MUHTARAM USTOZ VA MURABBIYLAR!

Sizlarni 1-oktabr — O‘qituvchi va murabbiylar kuni bilan chin qalbimdan samimiy muborakbod etaman!

Ustoz — inson hayotiga yo‘l ko‘rsatuvchi, qalbiga ilm va ma’rifat nurini singdiruvchi, kelajak avlodning kamol topishiga beqiyos hissa qo‘shuvchi ulug‘ zotdir. Zero, har qanday taraqqiyot va yuksalishning mustahkam poydevori, avvalo, bilim, ta’lim va tarbiyaga borib taqaladi.

Bugun mamlakatimizda ta’lim va ilm-fan sohasiga qaratilayotgan yuksak e’tibor, oliy ta’lim tizimida amalga oshirilayotgan keng ko‘lamli islohotlar professor-o‘qituvchilarimiz zimmasiga yanada katta mas’uliyat yuklamoqda. Yoshlarni zamonaviy bilim va kasbiy ko‘nikmalar bilan qurollantirish, ularni mustaqil fikrlaydigan, vatanparvar va raqobatbardosh mutaxassislar etib tarbiyalash yo‘lidagi fidokorona mehnatingiz har qanday e’tirofga munosib.

Ayniqsa, Toshkent to‘qimachilik va yengil sanoat institutining ko‘p yillik ilmiy-pedagogik an’analari, salohiyatli professor-o‘qituvchilari va iste’dodli yoshlari bilan mamlakatimizning to‘qimachilik va yengil sanoat sohasi rivojiga munosib hissa qo‘shib kelayotgani barchamiz uchun faxrdir.

Aziz ustozlar!
Sizlarning ilmiy izlanishlaringiz, boy tajribangiz, kasbiy mahoratingiz va yosh avlodga berayotgan e’tiboringiz institutimizning bugungi taraqqiyoti va ertangi yutuqlarining muhim omilidir. Har bir shogirdingizning yutug‘i, kasbiy muvaffaqiyati va Vatan ravnaqiga qo‘shayotgan hissasi — sizning mehnatingiz samarasidir.

Ishonchim komilki, sizlarning bilim va tajribangiz, yangilikka intilishingiz hamda kasbingizga bo‘lgan sadoqatingiz kelajak avlodni tarbiyalashdek sharafli yo‘lda bundan buyon ham muhim ahamiyat kasb etadi.

Fursatdan foydalanib, barcha professor-o‘qituvchilar va murabbiylarga mustahkam sog‘liq, oilaviy xotirjamlik, qalb xotirjamligi, ilmiy-pedagogik faoliyatlarida ulkan muvaffaqiyatlar va yangi marralar tilayman.

Har bir kuningiz shogirdlaringiz yutug‘idan quvonch, mehnatingiz natijasidan faxr bilan o‘tsin!

O‘qituvchi va murabbiylar kuni muborak bo‘lsin!

Hurmat bilan,
Davron Vaxabov - Toshkent to‘qimachilik va yengil sanoat instituti rektori

#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube

🌿🇺🇿 Juma — Milliy qadriyatlar va ma’naviyat kuni (Roots & Pride)
✨ Milliy qadriyatlar – millat ko‘zgusi!

📅 Har juma kuni institutimizda o‘tkaziladigan an’anaviy Milliy qadriyat kuni doirasida
🏛 Iqtisodiyot fakulteti talabalari tashabbusi bilan
🎉 “Milliy qadriyat” tanloviga START berildi!

🎯 Tanlovdan maqsad – milliy urf-odatlarimiz, qadriyatlarimiz va boy madaniy merosimizni targ‘ib qilish, yoshlar qalbida milliylik va vatanparvarlik tuyg‘ularini yanada mustahkamlashdir

🤝 Qadriyatlarimizni asraylik!
🌿 An’analarimizni davom ettiraylik!
😀 Milliyligimizni faxr bilan namoyon etaylik!

Rasmiy sahifalarimiz 👇

📱Telegram | 📱Instagram | 📱Facebook

🌱 Jarayon - “EKOSTIPENDIYA” tanlovi doirasida talabalarning taqdimoti.

👌 YOSHLAR AKADEMIYASI ILM-FAN SOHASIGA O‘Z HISSANGNI QO‘SH
🚀Telegram 📷Instagram

✔️🟦🟦🟦🟦🟦
“BESH TASHABBUS OLIMPIADASI” START OLDI!

Talabalar o‘rtasida “Besh tashabbus olimpiadasi” doirasidagi sport musobaqalari 2-oktabrdan start oladi.

⏺Musobaqalar bir necha bosqichda tashkil etiladi:
- 1-bosqich: 2–12-oktabr — guruhlararo va fakultet birinchiligi
- 2-bosqich: 19–31-oktabr — fakultetlararo institut birinchiligi
- 3-bosqich: 9–14-noyabr — OTMlararo hudud birinchiligi
- 4-bosqich: noyabr oyining ikkinchi yarmi — Respublika birinchiligi

🏐 Voleybol — jamoaviy ruh va hamjihatlik sinovi
🏓 Stol tennisi — tezkorlik va aniqlik bahsi
⚽️ Futbol — kuch, mahorat va jamoaviylik maydoni
🏃 Yengil atletika — iroda, chidamlilik va tezlik mezoni
🏀 Stritbol — chaqqonlik va jismoniy tayyorgarlik bellashuvi
🔥 Endi maydonlarda haqiqiy sport ruhi hukm suradi!

⏺“Besh tashabbus olimpiadasi” talaba-yoshlar uchun nafaqat o‘z sport mahoratini namoyish etish, balki sog‘lom turmush tarzini targ‘ib qilish, jamoaviylikni mustahkamlash va yangi iqtidorlarni kashf etish uchun muhim imkoniyatdir.

💬Aziz talabalar, o‘z fakultetingiz sharafini himoya qiling va g‘alaba sari dadil qadam tashlang!

#BESH_TASHABBUS
#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube

✔️🟦🟦🟦
DUAL TA’LIMDA TALABALAR UCHUN YANGI IMKONIYATLAR YARATILADI

Oliy ta’limda dual ta’lim tizimini yanada takomillashtirish, talabalar uchun qo‘shimcha imkoniyatlar yaratish hamda ta’lim va ishlab chiqarish integratsiyasini kuchaytirishga qaratilgan yangi chora-tadbirlar belgilandi.

🗣Prezidentning 2026-yil 29-sentyabrdagi PF–209-son “Oliy ta’limda dual ta’lim shaklida kadrlar tayyorlash tizimini takomillashtirish chora-tadbirlari to‘g‘risida”gi Farmoni bilan dual ta’limni rivojlantirishning yangi mexanizmlari belgilandi.

⏺Farmonga ko‘ra, dual ta’lim shaklida tahsil olayotgan Ijtimoiy reyestrga kiritilgan talabalarga ijtimoiy stipendiya to‘lanadi.

⏺Shuningdek, muhandislik ishi, ishlab chiqarish va ishlov berish, arxitektura va qurilish, qishloq xo‘jaligi ta’lim sohalarida dual ta’limda tahsil olayotgan talabalar uchun o‘qishni 2-kursdan boshlab davlat granti kvotalari doirasida davom ettirish imkoniyati yaratiladi.

⏺Bundan tashqari, talabaning dual ta’limda tahsil olgan davri umumiy mehnat stajini hisoblashda inobatga olinadi.

⏺2027-yil 1-yanvardan dual ta’lim bo‘yicha kadrlar tayyorlash istagini bildirgan korxonalar uchun talabalarga biriktiriladigan murabbiylarni tayyorlash bo‘yicha maxsus kurslar tashkil etiladi. Bunda:
- 30 nafar professor-o‘qituvchi va mentorning malakasi xorijiy davlatlarda oshiriladi;
- maxsus kursni tamomlagan, bakalavr darajasiga ega murabbiylar OTMlarga pedagog sifatida soatbay asosda jalb qilinadi;
bir nafar murabbiyga 15 nafargacha talaba biriktiriladi;
- har bir talaba uchun bir o‘quv yiliga 30 soatlik ish hajmi belgilanadi;
- murabbiylarni maxsus kurslarda o‘qitish xarajatlari Davlat budjeti mablag‘lari hisobidan qoplanadi.

⏺2027/2028-o‘quv yili yakunidan boshlab dual ta’lim bo‘yicha OTM va buyurtmachi korxonalarning samaradorlik reytingi yuritiladi.

⏺Eng yuqori natija koʻrsatgan 3 tadan OTM va korxonalar reytingdagi oʻrniga mos ravishda 1, 2, 3 milliard soʻmdan ragʻbatlantiriladi.

💬Yangi mexanizmlar dual ta’limda talaba, oliy ta’lim muassasasi va ish beruvchi o‘rtasidagi hamkorlikni yanada kuchaytirishga qaratilgan.

#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube