✔️✅✅✅✅
O‘ZBEKISTON RESPUBLIKASI PREZIDENTI VA NOMLI DAVLAT STIPENDIYALARI TANLOVINING INSTITUT BOSQICHI SUHBATI O‘TKAZILDI

O‘zbekiston Respublikasi Prezidenti hamda nomli davlat stipendiyalari tanlovining Toshkent to‘qimachilik va yengil sanoat instituti institut bosqichi suhbat jarayonlari o'tkazildi.

🗣Suhbatda komissiya a’zolari tomonidan talabgorlarning chet tillarini bilish darajasi, O‘zbekiston tarixi bo‘yicha bilimlari, mamlakatimizda amalga oshirilayotgan ijtimoiy-siyosiy islohotlar va jarayonlar haqidagi tushunchalari hamda intellektual salohiyati baholandi.

⏺Jarayon avvalida 2026–2027-o‘quv yilida davlat stipendiyalari tanlovlari tartibiga kiritilgan o‘zgarishlar yuzasidan ma’lumot berildi hamda ishtirokchilarga tanlovning asosiy talablari va baholash mezonlari tushuntirildi.

⏺Suhbat davomida talabgorlar o‘z bilim va salohiyatlarini namoyon etib, ilmiy faoliyat, xorijiy tillarni bilish darajasi hamda mamlakatimizda amalga oshirilayotgan islohotlar bo‘yicha fikr-mulohazalarini bildirdilar.

⏺Mazkur suhbatlar iqtidorli, bilimli va tashabbuskor talabalarni aniqlash, ularning ilmiy va intellektual salohiyatini baholash hamda O‘zbekiston Respublikasi Prezidenti va nomli davlat stipendiyalariga munosib nomzodlarni saralashning muhim bosqichi hisoblanadi.

#TTYSI_Iqtidorli_Talabalar
#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube

✔️✅✅✅✅
BITIRUVCHILARGA DIPLOM TOPSHIRISH MAROSIMI BO‘LIB O‘TDI

Toshkent to‘qimachilik va yengil sanoat instituti akademik litseyida 2025–2026-o‘quv yili bitiruvchilariga diplom topshirish marosimi tantanali ruhda tashkil etildi.

🗣Marosimda Toshkent to‘qimachilik va yengil sanoat instituti birinchi prorektori Baxtiyor Nasimov hamda Ilmiy ishlar va innovatsiyalar bo‘yicha prorektor Nodir Mirzayev ishtirok etdi.

⏺Marosimda, bitiruvchilarning ta’lim jarayonidagi yutuqlari, erishgan natijalari va kelajakdagi maqsadlari alohida e’tirof etildi.

💬Toshkent to‘qimachilik va yengil sanoat instituti jamoasi nomidan barcha bitiruvchilarni ushbu muhim muvaffaqiyat bilan tabriklab, ularga kelgusidagi faoliyatlarida ulkan zafarlar tilaymiz.

#TTYSI_Bitiruvchi_2026
#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube