TTYSI • TITLI • ТИТЛП

✔️

✅

DOKTORANTLARINING NAVBATDAGI ILMIY SEMINARI O‘TKAZILDI

Toshkent to‘qimachilik va yengil sanoat institutida doktorant va mustaqil izlanuvchilarning ilmiy faoliyatini maqsadli tashkil etish va baholash maqsadida muntazam ilmiy seminarlar o‘tkazib kelinmoqda.

🗣Mazkur seminarlar Institutning Ilmiy tadqiqotlar, innovatsiyalar va ilmiy-pedagogik kadrlar tayyorlash bo‘limi tomonidan ishlab chiqilgan reja asosida har hafta juma kuni soat 12:00 da tashkil etiladi.

⏺

Bugun navbatdagi ilmiy seminar bo‘lib o‘tdi. Seminarni institutning ilmiy ishlar va innovatsiyalar bo‘yicha prorektori, professor Nodir Mirzayev ochib berdi.

⏺Seminarda institutning 3-bosqich tayanch doktoranti Sarvinoz Saparovaning “Aralash va ikki qatlamli trikotaj to‘g‘ridan-to‘g‘ri olish jarayonini ta’minlash” mavzusidagi dissertatsiya ishi bo‘yicha taqdimoti tinglandi.

⏺Taqdimot davomida dissertatsiya ishining maqsad va vazifalari, mavzuning dolzarbligi hamda ilmiy yangiligi haqida batafsil ma’lumot berildi. Shuningdek, trikotaj mashinalarining mavjud holati va turlari, ularning imkoniyatlaridan samarali foydalanish, mavjud muammolar hamda mexanizmlarni takomillashtirish zarurati yuzasidan olib borilayotgan tadqiqotlar haqida so‘z yuritildi.

⏺Bundan tashqari, dissertatsiya doirasida amalga oshirilayotgan nazariy va amaliy tadqiqotlarning borishi, dastlabki natijalar hamda kelgusida bajarilishi rejalashtirilgan ishlar taqdim etildi.

⏺Taqdimot yakunida doktorant va mustaqil izlanuvchilar tomonidan tadqiqot mavzusining mazmun-mohiyati, qo‘llanilayotgan tadqiqot usullari, ilmiy yangiliklarning ahamiyati hamda olingan natijalar yuzasidan savollar berildi. Savollarga atroflicha va asoslangan javoblar taqdim etildi.

⏺Seminarning navbatdagi qismida institutning 3-bosqich tayanch doktoranti Abduraxmonov Azizjon Abdulaziz o‘g‘lining “Murakkab o‘rilishli gilam ishlab chiqarish texnologiyasini takomillashtirish” mavzusidagi dissertatsiya ishi bo‘yicha taqdimoti tinglandi.

⏺Unda tadqiqotning asosiy maqsadi va vazifalari, mavzuning dolzarbligi va ilmiy-amaliy ahamiyati, shuningdek, gilam ishlab chiqarish sanoatida qo‘llanilayotgan texnologiyalarning mavjud holati hamda amaliyotda uchrayotgan muammolar haqida ma’lumot berildi.

⏺Shuningdek, doktorant tomonidan dissertatsiya doirasida taklif etilayotgan termogilam ishlab chiqarish texnologiyasi va uning texnologik xususiyatlari, ishlab chiqarishda qo‘llaniladigan materiallarning xususiyatlari, mahsulot sifati va funksional ko‘rsatkichlarini yaxshilashga qaratilgan yondashuvlar yuzasidan batafsil tushuntirishlar berildi.

⏺Tadqiqot jarayonida qo‘llanilayotgan usullar, olib borilayotgan tajriba-sinov ishlari, dastlabki natijalar va ularning amaliy ahamiyati ham seminar ishtirokchilariga taqdim etildi. Taqdimot yakunida tadqiqot mavzusi, xomashyo turlari, ipning sifat ko‘rsatkichlari, ishlab chiqarish texnologiyasi va olingan natijalar yuzasidan savol-javoblar o‘tkazildi.

⏺Seminar davomida doktorantlar va mustaqil izlanuvchilar o‘zlarini qiziqtirgan masalalar yuzasidan fikr almashib, dissertatsiya tadqiqotlarini takomillashtirishga doir zarur ma’lumotlarga ega bo‘ldilar.

💬

Ma’lumot o‘rnida: Ayni paytda institutda 91 nafar doktorant va 109 nafar mustaqil izlanuvchi ilmiy faoliyat olib bormoqda. Ular tomonidan turli ilmiy yo‘nalishlarda dissertatsiya tadqiqotlari olib borilib, to‘qimachilik va yengil sanoat rivoji uchun muhim bo‘lgan ilmiy va amaliy masalalar tadqiq etilmoqda.

#TTYSI #TITLI #ТИТЛП

🌍

Instagram |Web-site|Facebook|YouTube

Please open Telegram to view this post