✔️✅✅✅✅
DISSERTATSIYA ISHLARI VA MONOGRAFIYA MAVZULARINI TASDIQLASH MASALASI KO‘RIB CHIQILDI

Toshkent to‘qimachilik va yengil sanoat instituti Kengashining navbatdagi yig‘ilishida ilmiy faoliyatni yanada rivojlantirishga qaratilgan muhim masalalardan biri — dissertatsiya ishlari hamda monografiya mavzularini tasdiqlash masalasi ko‘rib chiqildi.

🗣Yig‘ilish davomida ilmiy tadqiqotchilar va professor-o‘qituvchilar tomonidan tavsiya etilgan dissertatsiya ishlari hamda monografiya mavzularining dolzarbligi, ilmiy yangiligi, amaliy ahamiyati va ustuvor ilmiy yo‘nalishlarga muvofiqligi muhokama qilindi.

⏺Shuningdek, taqdim etilgan mavzularning zamonaviy ilm-fan talablari, ishlab chiqarish ehtiyojlari hamda innovatsion rivojlanish strategiyalariga mosligi yuzasidan keng fikr almashilib, tegishli taklif va tavsiyalar bildirildi.

⏺Muhokamalar yakunida belgilangan mezonlarga javob beradigan dissertatsiya ishlari va monografiya mavzularini tasdiqlash bo‘yicha tegishli qarorlar qabul qilindi.

#TTYSI_Ilmiy_Kengash
#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube

✔️‼️‼️‼️✅✅✅✅
INSTITUT KENGASHINING NAVBATDAGI YIG‘ILISHI BO‘LIB O‘TDI

Toshkent to‘qimachilik va yengil sanoat instituti Kengashining navbatdagi yig‘ilishi bo‘lib o‘tdi.

🗣Yig‘ilish kun tartibidan institut faoliyatining muhim yo‘nalishlariga oid qator masalalar o‘rin oldi. Jumladan, “Institut iqtidorli yoshlar akademiyasi” faoliyati hamda iqtidorli talaba-yoshlarni O‘zbekiston Respublikasi Prezidenti va nomli Davlat stipendiyalariga tavsiya etish masalalari muhokama qilindi.

⏺Shuningdek, Ta’lim sifatini nazorat qilish bo‘limi tomonidan 2025–2026-o‘quv yili davomida institutda ta’lim sifatini oshirish borasida amalga oshirilgan ishlar, erishilgan natijalar hamda kelgusidagi ustuvor vazifalar yuzasidan hisobot tinglandi.

⏺Yig‘ilishda yuqori turuvchi tashkilotlarning yig‘ilish bayonlari, buyruqlari, institut Kengashi qarorlari hamda rektor buyruqlarining ijrosi yuzasidan olib borilgan monitoring natijalari ham atroflicha ko‘rib chiqildi.

⏺Bundan tashqari, jismoniy va yuridik shaxslarning murojaatlari bilan ishlash holati, ularni o‘z vaqtida va sifatli ko‘rib chiqish, murojaatlar ijrosi ustidan nazoratni kuchaytirish masalalari muhokama qilinib, tegishli topshiriq va tavsiyalar berildi.

⏺Shuningdek, Oliy ta’lim, fan va innovatsiyalar vazirligining 2025-yil 10-dekabrdagi “Oliy ta’lim tashkilotlarida joriy etilgan tyutorlik faoliyati samaradorligini yanada oshirish chora- tadbirlari toʻgʻrisida” 501-son buyrug‘i 1-ilovasi bilan tasdiqlangan chora-tadbirlar rejasining 8.3-bandiga ko'ra tyutorlar faoliyat tahliliy muhokama qilindi.

⏺Yig'ilishda, O‘zbekiston Respublikasi Vazirlar Mahkamasining 2024-yil 20-yanvardagi “O‘zbekiston Respublikasi Oliy ta’lim, fan va innovatsiyalar vazirligi huzuridagi Talaba va o‘quvchilarning ijtimoiy faolligini oshirish markazi faoliyati samaradorligini oshirish chora-tadbirlari to‘g‘risida”gi 36-son, 2025-yil 17-oktabrdagi “Oliy ta’lim tashkilotlarida tyutorlik faoliyatini tashkil etish tartibi to‘g‘risidagi nizomni tasdiqlash haqida”gi 656-son qarorlari ijrosini ta’minlash maqsadida amalga oshirilgan ishlar muhokama qilindi.

⏺Unga ko'ra, vazirlik huzuridagi Talaba va o‘quvchilarning ijtimoiy faolligini oshirish markazida tashkil etilgan “Oliy ta’lim muassasalarida faoliyat yuritayotgan tyutorlarning malakasini oshirish” kursida 2026 yilning 1-yarim yilligida ja’mi 5 nafar tyutorlar tahsil olganligi, shundan kursni muvaffaqiyatli yakunlagan 4 nafar tyutorlar elektron sertifikat berilganligi hamda 1 nafar tyutorlar Yakuniy nazorat jarayonlaridan o‘ta olmaganligi tanqidiy muhokama qilindi.

⏺Yig‘ilish yakunida kun tartibidagi barcha masalalar yuzasidan tegishli qarorlar qabul qilinib, ularning ijrosini o‘z vaqtida va sifatli ta’minlash bo‘yicha mas’ullarga aniq vazifalar belgilandi.

#TTYSI_Ilmiy_Kengash
#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube

✔️✅✅✅✅
DIPLOM LOYIHALARI HIMOYASI BO‘LIB O‘TDI

Toshkent to‘qimachilik va yengil sanoat instituti Dizayn va texnologiyalar fakultetining “Tikuv buyumlari texnologiyasi va raqamli injiniring” kafedrasi bitiruvchi talabalari uchun diplom loyihalari himoyasi bo‘lib o‘tdi.

🗣Himoya jarayonida bitiruvchilar tikuvchilik sanoatini rivojlantirish, zamonaviy raqamli texnologiyalarni ishlab chiqarish jarayonlariga joriy etish hamda kiyim ishlab chiqarish samaradorligini oshirishga qaratilgan diplom loyihalarini Attestatsiya komissiyasi a’zolariga taqdim etdilar.

⏺Taqdim etilgan loyihalarda zamonaviy kiyim modellari konstruksiyasini ishlab chiqish, raqamli loyihalash texnologiyalaridan foydalanish, ishlab chiqarish jarayonlarini optimallashtirish, innovatsion materiallarni qo‘llash hamda mahsulot sifati va raqobatbardoshligini oshirishga oid ilmiy-amaliy yechimlar o‘z aksini topdi.

⏺Bitiruvchilar o‘z loyihalarining ilmiy yangiligi, amaliy ahamiyati va ishlab chiqarishga tatbiq etish imkoniyatlarini asoslab berib, egallagan nazariy bilimlari va kasbiy ko‘nikmalarini muvaffaqiyatli namoyish etdilar.

⏺Himoya davomida Attestatsiya komissiyasi a’zolari tomonidan bitiruvchilarning kasbiy tayyorgarligi, ijodiy yondashuvi, tahliliy fikrlashi hamda amaliy muammolarga innovatsion yechim taklif etish salohiyati yuqori baholandi.

⏺Mazkur diplom himoyasi ta’lim va ishlab chiqarish integratsiyasini mustahkamlash, zamonaviy tikuvchilik sanoati uchun malakali, raqobatbardosh va innovatsion fikrlaydigan mutaxassislarni tayyorlash yo‘lidagi muhim bosqichlardan biri bo‘ldi.

#TTYSI_Bitiruvchi_2026
#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube