✔️✅✅✅✅
DIZAYN YO‘NALISHI BITIRUVCHILARINING BITIRUV MALAKAVIY ISHLARI HIMOYASI BO‘LIB O‘TDI

Toshkent to‘qimachilik va yengil sanoat instituti Dizayn va texnologiyalar fakultetining Dizayn (kostyum) ta’lim yo‘nalishi bitiruvchilarining bitiruv malakaviy ishlari himoyasi O‘zbekistondagi yetakchi dizayner, "RANO COLLECTION" brendi asoschisi Rano Xamrayevaning Modalar uyida yuqori saviyada tashkil etildi.

🗣Davlat attestatsiya komissiyasiga TAQU “Dizayn” kafedrasi professori, O‘zbekiston Badiiy akademiyasi akademigi M.R.Borodina raislik qildi.

⏺Himoya jarayonida bitiruvchilar ekologik yondashuv asosida yaratilgan dizayn loyihalari, tikuvchilik va moda sanoatidagi dolzarb muammolar yechimiga qaratilgan innovatsion ishlanmalari hamda o‘z mualliflik kolleksiyalarini taqdim etdilar.

⏺Taqdim etilgan loyihalarda zamonaviy moda tendensiyalari, milliy an’analar va barqaror rivojlanish tamoyillari uyg‘unlashtirilib, kiyim dizaynining estetik va amaliy jihatlariga alohida e’tibor qaratildi.

⏺Himoyada "Yaskanamu Future" MChJ va "Betlis Textile" MChJ korxonalari mutaxassislari, shuningdek, Zulfiya Raxmatullina hamda Elmira Batirova kabi taniqli brend dizaynerlari ishtirok etib, bitiruvchilarning ijodiy ishlari va kasbiy tayyorgarligiga yuqori baho berdilar.

⏺Unda bitiruvchilarning bir qator loyihalari respublika va xalqaro tanlovlarda ishtirok etish, shuningdek, ishlab chiqarish amaliyotiga joriy etish uchun tavsiya etildi.

⏺Mazkur himoya jarayoni talabalarning ijodiy salohiyati, nazariy bilimlari va amaliy ko‘nikmalarini namoyon etish bilan bir qatorda, ta’lim va moda sanoati integratsiyasining samarali natijalarini ham yaqqol namoyish etdi.

#TTYSI_Bitiruvchi_2026
#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube

✔️✅✅✅✅
BITIRUV MALAKAVIY ISHLARI HIMOYASI VA DAVLAT IMTIHONLARI JARAYONLARI O‘RGANILMOQDA

Toshkent to‘qimachilik va yengil sanoat institutida bitiruv malakaviy ishlari himoyasi hamda davlat attestatsiyasi jarayonlarining shaffofligi va xolisligini ta’minlash maqsadida Korrupsiyaga qarshi kurashish “Komplayens-nazorat” tizimini boshqarish bo‘limi hamda Ta’lim sifatini nazorat qilish bo‘limi tomonidan monitoring va o‘rganish ishlari olib borilmoqda.

🗣Jumladan, To‘qimachilik muhandisligi fakultetining “To‘qimachilik matolari texnologiyasi” hamda “Kimyo va matbaa muhandisligi” kafedralari bakalavr bitiruvchilarining bitiruv malakaviy ishlari himoyasi jarayonlari o‘rganildi.

⏺O‘rganishlar davomida himoya jarayonlarining amaldagi me’yoriy-huquqiy hujjatlar talablari asosida tashkil etilishi, baholash mezonlariga rioya qilinishi, shaffoflik va adolatlilik tamoyillarining ta’minlanishiga alohida e’tibor qaratildi.

⏺Shuningdek, bitiruvchilarga yaratilgan sharoitlar, Attestatsiya komissiyasi faoliyati hamda himoya jarayonlarining ochiq va xolis tashkil etilishi yuzasidan monitoring olib borildi.

#TTYSI_Bitiruvchi_2026
#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube

BITIRUV MALAKAVIY ISHLARI HIMOYASI BO‘LIB O‘TDI

Toshkent to‘qimachilik va yengil sanoat instituti To‘qimachilik muhandisligi fakultetining “Kimyo va matbaa muhandisligi” kafedrasida “Kimyoviy texnologiya (to‘qimachilik sanoati)” hamda “Materialshunoslik va yangi materiallar texnologiyasi” ta’lim yo‘nalishlari bitiruvchilarining bitiruv malakaviy ishlari himoyasi bo‘lib o‘tdi.

🗣Himoya jarayonida talabalar to‘qimachilik mahsulotlarini ishlab chiqarishda kimyoviy jarayonlarni takomillashtirish, yangi avlod kompozit va funksional materiallarni yaratish, ishlab chiqarishda resurs tejamkor hamda ekologik toza texnologiyalarni joriy etishga qaratilgan ilmiy-amaliy ishlanmalarini taqdim etdilar.

⏺Bitiruvchilar o‘z loyihalarida to‘qimachilik sanoati va zamonaviy materialshunoslik sohasidagi dolzarb muammolarni tahlil qilib, ularning samarali yechimlari yuzasidan innovatsion taklif va tavsiyalarni ilgari surdilar.

⏺Shuningdek, “Matbaa va qadoqlash jarayonlari texnologiyasi” ta’lim yo‘nalishi bitiruvchilarining bitiruv malakaviy ishlari himoyasi G‘afur G‘ulom nomidagi nashriyot-matbaa ijodiy uyida tashkil etildi. Himoya davomida talabalar matbaa va qadoqlash texnologiyalarini takomillashtirish, mahsulot sifati va ishlab chiqarish samaradorligini oshirishga qaratilgan ishlanmalarini taqdim etdilar.

⏺Davlat attestatsiya komissiyasi tomonidan bitiruvchilarning nazariy bilimlari, amaliy ko‘nikmalari, ilmiy yondashuvi va kasbiy tayyorgarligi yuqori baholandi. Taqdim etilgan ko‘plab loyihalar o‘zining amaliy ahamiyati va innovatsion jihatlari bilan ajralib turib, ishlab chiqarish korxonalarida joriy etish uchun tavsiya etildi.

#TTYSI_Bitiruvchi_2026
#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube

✔️‼️‼️‼️✅✅✅✅
PREZIDENT VA NOMLI DAVLAT STIPENDIYALARI TANLOVINING INSTITUT BOSQICHI IMTIHONLARI O‘TKAZILDI

Toshkent to‘qimachilik va yengil sanoat institutida O‘zbekiston Respublikasi Prezidenti hamda nomli davlat stipendiyalari tanlovining institut bosqichi imtihonlari bo‘lib o‘tdi.

🗣Mazkur tanlovda o‘quv, ilmiy-tadqiqot, innovatsion va jamoat ishlarida yuqori natijalarga erishgan iqtidorli talabalar ishtirok etdilar.

⏺Imtihon jarayonida nomzodlarning mutaxassislik fanlari bo‘yicha bilimlari, tahliliy fikrlash qobiliyati, ilmiy salohiyati hamda erishgan yutuqlari belgilangan mezonlar asosida baholandi.

⏺Tanlov sinovlari shaffoflik, adolatlilik va xolislik tamoyillari asosida tashkil etilib, ishtirokchilar uchun teng sharoitlar yaratildi. Professor-o‘qituvchilar va mutaxassislar tomonidan talabgorlarning bilim va ko‘nikmalari har tomonlama o‘rganildi.

⏺Mazkur stipendiyalar yoshlarning ilm-fanga bo‘lgan qiziqishini rag‘batlantirish, ularning intellektual salohiyatini qo‘llab-quvvatlash hamda kelgusida yetuk mutaxassis va olimlar sifatida shakllanishiga xizmat qiluvchi nufuzli tanlovlardan biri hisoblanadi.

#TTYSI_Iqtidorli_Talabalar
#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube