✔️📰📰📰📰📰📰📰
TEX4FUTURE XALQARO LOYIHASINING YAKUNIY KONFERENSIYASI DOIRASIDA UCHRASHUV O‘TKAZILDI

Toshkent to‘qimachilik va yengil sanoat institutida “Ta’limni modernizatsiya qilish sharoitida zamonaviy mashinasozlik va muhandislik sohasida yuqori malakali kadrlar tayyorlash istiqbollari: xalqaro tajriba” mavzusidagi xalqaro ilmiy-amaliy konferensiya doirasida ishtirokchilarning uchrashuvi o‘tkazildi.

🗣Mazkur anjuman Erasmus+ Capacity Building in Higher Education dasturi doirasida amalga oshirilayotgan TEX4FUTURE – “Textile Manufacturing for the Future in Uzbekistan and Kazakhstan” xalqaro loyihasining yakuniy konferensiyasi hisoblanadi.

⏺Tadbir O‘zbekiston Respublikasi Oliy ta’lim, fan va innovatsiyalar vazirligi, Toshkent to‘qimachilik va yengil sanoat instituti, O‘zbekiston Respublikasi Savdo-sanoat palatasi hamda TEX4FUTURE xalqaro konsorsiumi tomonidan tashkil etildi.

⏺Konferensiya doirasida muhandislik ta’limi, sanoatni raqamli transformatsiya qilish, innovatsion texnologiyalar va xalqaro akademik hamkorlikni rivojlantirishning dolzarb masalalari muhokama qilindi. Unda oliy ta’lim muassasalari, ilmiy tashkilotlar, davlat idoralari, sanoat korxonalari hamda biznes vakillari ishtirok etdi.

⏺Konferensiyaning asosiy maqsadi TEX4FUTURE loyihasi doirasida amalga oshirilgan ishlar va erishilgan natijalarni sarhisob qilish, loyiha natijalarini keng targ‘ib etish, universitetlar va sanoat korxonalari o‘rtasidagi hamkorlikni mustahkamlash hamda iqtisodiyot va mehnat bozori talablariga mos amaliyotga yo‘naltirilgan muhandislik ta’limini rivojlantirishdan iborat.

⏺Bugungi kunda mazkur yo‘nalishlarning dolzarbligi sanoat va oliy ta’lim tizimida raqamli transformatsiya, Industriya 4.0 texnologiyalarini joriy etish, barqaror ishlab chiqarish va sirkulyar iqtisodiyot tamoyillarini keng tatbiq etish jarayonlari bilan chambarchas bog‘liq.

⏺Uchrashuv davomida konferensiyaning asosiy yo‘nalishlari bo‘yicha amalga oshirilayotgan ishlar muhokama qilindi. Jumladan:
- to‘qimachilik xomashyosini qayta ishlash;
- barqaror to‘qimachilik ishlab chiqarishi va sirkulyar iqtisodiyot;
-innovatsion materiallar va to‘qimachilik muhandisligi;
- fashion-dizayn;
- raqamli texnologiyalar va yengil sanoatda innovatsiyalar;
- amaliyotga yo‘naltirilgan muhandislik ta’limi;
- universitetlar va sanoat hamkorligi;
- dual ta’lim.

⏺Shuningdek, konferensiya doirasida xalqaro tajriba almashish, zamonaviy ilmiy va texnologik yutuqlarni muhokama qilish, TEX4FUTURE loyihasi natijalarini namoyish etish hamda universitetlar, sanoat korxonalari va xalqaro tashkilotlar o‘rtasida yangi hamkorlik yo‘nalishlarini rivojlantirish masalalariga e’tibor qaratildi.

#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube

✔️🟦🟦🟦🟦🟦
TEX4FUTURE XALQARO LOYIHASINING YAKUNIY KONFERENSIYASI BO‘LIB O‘TDI

Toshkent to‘qimachilik va yengil sanoat institutida Erasmus+ Capacity Building in Higher Education dasturi doirasida amalga oshirilayotgan TEX4FUTURE – “Textile Manufacturing for the Future in Uzbekistan and Kazakhstan” xalqaro loyihasining yakuniy konferensiyasi bo‘lib o‘tdi.

🗣“Ta’limni modernizatsiya qilish sharoitida zamonaviy mashinasozlik va muhandislik sohasida yuqori malakali kadrlar tayyorlash istiqbollari: xalqaro tajriba” mavzusidagi xalqaro ilmiy-amaliy konferensiya dasturidan plenar majlis, mavzuli seksiyalar, davra suhbatlari, TEX4FUTURE loyihasi natijalari taqdimoti, shuningdek, loyiha doirasida yaratilgan zamonaviy ta’lim dasturlari, ixtisoslashtirilgan laboratoriyalar va innovatsion uskunalar namoyishi o‘rin oldi.

⏺Konferensiyaning o‘ziga xos jihatlaridan biri TEX4FUTURE xalqaro konsorsiumining keng xalqaro tarkibi bo‘lib, u universitetlar, ilmiy tashkilotlar, tarmoq uyushmalari va biznes vakillarini birlashtiradi.

⏺Loyihaning Yevropa hamkorlari:
- Krit texnika universiteti — loyiha koordinatori;
- G‘arbiy Attika universiteti;
- CRETHIDEV;
- GURU SERVICES.BIZ (Gretsiya);
- Gheorghe Asachi nomidagi Yassi texnika universiteti (Ruminiya);
- Ege universiteti (Turkiya).

⏺O‘zbekiston Respublikasi hamkorlari:
- Toshkent to‘qimachilik va yengil sanoat instituti;
- Jizzax politexnika instituti;
- Farg‘ona davlat universiteti;
- Knowledge Triangle and Innovation kompaniyasi;
- O‘zbekiston Respublikasi Savdo-sanoat palatasi.

⏺Qozog‘iston Respublikasi hamkorlari:
- M.Auezov nomidagi Janubiy Qozog‘iston universiteti;
- M.H.Dulati nomidagi Taraz mintaqaviy universiteti;
- Qozog‘iston Respublikasi yengil sanoat korxonalari uyushmasi.

⏺TEX4FUTURE loyihasi muhandislik ta’limini modernizatsiya qilish, universitetlarning innovatsion infratuzilmasini rivojlantirish, oliygoh va sanoat o‘rtasidagi hamkorlikni mustahkamlash hamda to‘qimachilik va yengil sanoat uchun yuqori malakali mutaxassislar tayyorlashga qaratilgan Erasmus+ Capacity Building in Higher Education dasturidagi xalqaro loyihalardan biridir.

⏺Konferensiyada O‘zbekiston Respublikasi Oliy ta’lim, fan va innovatsiyalar vazirligi, O‘zbekistondagi Yevropa Ittifoqi Delegatsiyasi, O‘zbekistondagi Erasmus+ Milliy ofisi (NEO), xalqaro tashkilotlar, universitetlar rahbarlari, sanoat korxonalari vakillari, olimlar hamda biznes hamjamiyati vakillari ishtirok etdilar.

#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube

✔️✅✅✅✅
“MENING HUQUQIM BUZILGANDA”: TALABALAR BILAN HUQUQIY SAVODXONLIKKA QARATILGAN DAVRA SUHBATI O‘TKAZILDI

Toshkent to‘qimachilik va yengil sanoat instituti Qo‘shma ta’lim dasturlarini muvofiqlashtirish bo‘limi talabalari ishtirokida “Mening huquqim buzilganda” mavzusida huquqiy savodxonlikni oshirishga qaratilgan davra suhbati tashkil etildi.

🗣Tadbir davomida talabalarga o‘z huquq va qonuniy manfaatlarini bilish, huquq buzilishi holatlarida tegishli tartibda murojaat qilish hamda o‘z huquqlarini qonuniy asosda himoya qilish masalalari yuzasidan tushunchalar berildi.

⏺Shuningdek, yoshlarning huquqiy madaniyatini yuksaltirish, qonunlarga hurmat ruhini shakllantirish va kundalik hayotda huquqiy bilimlardan to‘g‘ri foydalanish masalalariga alohida e’tibor qaratildi.

#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube

✔️✅✅✅✅
TALABALAR ISHTIROKIDA JAZONI IJRO ETISH MUASSASASIGA TANISHUV TASHRIFI TASHKIL ETILDI

Toshkent to‘qimachilik va yengil sanoat instituti talabalari Toshkent shahri Yashnobod tumanida joylashgan 51-son manzil-koloniyaga tanishuv tashrifi doirasida olib borildi.

🗣Tashrifdan ko‘zlangan asosiy maqsad talabalarga huquqbuzarlik va jinoyatchilikning, xususan, giyohvandlik vositalari hamda psixotrop moddalar bilan bog‘liq jinoyatlarning inson hayoti va salomatligi, oila farovonligi hamda jamiyat barqarorligiga salbiy ta’siri haqida keng tushuncha berishdan iborat bo‘ldi.

⏺Tashrif davomida talabalarga jazoni ijro etish muassasalarining faoliyati, mahkumlarni saqlash va qayta tarbiyalash jarayonlari, jazoni o‘tash tartibi, shuningdek, mahkumlarni jamiyatga qayta moslashtirishga qaratilgan chora-tadbirlar haqida ma’lumot berildi.

⏺Yoshlar bilan o‘tkazilgan suhbatlarda huquqbuzarlikka olib kelishi mumkin bo‘lgan omillar, qonunlarga hurmat bilan munosabatda bo‘lish, shaxsiy mas’uliyat va huquqiy madaniyatning ahamiyatiga alohida e’tibor qaratildi.

⏺Ayniqsa, giyohvandlik vositalari va psixotrop moddalarni iste’mol qilish hamda ularning noqonuniy muomalasiga aralashish inson salomatligi, kelajagi, ta’lim olishi va mehnat faoliyatiga jiddiy salbiy ta’sir ko‘rsatishi, shuningdek, bunday holatlar qonunchilikda belgilangan javobgarlikka sabab bo‘lishi yuzasidan profilaktik tushuntirishlar olib borildi.

⏺Tashrif davomida talabalar o‘zlarini qiziqtirgan savollariga mutaxassislardan javob oldilar.

#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube