✔️✅✅✅✅
“YOSHLARNI ESHITAMIZ” LOYIHASI RASMAN ISH BOSHLADI!

Bugun yoshlarning fikr va takliflarini tinglash, ularning tashabbuslarini qo‘llab-quvvatlash hamda ta’lim jarayonidagi muhim masalalarni ochiq muloqot orqali muhokama qilishga qaratilgan “Yoshlarni eshitamiz” loyihasining ochilish marosimi bo‘lib o‘tdi.

🗣Loyiha doirasida talabalar bilan ochiq muloqot va hamkorlikni yo‘lga qo‘yish, ularning murojaat va takliflarini o‘rganish, mavjud muammolarga birgalikda yechim topish hamda yoshlarning tashabbuslarini qo‘llab-quvvatlash ko‘zda tutilgan.

⏺Ochilish marosimida loyiha faoliyatining asosiy yo‘nalishlari yuzasidan fikr almashilib, jumladan:
- loyiha nizomi va faoliyat yo‘nalishlari;
- ekspertlar guruhi faoliyati;
- talabalar bilan muntazam uchrashuvlar tashkil etish;
- yoshlarning taklif va tashabbuslarini o‘rganish masalalari muhokama qilindi.

⏺“Yoshlarni eshitamiz” — yoshlarning fikri tinglanadigan, tashabbuslari qo‘llab-quvvatlanadigan va takliflari amaliy yechimlarga yo‘naltiriladigan ochiq muloqot maydoni.

💬2026–2027-o‘quv yilida loyiha faoliyati yanada keng qamrovda davom ettiriladi.

#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube

✔️⚖️⚖️⚖️⚖️⚖️⚖️⚖️
AXBOROT TEXNOLOGIYALARI ORQALI SODIR ETILAYOTGAN KIBERJINOYATLARNING OLDINI OLISH BO‘YICHA PROFILAKTIK TADBIR O‘TKAZILDI

Toshkent to‘qimachilik va yengil sanoat institutining Sanoat texnologiyalari va mexanika fakultetida talaba-yoshlar o‘rtasida axborot texnologiyalaridan foydalanish bilan bog‘liq jinoyatlar, xususan, kiberjinoyatlarning oldini olishga qaratilgan profilaktik tadbir o‘tkazildi.

🗣Tadbir davomida institutga biriktirilgan profilaktika inspektori Aziz Tadjibayev hamda fakultet dekanining o‘rinbosari Bahodir Bozorov tomonidan talabalarga mavzu yuzasidan tegishli ma’lumotlar yetkazildi.

⏺Suhbat davomida axborot texnologiyalaridan foydalanishda ehtiyotkorlikka rioya qilish, shaxsiy ma’lumotlarni himoya qilish, internet tarmog‘idagi turli xavf-xatarlardan ogoh bo‘lish hamda kiberjinoyatlarning oldini olish bo‘yicha zarur tavsiyalar berildi.

#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube

✔️✅✅✅✅
“7 TA USTUVOR YO‘NALISH”NING MAZMUN-MOHIYATI TALABA-YOSHLARGA TUSHUNTIRILDI

O‘zbekiston Respublikasi Prezidenti Shavkat Mirziyoyevning davlat mustaqilligining 35 yilligi bayram tadbiridagi ma’ruzasida belgilab berilgan 7 ta ustuvor yo‘nalishning mazmun-mohiyatini keng yoritish maqsadida hududlarda targ‘ibot tadbirlari izchil tashkil etib kelinmoqda.

🗣Navbatdagi targ‘ibot tadbiri Toshkent to‘qimachilik va yengil sanoat institutining Iqtisodiyot fakulteti talaba-yoshlari ishtirokida o‘tkazildi.

⏺Davra suhbatida institutning birinchi prorektori Baxtiyor Nasimov tomonidan davlatimiz rahbari ma’ruzasida belgilangan 7 ta ustuvor yo‘nalishning mazmun-mohiyati yuzasidan targ‘ibot-tushuntirish ishlari olib borildi.

⏺Xususan, yoshlarning mamlakatimizda amalga oshirilayotgan islohotlardagi ishtiroki, zamonaviy bilim va kasb-hunarlarni egallashi, tashabbuskor va faol bo‘lishi, bo‘sh vaqtini mazmunli tashkil etishi hamda jamiyat hayotida munosib o‘rin egallashi masalalariga alohida e’tibor qaratildi.

⏺Davra suhbati davomida talaba-yoshlar o‘zlarini qiziqtirgan masalalar yuzasidan fikr va mulohazalarini bildirib, mavzu doirasida o‘zaro fikr almashdilar.

#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube

✔️✅✅✅✅
IQTISODIYOT FAKULTETIDA KENGAYTIRILGAN YIG‘ILISH O‘TKAZILDI

Toshkent to‘qimachilik va yengil sanoat institutining Iqtisodiyot fakultetida yangi 2026/2027-o‘quv yilidagi ustuvor vazifalarni belgilashga bag‘ishlangan kengaytirilgan yig‘ilish bo‘lib o‘tdi.

🗣Yig‘ilishda fakultet dekani tomonidan yangi o‘quv yilida ta’lim jarayonini samarali tashkil etish, professor-o‘qituvchilarning mas’uliyatini yanada oshirish hamda talabalar bilan ishlash samaradorligini kuchaytirishga qaratilgan qator muhim vazifalar belgilab berildi. Xususan:

- Ijro intizomi va pedagogik mas’uliyat — professor-o‘qituvchilarning berilgan topshiriqlarni o‘z vaqtida va sifatli bajarishi, ijro intizomiga qat’iy rioya qilishi, xizmat va pedagogik odob-axloq me’yorlariga amal qilishi alohida ta’kidlandi.
- Birinchi bosqich talabalari bilan ishlash — 1-kurs talabalariga OTMning ichki tartib-qoidalari, Odob-axloq kodeksi, akademik intizom va talabalik mas’uliyati bo‘yicha muntazam tushuntirish va targ‘ibot ishlarini olib borish vazifalari belgilandi.
- Ta’lim sifatini ta’minlash — o‘quv mashg‘ulotlarini zamonaviy pedagogik yondashuvlar asosida, mazmunli va sifatli tashkil etish, dars jarayonining samaradorligini muntazam tahlil qilib borish zarurligi qayd etildi.
- O‘quv jarayonidagi muammolarni tizimli bartaraf etish — ta’lim jarayonida yuzaga kelayotgan muammolarni doimiy ravishda aniqlash, ularning sabablarini tahlil qilish va o‘z vaqtida tegishli choralarni ko‘rish bo‘yicha vazifalar belgilandi.
- Talabalarning bo‘sh vaqtini mazmunli tashkil etish — talabalarning darsdan tashqari vaqtini samarali tashkil etish, ularning ijtimoiy faolligi va jamoaviy muhitini mustahkamlash maqsadida TTJ – kafedra kunlarini tizimli ravishda tashkil etish masalasi muhokama qilindi.

⏺Yig‘ilish davomida belgilangan vazifalarning ijrosini ta’minlash, har bir yo‘nalish bo‘yicha mas’ullar faoliyatini muvofiqlashtirish hamda yangi o‘quv yilida ta’lim sifati, ijro intizomi va talabalar bilan ishlash samaradorligini yangi bosqichga olib chiqish yuzasidan tegishli topshiriqlar berildi.

#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube