✔️✅✅✅✅
BITIRUV MALAKA ISHLARI HIMOYASI BO‘LIB O‘TDI

Toshkent to‘qimachilik va yengil sanoat instituti Sanoat texnologiyalari va mexanika fakultetining “Tolali materiallarni dastlabki ishlash” kafedrasi bitiruvchilari uchun bitiruv malaka ishlari himoyasi bo‘lib o‘tdi.

🗣Himoya jarayonida bitiruvchi talabalar o‘zlarining ilmiy-amaliy tadqiqotlari, innovatsion yondashuvlari hamda tolali materiallarni qayta ishlash va ishlab chiqarish jarayonlarini takomillashtirishga qaratilgan texnologik yechim va loyihalarini Attestatsiya komissiyasi a’zolariga taqdim etdilar.

⏺Taqdim etilgan bitiruv malaka ishlarida paxta va boshqa tolali xomashyolarga dastlabki ishlov berish texnologiyalarini takomillashtirish, mahsulot sifatini oshirish, ishlab chiqarish samaradorligini yuksaltirish, energiya va resurs tejamkor texnologiyalarni joriy etish masalalariga alohida e’tibor qaratildi.

⏺Himoya davomida bitiruvchilar tomonidan olib borilgan ilmiy izlanishlar, ishlab chiqarish jarayonlarini modernizatsiya qilishga qaratilgan takliflar hamda ularning nazariy va amaliy asoslari Attestatsiya komissiyasi tomonidan atroflicha tahlil qilindi.

⏺Shuningdek, talabalarning kasbiy kompetensiyalari, mustaqil fikrlashi, ilmiy salohiyati va amaliy muammolarga yechim topish ko‘nikmalari munosib baholanib, bir qator loyihalarning amaliy ahamiyati alohida e’tirof etildi.

#TTYSI_Bitiruvchi_2026
#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube

✔️✅✅✅✅
MAGISTRLIK DISSERTATSIYALARI HIMOYASI O‘TKAZILDI

Toshkent to‘qimachilik va yengil sanoat instituti Sanoat texnologiyalari va mexanika fakultetining “Tolali materiallarni dastlabki ishlash” kafedrasi magistratura bosqichi bitiruvchilari uchun magistrlik dissertatsiyalari himoyasi bo‘lib o‘tdi.

🗣Himoya jarayonlari “Tolali ekinlar ilmiy-tadqiqot instituti” bazasida tashkil etilib, unda magistratura bosqichi bitiruvchilari o‘zlarining ilmiy-amaliy ishlari, innovatsion loyihalari hamda tadqiqot natijalarini Attestatsiya komissiyasi a’zolari va soha mutaxassislariga taqdim etdilar.

⏺Taqdimotlar davomida magistrantlar paxta sanoatida qo‘llanilayotgan zamonaviy texnologiyalar, ishlab chiqarish samaradorligini oshirishga qaratilgan innovatsion yechimlar, xomashyoni qayta ishlash jarayonlarini takomillashtirish hamda ilmiy tadqiqotlar natijasida erishilgan amaliy ishlanmalarni namoyish etdilar.

⏺Himoya jarayonida magistrantlarning nazariy bilimlari, amaliy ko‘nikmalari, ilmiy yondashuvi va sohaga oid dolzarb muammolarni hal etishga qaratilgan takliflari mutaxassislar tomonidan atroflicha baholandi. Taqdim etilgan dissertatsiya ishlari o‘zining ilmiy yangiligi, amaliy ahamiyati va ishlab chiqarishga tatbiq etish imkoniyatlari bilan e’tibor qozondi.

Mazkur himoya oliy ta’lim, ilm-fan va ishlab chiqarish integratsiyasini mustahkamlash, yosh tadqiqotchilarning ilmiy salohiyatini namoyon etish hamda soha uchun yuqori malakali mutaxassislar tayyorlash yo‘lidagi muhim bosqichlardan biri bo‘ldi.

#TTYSI_Bitiruvchi_2026
#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube

✔️🟦🟦🟦
“TA’LIM VA KASB” KO‘RGAZMASI HAMDA YOSHLAR IJODIY LOYIHALARI TAQDIMOTLARI TASHKIL ETILDI

Yoshlarning kasb tanlash ko‘nikmalarini rivojlantirish, ularning ijodiy va innovatsion salohiyatini qo‘llab-quvvatlash hamda zamonaviy mehnat bozori talablari bilan tanishtirish maqsadida keng qamrovli “Ta’lim va kasb” ko‘rgazmasi tashkil etildi.

🗣Tadbir doirasida bir nechta tematik maydonlarda taqdimotlar va ko‘rgazmalar o‘tkazildi. Jumladan, 1-maydonda “Ta’lim va kasb” ko‘rgazmasi taqdimoti, 2-maydonda zamonaviy kasblar va mehnat bozorida talab yuqori bo‘lgan yo‘nalishlar taqdimoti, 3-maydonda talabalarning startap va innovatsion loyihalari namoyishi tashkil etildi.

Shuningdek, 4-maydonda yosh rassomlarning ijodiy ishlari ko‘rgazmasi, 5-maydonda esa dizayn va kreativ industriyalar ko‘rgazmasi o‘tkazilib, ishtirokchilarga yoshlarning ijodiy ishlari va yangi g‘oyalari namoyish etildi.

⏺Tadbir davomida yosh rassomlar, haykaltaroshlar va dizayn ixlosmandlarining savdo ko‘rgazmalari ham tashkil etilib, tashrif buyuruvchilar ijodkorlarning mualliflik ishlari bilan yaqindan tanishish imkoniyatiga ega bo‘ldilar.

⏺Alohida e’tiborga molik jihatlardan biri sifatida “Sen kuchlisan” nomli yosh ijodkorlarning xayriya ko‘rgazmasi tashkil etildi. Ushbu ko‘rgazma orqali yosh ijodkorlarning iste’dodi va imkoniyatlarini keng jamoatchilikka namoyish etish, ularni qo‘llab-quvvatlash hamda jamiyatda inklyuziv muhitni mustahkamlash maqsad qilindi.

⏺Bundan tashqari, “Ta’lim va kasb tanlashda yoshlar imkoniyatlari”, “Talabalarning innovatsion va tadbirkorlik tashabbuslari” hamda “Zamonaviy kasblar va bandlik imkoniyatlari” mavzularida taqdimotlar o‘tkazilib, ishtirokchilarga ta’lim, innovatsiyalar, tadbirkorlik va bandlik masalalari yuzasidan foydali ma’lumotlar taqdim etildi.

#TTYSI_EDUCATION_CAREER
#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube