✔️🟦🟦🟦🟦🟦🟦
PEDAGOGLARNING FARZANDLARI UCHUN TO‘LOV-KONTRAKTGA 30 FOIZ CHEGIRMA BERILADI

Hukumatning 2026-yil 17-sentabrdagi 501-son qarori bilan pedagoglarning davlat oliy ta’lim tashkilotlarida tahsil olayotgan farzandlariga to‘lov-kontrakt summasidan chegirma berish tartibi tasdiqlandi.

🗣2026/2027 o‘quv yilidan boshlab davlat oliy ta’lim tashkilotlarining bakalavriat bosqichida kunduzgi ta’lim shaklida tahsil olayotgan pedagoglar farzandlarining to‘lov-kontrakt summasiga 30 foiz miqdorida chegirma qo‘llaniladi.

⏺Chegirma quyidagi holatlarga tatbiq etilmaydi:
- oliy harbiy va harbiylashtirilgan ta’lim tashkilotlarida;
- O‘zbekistonda faoliyat yuritayotgan xorijiy oliy ta’lim tashkilotlari va ularning filiallarida;
- qo‘shimcha va tabaqalashtirilgan to‘lov-kontrakt asosida;
- xorijiy hamkor OTMlarning qo‘shma ta’lim dasturlari va fakultetlarida;
- nodavlat oliy ta’lim tashkilotlarida tahsil olayotgan talabalarga.

⏺Agar pedagogning bir nechta farzandi davlat OTMlarida to‘lov-kontrakt asosida tahsil olayotgan bo‘lsa, 30 foizlik chegirma har bir farzand uchun alohida qo‘llaniladi.

⏺Chegirmadan foydalanish uchun pedagogning farzandi kontrakt.edu.uz tizimi orqali to‘lov-kontrakt shartnomasini olish bo‘yicha ariza yuboradi. Arizani ko‘rib chiqish jarayonida uning pedagog farzandi ekanligi “Raqamli hukumat” tizimining idoralararo integratsiyalashuv platformasi orqali tasdiqlangach, chegirma avtomatik tarzda qo‘llaniladi.

⏺Arizalar mas’ul tashkilot tomonidan 2 ish kuni ichida ko‘rib chiqiladi hamda mazkur chegirma bir o‘quv yili davomida bir marotaba qo‘llaniladi.

⏺Shuningdek, pedagogning otasi yoki onasi pedagog toifasidan chiqarilgan taqdirda, keyingi o‘quv yilidan boshlab ushbu chegirma qo‘llanilishi to‘xtatiladi.

#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube

✔️🙂🙃😉😌😍
TALABALAR ISLOM SIVILIZATSIYASI MARKAZIDA

Toshkent to‘qimachilik va yengil sanoat institutining Dizayn va texnologiyalar fakultetida yangi o‘quv yilini boshlagan 1-bosqich talabalari ishtirokida ma'naviy-ma'rifiy tadbirlar ko‘tarinki ruhda davom etmoqda.

🗣O‘zbekiston Respublikasi davlat mustaqilligining 35 yilligi munosabati bilan “Yagona Vatan, yagona xalq bo‘lib, yangi hayot va kelajak yaratamiz!” shiori ostida o‘tkazilayotgan tadbirlar doirasida Dizayn va texnologiyalar fakulteti talabalari uchun Islom sivilizatsiyasi markaziga tashrif tashkil etildi.

⏺Tashrif davomida talabalar markazdagi tarixiy va madaniy merosimizga oid manbalar, noyob eksponatlar hamda islom sivilizatsiyasining ilm-fan va ma’rifat rivojidagi o‘rni bilan yaqindan tanishdilar.

#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube