✔️✅✅✅✅
O‘ZBEKISTON MILLIY TERMA JAMOASI TANTANALI KUTIB OLINDI

Futbol bo‘yicha O‘zbekiston milliy terma jamoasini Toshkent xalqaro aeroportida tantanali ravishda kutib olish marosimida Toshkent to‘qimachilik va yengil sanoat instituti jamoasi faol ishtirok etdi.

🗣Jahon chempionatidagi tarixiy ishtirokidan so‘ng Vatanga qaytgan futbolchilarni minglab muxlislar, jamoatchilik vakillari, ommaviy axborot vositalari xodimlari ko‘tarinki kayfiyatda qarshi oldilar.

⏺Marosim davomida O‘zbekiston Respublikasi Prezidenti tomonidan milliy terma jamoa a’zolariga yo‘llangan tabrik Bosh vazir tomonidan o‘qib eshittirildi.

⏺Toshkent xalqaro aeroportida futbol bo‘yicha O‘zbekiston milliy terma jamoasini tantanali kutib olish marosimida jamoa sardori, FIFA Jahon chempionati guruh bosqichining eng chiroyli goli muallifi Eldor Shomurodov so‘zga chiqib, milliy terma jamoani qo‘llab-quvvatlagan barcha yurtdoshlar, muxlislar va butun O‘zbekiston xalqiga samimiy minnatdorlik izhor etdi.

⏺Milliy terma jamoamiz mundial bahslarida munosib ishtirok etib, O‘zbekiston futboli tarixida yangi sahifa ochdi. Jahon chempionatida mamlakatimiz bayrog‘ining baland ko‘tarilishi, davlat madhiyasining yangrashi hamda futbolchilarimizning fidokorona kurashi millionlab yurtdoshlarimiz qalbida faxr va g‘urur tuyg‘ularini yanada kuchaytirdi.

⏺Toshkent to‘qimachilik va yengil sanoat instituti jamoasi ham milliy terma jamoamizning tarixiy ishtirokini yuksak baholab, futbolchilarimizning yurt sha’nini munosib himoya qilganini alohida e’tirof etadi.

🇺🇿Olg‘a, O‘zbekiston!

#TTYSI_JCH_2026
#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube

✔️✅✅✅✅
MILLIY TERMA JAMOAMIZ YETAKCHILARI TALABA-YOSHLARGA MINNATDORLIK BILDIRDI

🗣Toshkent xalqaro aeroportida futbol bo‘yicha O‘zbekiston milliy terma jamoasini tantanali kutib olish marosimida milliy terma jamoamizning yetakchi futbolchilari — Abbosbek Fayzullayev, Eldor Shomurodov hamda Abduqodir Husanov Toshkent to‘qimachilik va yengil sanoat instituti jamoasining Jahon chempionati davomida ko‘rsatgan samimiy qo‘llab-quvvatlovi va muxlisligi uchun o‘z minnatdorliklarini bildirdilar.

#TTYSI_JCH_2026
#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube

✔️🟦🟦🟦
IQTIDORLI TALABALAR OTA-ONALARIGA VAZIR TASHAKKURNOMALARI TOPSHIRILDI

🗣Toshkent to‘qimachilik va yengil sanoat institutida tahsil olayotgan bir guruh iqtidorli talabalarning ota-onalariga Oliy ta’lim, fan va innovatsiyalar vazirining Tashakkurnomalari tantanali ravishda topshirildi.

#TTYSI_Iqtidorli_Talabalar
#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube