#Adliya_xabari

🏛 Toshkent davlat yuridik universiteti dunyoning TOP-500 talik universitetlari qatoridan joy oldi

🎓 Toshkent davlat yuridik universitetida Buyuk Britaniyaning nufuzli Times Higher Education (THE) xalqaro reyting tashkiloti tomonidan e’lon qilingan “THE Sustainability Impact Ranking 2026” natijalariga bag‘ishlangan tantanali tadbir bo‘lib o‘tdi.

✔️Tadbirda adliya vaziri o‘rinbosari Mirjalol Allakuliyev so'zga chiqib, universitetning xalqaro reytingdagi yuksak natijalari mamlakatimizda yuridik ta’lim sifatini oshirish, ilm-fan va innovatsiyalarni qo‘llab-quvvatlash hamda xalqaro hamkorlikni kengaytirish borasida amalga oshirilayotgan izchil islohotlarning amaliy samarasi ekanini ta’kidladi.

🌍 Reyting natijalariga ko‘ra, universitet dunyoning 1 603 ta oliy ta’lim muassasasi orasida 401-o‘rinni egallab, TOP-500 talik universitetlar safidan joy oldi.

📚 Shuningdek, universitet SDG 4 – Sifatli ta’lim yo‘nalishi bo‘yicha 101–200-o‘rinni egallab, o‘tgan yilgi natijasini qariyb 200 pog‘onaga yaxshiladi hamda ushbu yo‘nalishda dunyoning eng yaxshi 200 ta oliy ta’lim muassasalari qatoridan o‘rin oldi.

📈 Bundan tashqari, SDG 5 – Gender tengligi va SDG 8 – Munosib mehnat va iqtisodiy o‘sish yo‘nalishlari bo‘yicha 101–200-o‘rin, SDG 16 – Tinchlik, adolat va samarali boshqaruv yo‘nalishi bo‘yicha esa 201–300-o‘rin qayd etildi.

🤝 Tadbirda ushbu natijalar ta’lim sifatini xalqaro standartlar asosida takomillashtirish, ilmiy salohiyatni yuksaltirish, xalqaro hamkorlikni kengaytirish hamda amaliyotga yo‘naltirilgan ta’lim tizimini rivojlantirish borasida amalga oshirilayotgan izchil islohotlarning amaliy natijasi ekani ta’kidlandi.

Kanalga ulaning va yangiliklardan xabardor bo‘ling
🚀Telegram | 📷Instagram | 🔵Facebook | 📱YouTube | Bot