✔️✅✅✅✅
TYUTORLAR FAOLIYATI TAHLIL QILINDI

Toshkent to‘qimachilik va yengil sanoat institutida tyutorlik faoliyati samaradorligini yanada oshirish, talaba-yoshlar bilan ishlash sifatini yuksaltirish hamda tyutorlar faoliyatini takomillashtirish maqsadida tizimli ishlar amalga oshirilmoqda.

🗣Shu munosabat bilan yakunlangan 2025/2026-o‘quv yili davomida tyutorlar tomonidan amalga oshirilgan ishlar yuzasidan tahliliy yillik hisobotlar taqdimoti bo‘lib o‘tdi.

⏺Taqdimot davomida tyutorlarning talaba-yoshlar bilan olib borgan ma’naviy-ma’rifiy ishlari, ularning bo‘sh vaqtini mazmunli tashkil etish, ijtimoiy faolligini oshirish, darslarda davomati, turar joylardagi sharoitlari, muammolarini o‘rganish hamda yoshlarni qo‘llab-quvvatlash borasida amalga oshirilgan ishlar atroflicha tahlil qilindi.

⏺Shuningdek, ishchi guruh tomonidan o‘quv yili boshida belgilangan vazifalar ijrosi muhokama qilinib, mavjud yutuqlar va kamchiliklar yuzasidan tegishli xulosalar chiqarildi. Kelgusi o‘quv yilida tyutorlik faoliyatini yanada takomillashtirish, talabalarga ko‘rsatilayotgan ijtimoiy, ma’naviy va psixologik ko‘mak sifatini oshirish bo‘yicha ustuvor vazifalar belgilab olindi.

⏺Taqdimot yakunida tyutorlik institutining samaradorligini yanada oshirish, talaba-yoshlar bilan individual ishlash tizimini kuchaytirish hamda ularning har tomonlama kamol topishiga xizmat qiladigan yangi tashabbuslarni amaliyotga joriy etish yuzasidan tegishli tavsiya va ko‘rsatmalar berildi.

#TTYSI_Tyutorlar_Faoliyati
#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube

✔️🙂🙃😉😌😍
"DOLZARB 90 KUN": ISLOM SIVILIZATSIYASI MARKAZI BO'YLAB SAYOHAT

Toshkent to‘qimachilik va yengil sanoat instituti talaba-yoshlari hamda professor-o‘qituvchilari “Dolzarb 90 kun” loyihasi doirasida Islom sivilizatsiyasi markaziga tashriflari tashkil etildi.

🗣Unda, yoshlarning yozgi ta’til davridagi bo‘sh vaqtini mazmunli tashkil etish, ularning tarixiy tafakkurini boyitish, milliy va umuminsoniy qadriyatlarga hurmat ruhini mustahkamlash hamda buyuk ajdodlarimiz qoldirgan bebaho ilmiy-ma’naviy merosni keng targ‘ib etish maqsadida tashkil etildi.

⏺Jarayonda 100 dan ziyod ishtirokchilar Markazdagi zamonaviy ekspozitsiyalar, noyob qo‘lyozmalar, tarixiy manbalar hamda buyuk allomalarimizning ilmiy merosini aks ettiruvchi eksponatlar bilan yaqindan tanishdilar. Ularga O‘zbekiston hududida shakllangan boy ilmiy-ma’rifiy muhit, islom sivilizatsiyasi rivojiga ulkan hissa qo‘shgan allomalar hayoti va faoliyati haqida batafsil ma’lumotlar berildi.

⏺Shuningdek, Markazda yaratilgan zamonaviy multimedia texnologiyalari, interaktiv ko‘rgazmalar va ilmiy-ma’rifiy loyihalar yoshlarda katta taassurot qoldirdi.

#TTYSI_Dolzarb_90_Kun
#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube