✔️🟦🟦🟦
“MILLIY FASHION SHOW – 2026”: YOSH DIZAYNERLAR MAHORAT MAYDONI

Poytaxtimizda milliy moda, ijodkorlik va nafosatni o‘zida mujassam etgan “Milliy Fashion Show – 2026” modalar namoyishi bo‘lib o‘tdi.

🗣Mazkur nufuzli tadbir mamlakatimiz moda industriyasining yetakchi vakillari, taniqli dizaynerlar, yosh ijodkorlar hamda moda ixlosmandlarini bir maydonda jamladi. Namoyish davomida dizaynerlar o‘zlarining yangi, zamonaviy va betakror kolleksiyalarini keng jamoatchilik e’tiboriga havola etdilar.

⏺Tadbirda Toshkent to‘qimachilik va yengil sanoat instituti talabalari ham faol ishtirok etib, o‘zlarining ijodiy ishlari, innovatsion yondashuvlari hamda dizayn sohasidagi bilim va mahoratlarini namoyon etdilar.

⏺Yosh dizaynerlarning milliy an’analar va zamonaviy moda tendensiyalarini uyg‘unlashtirgan kolleksiyalari mutaxassislar va tomoshabinlarda katta taassurot qoldirdi. Talabalar tomonidan taqdim etilgan ishlarda ijodkorlik, estetik did va kasbiy yondashuv yaqqol namoyon bo‘ldi.

⏺Shou yakunida Toshkent to‘qimachilik va yengil sanoat instituti talabalari muvaffaqiyatli ishtiroki uchun maxsus sovrin bilan taqdirlandilar.

⏺Mazkur yutuq institutda dizayn ta’limi sifatini oshirish, yosh ijodkorlarning salohiyatini qo‘llab-quvvatlash hamda ularning milliy va xalqaro moda maydonlaridagi ishtirokini kengaytirish borasida amalga oshirilayotgan ishlarning amaliy natijasi bo‘ldi.

#TTYSI_Milliy_Fashion_Show
#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube

✔️✅✅✅✅
BO‘LAJAK LIBOS DIZAYNERLARINING BITIRUV MALAKAVIY ISHLARI HIMOYASI YUQORI SAVIYADA O‘TKAZILDI

Toshkent to‘qimachilik va yengil sanoat instituti Dizayn va texnologiyalar fakulteti “Dizayn (kostyum)” ta’lim yo‘nalishi bakalavr bitiruvchilarining bitiruv malakaviy ishlari himoyasi yuqori saviyada tashkil etildi.

🗣Himoya jarayonida Davlat attestatsiya komissiyasi tarkibida sohaning yetakchi korxonalari vakillari, taniqli dizaynerlar hamda moda industriyasi mutaxassislari ishtirok etib, bitiruvchilarning nazariy bilimlari, ijodiy yondashuvi va amaliy ko‘nikmalarini baholadilar.

⏺Bitiruvchilar o‘zlarining diplom loyihalari bilan bir qatorda mualliflik kolleksiyalarini ham podiumda namoyish etib, zamonaviy moda tendensiyalari va milliy qadriyatlar uyg‘unligida yaratilgan ijodiy ishlari bilan ishtirokchilarda katta taassurot qoldirdilar.

⏺Ekspertlar tomonidan jahon modasining istiqbolli yo‘nalishlari hamda milliy liboslarimizning boy an’analarini o‘zida mujassam etgan kolleksiyalar alohida e’tirof etildi. Taqdim etilgan loyihalarda estetik yondashuv, innovatsion g‘oyalar va zamonaviy dizayn yechimlari o‘z aksini topdi.

⏺Shuningdek, bitiruv malakaviy ishlari orasida to‘qimachilik va tikuv-trikotaj sanoati oldida turgan dolzarb masalalarga bag‘ishlangan, ishlab chiqarishda qo‘llash mumkin bo‘lgan amaliy ahamiyatga ega loyihalar ham munosib o‘rin egalladi.

⏺Jarayonda korxonalar vakillari bitiruvchilarning ishlari bilan yaqindan tanishib, istiqbolli va iqtidorli yosh mutaxassislarni tanlab olish imkoniyatiga ega bo‘ldilar.

⏺Mazkur himoya jarayoni ta’lim va ishlab chiqarish integratsiyasining samarali natijasi bo‘lib, yosh dizaynerlarning kasbiy salohiyatini yana bir bor namoyon etdi.

#TTYSI_Bitiruvchi_2026
#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube