✔️✅✅✅✅
TALABALAR ISHTIROKIDA JAZONI IJRO ETISH MUASSASASIGA TANISHUV TASHRIFI TASHKIL ETILDI

Toshkent to‘qimachilik va yengil sanoat instituti talabalari Toshkent shahri Yashnobod tumanida joylashgan 51-son manzil-koloniyaga tanishuv tashrifi doirasida olib borildi.

🗣Tashrifdan ko‘zlangan asosiy maqsad talabalarga huquqbuzarlik va jinoyatchilikning, xususan, giyohvandlik vositalari hamda psixotrop moddalar bilan bog‘liq jinoyatlarning inson hayoti va salomatligi, oila farovonligi hamda jamiyat barqarorligiga salbiy ta’siri haqida keng tushuncha berishdan iborat bo‘ldi.

⏺Tashrif davomida talabalarga jazoni ijro etish muassasalarining faoliyati, mahkumlarni saqlash va qayta tarbiyalash jarayonlari, jazoni o‘tash tartibi, shuningdek, mahkumlarni jamiyatga qayta moslashtirishga qaratilgan chora-tadbirlar haqida ma’lumot berildi.

⏺Yoshlar bilan o‘tkazilgan suhbatlarda huquqbuzarlikka olib kelishi mumkin bo‘lgan omillar, qonunlarga hurmat bilan munosabatda bo‘lish, shaxsiy mas’uliyat va huquqiy madaniyatning ahamiyatiga alohida e’tibor qaratildi.

⏺Ayniqsa, giyohvandlik vositalari va psixotrop moddalarni iste’mol qilish hamda ularning noqonuniy muomalasiga aralashish inson salomatligi, kelajagi, ta’lim olishi va mehnat faoliyatiga jiddiy salbiy ta’sir ko‘rsatishi, shuningdek, bunday holatlar qonunchilikda belgilangan javobgarlikka sabab bo‘lishi yuzasidan profilaktik tushuntirishlar olib borildi.

⏺Tashrif davomida talabalar o‘zlarini qiziqtirgan savollariga mutaxassislardan javob oldilar.

#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube

✔️🟦🟦🟦
“BUYUK ISTIQLOLIMIZNING UCH MING YILLIK ILDIZLARI” MAVZUSIDA INSHOLAR TANLOVI O‘TKAZILDI

O‘zbekiston Respublikasi davlat mustaqilligining 35 yilligi munosabati bilan “Yagona Vatan, yagona xalq bo‘lib, yangi hayot va kelajak yaratamiz!” shiori ostida Toshkent to‘qimachilik va yengil sanoat institutida turli tanlov va tadbirlar tashkil etilmoqda.

🗣Talaba-yoshlar o‘rtasida “Buyuk istiqlolimizning uch ming yillik ildizlari” mavzusida insholar tanlovi o‘tkazildi. Unda talaba-yoshlar Vatanimizning boy tarixi, milliy qadriyatlar, ajdodlar merosi hamda mustaqillik g‘oyalariga oid fikr va mulohazalarini ijodiy ishlar orqali ifoda etdilar.

⏺Jarayonda ishtirokchilarning ijodiy yondashuvi, mavzuni yoritish darajasi, tarixiy va ma’naviy qarashlarni ifodalash mahoratiga alohida e’tibor qaratildi.

⏺Mazkur tanlov talaba-yoshlarning tarixiy xotirasi va milliy qadriyatlarga bo‘lgan hurmatini yanada mustahkamlash, ularning ijodiy salohiyatini namoyon etish uchun imkoniyat yaratdi.

#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube