✔️🟦🟦🟦
TALABA-QIZLARIMIZ DXX KUBOGIDA FAXRLI O‘RINNI EGALLADILAR

Toshkent to‘qimachilik va yengil sanoat instituti talaba-qizlari Yakkasaroy tuman hokimligi tomonidan tashkil etilgan DXX kubogi musobaqalarida muvaffaqiyatli ishtirok etib, faxrli o‘rinni qo‘lga kiritdilar.

🗣Mini futbol bo‘yicha qizlar o‘rtasida o‘tkazilgan musobaqada institutga qarashli Talabalar turar joyi joylashgan Bobur mahallasi jamoasi munosib ishtirok etib, faxrli 2-o‘rinni egalladi. Musobaqa yakunlariga ko‘ra:
🥇1-o‘rin – Belariq mahallasi jamoasi;
🥈2-o‘rin – Bobur mahallasi jamoasi;
🥉3-o‘rin – Muqimiy mahallasi jamoasi.

⏺Do‘stlik bog‘ida bo‘lib o‘tgan taqdirlash marosimida tuman hokimi, Davlat xavfsizlik xizmati bo‘limi boshlig‘i, tuman prokurori, tuman IIO FMB boshlig‘i hamda tuman soliq inspeksiyasi rahbarlari ishtirok etdilar.

⏺Tadbir yakunida g‘olib va sovrindor jamoalar qimmatbaho sovg‘alar, medal va diplomlar bilan taqdirlandilar.

⏺Talaba-qizlarimizni ushbu yutuq bilan samimiy muborakbod etamiz hamda kelgusidagi sport musobaqalarida ularga ulkan muvaffaqiyat va yangi g‘alabalar tilab qolamiz!

#TTYSI_DXX_Kubogi
#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube

✔️‼️‼️‼️✅✅✅✅
AICP TASHKENT TALABALARINING BITIRUV ISHLARI HIMOYASI BO‘LIB O‘TDI

Toshkent to‘qimachilik va yengil sanoat instituti hamda Parij Xalqaro Moda Akademiyasining qo‘shma ta’lim dasturi bitiruvchilarining magistrlik dissertatsiyalari va bakalavr talabalarning bitiruv malakaviy ishlari himoyasi bo‘lib o‘tdi.

🗣Himoya jarayonlari yuqori saviyada tashkil etilib, qo‘shma ta’lim dasturi doirasida tahsil olgan magistr hamda bakalavr talabalar o‘z ilmiy va ijodiy ishlarini muvaffaqiyatli himoya qildilar.

⏺Tadbirda institutning o‘quv ishlari bo‘yicha prorektori X.Kamilova, Human House asoschisi va dizayner L.Sayfiy, professor-o‘qituvchilar hamda moda va dizayn sohasi mutaxassislari ishtirok etdilar.

⏺Shuningdek, himoya jarayonida Christine Walter Bonini boshchiligidagi Fransiya vakillari onlayn tarzda qatnashib, talabalar tomonidan taqdim etilgan ilmiy va ijodiy loyihalarni baholadilar.

⏺Himoyada dunyoning yetakchi moda uylaridan bo‘lgan Chanel, Balenciaga, Kenzo, Hermès hamda Givenchy kompaniyalari bilan hamkorlik qilayotgan mutaxassislar ham ishtirok etib, talabalarning ishlari yuzasidan o‘z tavsiya va fikrlarini bildirdilar.

⏺Mazkur himoya xalqaro qo‘shma ta’lim dasturlarining samaradorligini namoyon etish, talabalarning kasbiy kompetensiyalarini baholash hamda moda va dizayn sohasida xalqaro standartlarga mos mutaxassislar tayyorlash borasidagi muhim bosqichlardan biri bo‘ldi.

#TTYSI_AICP_Tashkent
#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube

✔️‼️‼️‼️✅✅✅✅
ILMIY SEMINARDA DISSERTATSIYA ISHI MUHOKAMA QILINDI

Toshkent to‘qimachilik va yengil sanoat instituti huzuridagi Iqtisodiyot fanlari bo‘yicha falsafa doktori (PhD) ilmiy darajasini beruvchi PhD.03/2025.27.12.I.21.02 raqamli Ilmiy kengash qoshidagi ilmiy seminarning navbatdagi yig‘ilishi bo‘lib o‘tdi.

🗣Ilmiy seminarda izlanuvchi Xushvaqtov Shuhrat Abduraufovinchning “To'qimachilik sanoatida ishlab chiqarish raqobatbardoshligini oshirishning iqtisodiy mexanizmini takomillashtirish” mavzusidagi dissertatsiya ishi muhokama qilindi.

⏺Seminar davomida tadqiqot ishining dolzarbligi, ilmiy yangiligi hamda amaliy ahamiyati yuzasidan atroflicha fikr-mulohazalar bildirildi.

⏺Ilmiy seminar ishtirokchilari tomonidan dissertatsiya ishini yanada takomillashtirish bo‘yicha tegishli tavsiyalar berildi.

#TTYSI #TITLI #IlmiySeminar #PhD #Dissertatsiya #Menejment

🌍🌍🌍🌍🌍🌍
Instagram|Web-site|Facebook|YouTube