✔️🟦🟦🟦
TANISHING: MUSLIMA RASULOVA – ILM-FAN VA INNOVATSIYA YO‘LIDAGI ISTE’DODLI TALABA

Toshkent to‘qimachilik va yengil sanoat instituti Dizayn va texnologiyalar fakultetining iqtidorli talabasi Muslima Rasulova o‘zining ilmiy izlanishlari va innovatsion loyihalari bilan tengdoshlari orasida alohida e’tirofga sazovor bo‘lib kelmoqda.

🗣Muslima Rasulova tomonidan ishlab chiqilgan loyiha harakatlanish imkoniyati cheklangan insonlar hamda yotoqdagi bemorlar uchun mo‘ljallangan maxsus kiyimlar assortimentini yaratishga qaratilgan.

⏺Loyihaning asosiy maqsadi bemorlarning kundalik ehtiyojlarini inobatga olgan holda qulay, funksional va zamonaviy maxsus kiyim konstruksiyasini ishlab chiqishdan iborat. Loyihaning muhim yangiligi shundaki, yaratilgan kiyim konstruksiyasi bemorlarni ortiqcha harakatlantirmasdan, ularni oson va qulay tarzda kiyintirish hamda kiyimlarini almashtirish imkonini beradi.

⏺Mazkur innovatsion ishlanma nafaqat bemorlar uchun qulaylik yaratadi, balki ularga qarovchi tibbiyot xodimlari va yaqinlarining mehnatini ham sezilarli darajada yengillashtiradi.

⏺Loyihaning amaliy ahamiyati yuqori baholanib, u Sanoat kooperatsiyalari va davlat xaridlari agentligi tomonidan moliyalashtirildi.

⏺Muslima Rasulovaning ushbu innovatsion loyihasi "Mirzo Ulug‘bek vorislari" tanlovining respublika bosqichida yuqori baholandi va talaba tanlov g‘olib deb topildi.

⏺Talabamizning mazkur yutug‘i yoshlarning ilm-fan, innovatsiya va ijtimoiy ahamiyatga ega loyihalarni yaratish borasidagi salohiyatini namoyon etuvchi yorqin misol bo‘lib xizmat qilmoqda.

⏺Muslima Rasulovaga kelgusidagi ilmiy faoliyati va innovatsion izlanishlarida ulkan muvaffaqiyatlar tilab qolamiz!

#TTYSI_Iqtidorli_Talaba
#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube

✔️✅✅✅✅
KORRUPSIYAGA QARSHI KURASHISH MASALALARIGA BAG‘ISHLANGAN PROFILAKTIK SUHBAT O‘TKAZILDI

Toshkent to‘qimachilik va yengil sanoat institutida korrupsiyaga qarshi kurashish va yoshlar o‘rtasida halollik tamoyillarini keng targ‘ib etish maqsadida profilaktik suhbat tashkil etildi.

🗣Suhbatda Korrupsiyaga qarshi kurashish “Komplayens-nazorat” tizimini boshqarish bo‘limi xodimlari hamda Sanoat texnologiyalari va mexanika fakulteti talabalari ishtirok etdilar.

⏺Suhbat davomida korrupsiyaning jamiyat taraqqiyotiga salbiy ta’siri, uning oldini olish mexanizmlari, yoshlarning huquqiy madaniyatini yuksaltirish hamda halollik va shaffoflik tamoyillariga amal qilish masalalariga alohida e’tibor qaratildi.

⏺Shuningdek, talabalarga korrupsion holatlarga nisbatan murosasiz munosabatni shakllantirish, manfaatlar to‘qnashuvining oldini olish hamda korrupsiyaga oid huquqbuzarliklar uchun belgilangan javobgarlik choralari haqida batafsil ma’lumotlar berildi.

⏺Tadbir davomida ishtirokchilar o‘zlarini qiziqtirgan savollar bilan mutaxassislarga murojaat qilib, mavzu yuzasidan atroflicha javob oldilar.

#TTYSI_KorrupsiyagaQarshi
#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube

✔️🟦🟦🟦
“INSTITUTGA KIRITIB QO‘YAMIZ” — DEGAN VA’DALARGA ALDANMANG!

Bugungi kunda oliy ta’lim muassasalariga qabul jarayonlari to‘liq ochiq va shaffof tizim asosida amalga oshirilmoqda. Shunday ekan, “institutga kiritib qo‘yamiz”, “yuqorida tanishlarim bor, bir deganda o‘qishga kirasan” kabi va’dalarning ortida hech qanday qonuniy asos yo‘q.

🗣Afsuski, ayrim firibgarlar hamyurtlarimizning ishonchidan foydalanib, oson yo‘l bilan manfaat ko‘rishga urinadilar. Shu bois abituriyentlar va ularning ota-onalarini bu kabi noqonuniy va korrupsion holatlardan ehtiyot bo‘lishga chaqiramiz.

⏺Korrupsiya har doim ham pora berish yoki pora olishdan boshlanmaydi. Ko‘pincha u befarqlikdan, qonunbuzarlikka ko‘z yumishdan, “mayli, shunaqa bo‘lsin” degan qarashdan va kichik yon berishlardan boshlanadi.

⏺Korrupsiyaga qarshi kurash faqatgina jazo choralarini qo‘llash bilan cheklanmaydi. Bu, avvalo, har bir insonning shaxsiy pozitsiyasi, halollik tamoyillariga sodiqligi va qonunlarga hurmatidan boshlanadi.

⏺Agar siz korrupsion holatlar, manfaatlar to‘qnashuvi, firibgarlik yoki boshqa qonunbuzarlik holatlariga duch kelsangiz, tegishli mas’ul tashkilotlar, ishonch telefonlari yoki vakolatli mutasaddilarga murojaat qilishingizni so‘raymiz.

⏺Unutmang, bugun qabul qilingan to‘g‘ri qaror va halol tanlov ertangi adolatli, taraqqiy etgan jamiyatning mustahkam poydevorini yaratadi.

📞Korrupsiyaga qarshi kurashish agentligi Call-markazi – 1253
📞Oliy ta’lim, fan va innovatsiyalar vazirligi Ishonch telefoni – 1006
📞Toshkent to‘qimachilik va yengil sanoat institutining Korrupsiyaga qarshi kurashish "Komplayens - nazorat" tizimini boshqarish bo‘limi - +99855512-70-00 (1038)

#TTYSI_KorrupsiyagaQarshi
#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube

✔️🌍🌍🌍🌍🌍🌍🌍

🗣So‘nggi kunlarda ijtimoiy tarmoqlarda “talaba farzandli bo‘lsa, oliy ta’lim muassasasiga ariza topshirib, suyunchi puli oladi” mazmunidagi xabarlar keng tarqalmoqda.

⏺Mazkur xabarlar yuzasidan shuni ma’lum qilamizki, bu ma’lumot eskirgan bo‘lib, bugungi kunda amalda qo‘llanilmaydi.

⏺Qonunchilikka muvofiq, farzand tug‘ilganda beriladigan bir martalik nafaqa puli, ya’ni xalq orasida “suyunchi puli” deb ataladigan to‘lov barcha fuqarolar uchun bir xil tartibda taqdim etiladi. Bunda ota-onaning talaba, ishchi, tadbirkor yoki vaqtincha ishsiz ekanligi ahamiyatga ega emas.

⏺Eng muhimi, ushbu nafaqani olish uchun oliy ta’lim muassasasiga ariza yozish, rektor nomiga murojaat qilish yoki qo‘shimcha hujjatlar topshirish talab etilmaydi.

⏺Hozirgi kunda davlat xizmatlari raqamlashtirilgan bo‘lib, farzand tug‘ilgandan so‘ng tegishli ma’lumotlar elektron tizimlar orqali shakllantiriladi va bir martalik nafaqa belgilangan tartibda avtomatik ravishda ota-onadan birining plastik kartasiga o‘tkaziladi.

⏺Shu sababli, ijtimoiy tarmoqlarda tarqalayotgan har qanday ma’lumotga ishonishdan oldin uning manbasini tekshirish muhimdir.

⏺Hurmatli talabalar, sizni qiziqtirgan masalalar yuzasidan faqat rasmiy manbalarga tayaning va tasdiqlanmagan xabarlarni tarqatmang.

#TTYSI_Bilasizmi
#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube

✔️🟦🟦🟦

🗣Toshkentda o‘qib, xalqaro darajadagi iqtisodchi bo‘lishni xohlaysizmi?

⏺Toshkent to‘qimachilik va yengil sanoat instituti hamda Ural davlat iqtisodiyot universitetining qo‘shma dasturi sizga aynan shu imkoniyatni beradi.

⏺“Iqtisodiyot” yo‘nalishida tahsil olib, 4 yil yakunida bir vaqtning o‘zida 2 ta davlat diplomiga ega bo‘lasiz.

⏺Darslar tajribali professorlar tomonidan olib boriladi, kontrakt narxlari esa hamyonbop.

🎓Batafsil ma’lumot uchun:
📞 +998 97 777 -11-89
📞 +998 91 788-97-00

#TTYSI_УГЭУ
#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube

✔️🟦🟦🟦
MUSTAQILLIKNING 35 YILLIGIGA BAG'ISHLANADI

O‘zbekiston Respublikasi Mustaqilligining 35 yilligi munosabati bilan Toshkent to‘qimachilik va yengil sanoat instituti talaba-yoshlari tomonidan bir qator ijodiy va ma’naviy-ma’rifiy kontentlar tayyorlanmoqda.

🗣“Mustaqillikning mohiyati”, “Yangi O‘zbekiston yoshlari – kelajak bunyodkorlari”, “Vatan taraqqiyoti yo‘lida yoshlar”, “Mustaqillik – bebaho ne’mat” kabi mavzular asosida yaratilayotgan videoroliklar, ijtimoiy roliklar va media mahsulotlarda yurtimizda amalga oshirilayotgan keng ko‘lamli islohotlar, yoshlar uchun yaratilayotgan imkoniyatlar hamda mustaqillik yillarida erishilgan ulkan yutuqlar yoritilmoqda.

⏺Talaba-yoshlar o‘z chiqishlarida Vatanga sadoqat, milliy qadriyatlarga hurmat, tinchlik va osoyishtalikning qadriga yetish, shuningdek, Yangi O‘zbekiston taraqqiyotida yoshlarning o‘rni va mas’uliyati haqida fikr-mulohazalarini bildirmoqdalar.

⏺Mazkur kontentlar yosh avlod qalbida vatanparvarlik tuyg‘ularini mustahkamlash, mustaqillikning qadr-qimmatini anglash hamda ularni yurt ravnaqi yo‘lida yanada faol bo‘lishga undashga xizmat qilmoqda.

⏺Mustaqillik — bu nafaqat tarixiy sana, balki xalqimizning erkin va farovon hayoti, bugungi bunyodkorlik ishlari hamda kelajak avlodlar uchun yaratilayotgan ulkan imkoniyatlar timsolidir. Shu bois, “Yangi O‘zbekiston yoshlari – kelajak bunyodkorlari” g‘oyasi ostida tayyorlanayotgan ushbu kontentlar yoshlarning Vatan taqdiri va taraqqiyotiga daxldorlik hissini namoyon etmoqda.

💬Mazkur videolavha Sanoat texnologiyalari va mexanika fakulteti tomonidan tayyorlandi.

#TTYSI_Mustaqillikning_35_yilligi
#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube

✔️🟦🟦🟦
MARKAZIY OSIYODAGI YAGONA OLIYGOH BILAN TANISHING

Toshkent to‘qimachilik va yengil sanoat instituti — yengil sanoat, to‘qimachilik, dizayn va muhandislik yo‘nalishlari bo‘yicha Markaziy Osiyodagi yetakchi hamda o‘ziga xos oliy ta’lim muassasalaridan biridir.

🗣Institut 1932-yilda tashkil etilgan bo‘lib, qariyb bir asrlik faoliyati davomida yurtimiz va mintaqa sanoati uchun minglab yuqori malakali mutaxassislarni tayyorlab berdi. Bugungi kunda uning bitiruvchilari nafaqat O‘zbekistonda, balki Osiyo qit'asining turli mamlakatlaridagi yirik korxonalar, ilmiy markazlar va ta’lim muassasalarida samarali faoliyat yuritib kelmoqda.

⏺Oliygohda zamonaviy laboratoriyalar, innovatsion o‘quv markazlari, ishlab chiqarish bilan integratsiyalashgan amaliy ta’lim tizimi hamda xalqaro standartlarga mos ta’lim dasturlari yo‘lga qo‘yilgan. Talabalar nazariy bilim bilan bir qatorda real ishlab chiqarish korxonalarida amaliy tajriba orttirish imkoniyatiga ega.

⏺Institutda to‘qimachilik muhandisligi, yengil sanoat texnologiyalari, dizayn, iqtisodiyot, mexanika muhandisligi, matbaa va boshqa istiqbolli yo‘nalishlar bo‘yicha malakali professor-o‘qituvchilar tomonidan ta’lim beriladi.

⏺Xalqaro hamkorlik aloqalarining kengligi, qo‘shma ta’lim dasturlari, ilmiy-tadqiqot faoliyati hamda zamonaviy infratuzilmasi institutning nufuzini yanada oshirib bormoqda.

⏺Bugungi kunda Toshkent to‘qimachilik va yengil sanoat instituti ta’lim, ilm-fan va ishlab chiqarish integratsiyasini ta’minlash orqali Yangi O‘zbekiston taraqqiyoti uchun raqobatbardosh, zamonaviy fikrlaydigan va innovatsion yondashuvga ega mutaxassislarni tayyorlashga munosib hissa qo‘shmoqda.

#TTYSI_94_Yillik_Oliygoh
#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube