdan chetlatilishi mumkin. Bu norma jazolash uchun emas, balki ilmiy tizimda mas’uliyatni tiklash uchun xizmat qiladi.

Ilmiy rahbar dissertatsiyani yozib bermaydi, lekin uni himoyagacha yetkazish jarayoni uchun javob beradi. Ilmda sifat aynan shu javobgarlikdan boshlanadi.

👉 @ilmiy_darajali_kadrlar

❗️Ilmiy rahbarlar va konsultantlar bilishi muhim!

📌Ilmiy rahbar/konsultantga doktorant bilan olib boradigan ishi uchun 3 yil davomida haq to'lanadigan 300 soatda quyidagi vazifalarni bajarishi mumkin:

1-YIL: TADQIQOT YO‘NALISHINI SHAKLLANTIRISH VA TAYYORGARLIK (100 SOAT).

1.1. Tadqiqot metodologiyasi va rejalashtirish (30 soat):
Doktorant bilan ilmiy mavzuni aniqlash va uni takomillashtirish (5 soat);
Tadqiqot metodologiyasini muhokama qilish va tavsiyalar berish (10 soat);
Tadqiqot rejasini ishlab chiqishda yo‘nalish ko‘rsatish (5 soat);
Ilmiy ma’lumotlar bazalaridan foydalanish bo‘yicha maslahat berish (5 soat);
Doktorantga texnik va metodik ko‘rsatmalar berish (5 soat).

1.2. Adabiyot tahlili va nazariy asos (40 soat):
Doktorantga qaysi manbalar muhimligini tushuntirish (10 soat);
Topilgan manbalarni tahlil qilish va ilmiy xulosalarni muhokama qilish (15 soat);
Nazariy bo‘limni tekshirish, tuzatish va maslahat berish (15 soat).

1.3. Ilmiy maqolalar yozish bo‘yicha maslahat berish (20 soat):
Doktorant bilan maqola tuzilishini muhokama qilish (10 soat);
Ilmiy maqolalarni tahrirlash va tavsiyalar berish (10 soat).

1.4. Empirik tadqiqotni boshlash (10 soat):
Tadqiqot metodlarini tanlash va baholash (5 soat):
Ilmiy tadqiqot usullarini to‘g‘ri qo‘llash bo‘yicha maslahat berish (5 soat).

2-YIL: EMPIRIK TADQIQOT VA NATIJALARNI TAHLIL QILISH (100 SOAT).

2.1. Tadqiqot natijalari va ma’lumotlar yig‘ish (50 soat):
Doktorantga ma’lumotlarni to‘plash usullarini tushuntirish va nazorat qilish (10 soat);
Tadqiqot jarayonini kuzatish va fikr-mulohazalar berish (20 soat);
Yig‘ilgan natijalarni doktorant bilan tahlil qilish (20 soat).

2.2. Ilmiy maqolalar va dissertatsiya yozish bo‘yicha maslahat berish (30 soat):
Doktorantga ilmiy maqolalarni qanday nashr qilish bo‘yicha yo‘riq berish (10 soat);
Tadqiqot natijalarini dissertatsiya matniga integratsiya qilish bo‘yicha maslahat berish (15 soat);
Dissertatsiya bo‘limlarini tekshirish va tahrirlash (5 soat);

2.3. Ilmiy natijalarni baholash va ilmiy muhokamalar (20 soat):
Doktorantning natijalari bo‘yicha ilmiy xulosalar chiqarish (10 soat);
Doktorantni ilmiy seminar va konferensiyalarga tayyorlash (10 soat);

3-YIL: DISSERTATSIYANI YAKUNLASH VA HIMOYAGA TAYYORGARLIK (100 SOAT).

3.1. Dissertatsiya bo‘limlarini yozish va tahrirlash (50 soat):
Dissertatsiya matnini tekshirish va tuzatishlar kiritish (30 soat);
Ilmiy xulosalar va natijalarni mustahkamlash bo‘yicha tavsiyalar berish (20 soat).

3.2. Ilmiy maqolalar va himoya materiallari tayyorlash (30 soat):
Doktorantga ilmiy maqolalarni nashr qilish strategiyalarini tushuntirish (15 soat);
Himoya materiallari va taqdimotni ko‘rib chiqish va maslahat berish (15 soat).

3.3. Himoya jarayoni va taqdimot tayyorlash (20 soat):
Himoya taqdimotini ishlab chiqishda maslahat berish (10 soat);
Himoya oldidan doktorant bilan savol-javob qilish va mashqlar o‘tkazish (10 soat).

Natijada, ilmiy rahbar doktorantni ilmiy-tadqiqot jarayonining har bir bosqichida nazorat qilib, unga yo‘nalish ko‘rsatib boradi.

👉 @ilmiy_darajali_kadrlar