✔️🟦🟦🟦🟦
MATEMATIKA VA FIZIKA FANLARIDAN IMTIHON TOPSHIRADIGAN ABITURIYENTLAR UCHUN ISTIQBOLLI YO‘NALISHLAR

Kelajagingizni to‘qimachilik va muhandislik sohasi bilan bog‘lashni istaysizmi?

🗣Unda, Toshkent to‘qimachilik va yengil sanoat institutining 1932-yilda tashkil etilgan To‘qimachilik muhandisligi fakulteti Sizni kutmoqda!

⏺Mazkur fakultetda 4 ta istiqbolli ta’lim yo‘nalishi bo‘yicha bo‘lajak talabalar qabul qilinadi.
- Kimyo muhandisligi
- Matbaa va qadoqlash muhandisligi
- Metrologiya va standartlashtirish
- Yengil sanoat muhandisligi

⏺Bu yo‘nalishlarda siz zamonaviy bilim va amaliy ko‘nikmalarga ega bo‘lib, yurtimiz hamda xalqaro mehnat bozorida talab yuqori bo‘lgan mutaxassisga aylanasiz.

💬Toshkent to‘qimachilik va yengil sanoat instituti — kelajagingiz sari ishonchli qadam!

#TTYSI_Qabul_2026
#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube

✔️🟦🟦🟦🟦🟦🟦

Toshkent to‘qimachilik va yengil sanoat instituti rektorining ijodiy imtihon jarayonlariga tayyorgarlik ko'rish va uni ochiqlik, shaffoflik va xolislik tamoyillari asosida o'tkazish yuzasidan murojaati

Hurmatli abituriyentlar, aziz ota-onalar!
Avvalo, Toshkent to‘qimachilik va yengil sanoat institutini tanlaganingiz uchun sizlarga o‘z minnatdorligimni bildiraman.

Institutimizning kostyum dizayni, milliy kostyum, poyabzal va aksessuarlar dizayni ta’lim yo‘nalishlari bo‘yicha ijodiy imtihonlar joriy yilning 13, 14 va 15-iyul kunlari bo‘lib o‘tishi belgilandi.

Mazkur imtihonlarni yuqori saviyada, eng muhimi, ochiqlik, shaffoflik va xolislik tamoyillari asosida tashkil etish institutimizning ustuvor vazifalaridan biridir. Shu bois, korrupsion holatlarning oldini olish hamda barcha abituriyentlar uchun teng imkoniyat yaratish maqsadida zarur tashkiliy va texnik choralar to‘liq amalga oshirilmoqda.

Xususan, ijodiy imtihonlarning barcha bosqichlari videokuzatuv kameralari va ovoz yozish uskunalari orqali uzluksiz nazorat qilinadi. Jarayonlarda mustaqil va xolis kuzatuvchilarning ishtiroki ta’minlanadi. Shuningdek, abituriyentlarning ota-onalari va yaqinlari uchun imtihonlarni onlayn kuzatish imkoniyati ham yaratilgan bo‘lib, buning uchun barcha zarur texnik sharoitlar hozirlangan.

Aziz abituriyentlar!
Sizlardan turli firibgarlarning yolg‘on va’dalariga ishonmaslikni yoki boshqa noqonuniy takliflarga aldanib qolmaslikni qat’iy so‘rayman.

Ijodiy imtihonlar faqatgina abituriyentning bilimi, qobiliyati va salohiyati asosida baholanadi. Hech qanday tashqi ta’sir, noqonuniy aralashuv yoki manfaatdorlikka yo‘l qo‘yilmaydi.

Agar imtihon jarayonlari davomida korrupsiyaga oid takliflar, noqonuniy holatlar yoki shubhali vaziyatlarga duch kelsangiz, bu haqda institutning mas’ul xodimlari yoki huquqni muhofaza qiluvchi organlarga zudlik bilan murojaat qilishingizni so‘rayman.

Ishonchim komilki, barchangiz o‘z bilim va iste’dodingizga tayangan holda munosib natijalarga erishasiz.

Barchangizga ijodiy imtihonlarda omad, muvaffaqiyat va yorqin kelajak tilayman.

Hurmat bilan,
Toshkent to‘qimachilik va yengil sanoat instituti rektori - Davron Vaxabov

#TTYSI_Qabul_2026
#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube

✔️🟦🟦🟦🟦🟦🟦
IJODIY IMTIHONLAR OCHIQ VA SHAFFOF O‘TKAZILADI

Toshkent to‘qimachilik va yengil sanoat institutida kostyum dizayni, milliy kostyum, poyabzal va aksessuarlar dizayni ta’lim yo‘nalishlari bo‘yicha ijodiy imtihonlar 13, 14 va 15-iyul kunlari bo‘lib o‘tadi.

🗣Ijodiy imtihonlarni yuqori saviyada, ochiq, shaffof va xolis tashkil etish hamda korrupsion holatlarning oldini olish maqsadida institut tomonidan barcha zarur tashkiliy va texnik choralar ko‘rilmoqda.

⏺Jumladan, imtihon jarayonlari videokuzatuv kameralari va ovoz yozish uskunalari orqali to‘liq nazorat qilinadi. Shuningdek, baholash jarayonining xolisligini ta’minlash maqsadida mustaqil kuzatuvchilar ishtiroki yo‘lga qo‘yiladi.

⏺Abituriyentlarning ota-onalari va yaqinlari uchun ham qulay sharoit yaratilgan bo‘lib, ular ijodiy imtihonlarni onlayn tarzda kuzatish imkoniyatiga ega bo‘ladilar. Buning uchun barcha zarur texnik infratuzilma tayyorlangan.

⏺Unutmang, institutda ijodiy imtihonlar faqat abituriyentlarning bilim, iste’dod va ijodiy salohiyati asosida, ochiqlik, shaffoflik va adolat tamoyillariga qat’iy amal qilingan holda o‘tkaziladi.

⏺Agar imtihon jarayonlari bilan bog‘liq noqonuniy holatlar yoki korrupsiyaga oid takliflarga duch kelsangiz, bu haqda institutning mas’ul xodimlari yoki huquqni muhofaza qiluvchi organlarga zudlik bilan murojaat qilishingizni so‘raymiz.
______
📞Korrupsiyaga qarshi kurashish agentligi Call-markazi – 1253
📞Oliy ta’lim, fan va innovatsiyalar vazirligi Ishonch telefoni – 1006
📞Toshkent to‘qimachilik va yengil sanoat institutining Korrupsiyaga qarshi kurashish "Komplayens - nazorat" tizimini boshqarish bo‘limi - +99855512-70-00 (1038)

#TTYSI_Qabul_2026
#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube

✔️🟦🟦🟦
30-IYUN — YOSHLAR KUNI MUBORAK BO‘LSIN!

Sizlarni 30-iyun — Yoshlar kuni bilan chin qalbimizdan samimiy muborakbod etamiz!

Sizlar — Yangi O‘zbekistonning bunyodkorlari, ertangi kunning bilimli, tashabbuskor va fidoyi avlodisiz. Yurtimiz taraqqiyoti, ilm-fan, ta’lim, innovatsiyalar va barcha sohalardagi ulkan yutuqlar, avvalo, Sizlarning intilishlaringiz, g‘ayratingiz va salohiyatingiz bilan chambarchas bog‘liq.

Kelajakka bo‘lgan ishonchingiz, yuksak maqsadlaringiz va ezgu orzularingiz hech qachon so‘nmasin. Bilim olishdan, izlanishdan va o‘z ustingizda ishlashdan to‘xtamang. Yurtimiz ravnaqi yo‘lida amalga oshirayotgan ezgu ishlaringiz bardavom bo‘lsin.

Barchangizga mustahkam sog‘liq, cheksiz omad, ulkan zafarlar va yorqin kelajak tilaymiz.

#TTYSI_Yoshlar_Kuni
#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube