✔️🟦🟦🟦
O‘QUV MASHG‘ULOTLARI VAQTLARIGA KIRITILGAN O‘ZGARTIRISHGA IZOH

Toshkent to‘qimachilik va yengil sanoat institutida o‘quv jarayonini yanada samarali tashkil etish maqsadida o‘quv mashg‘ulotlari davom etish vaqtlariga o‘zgartirishlar kiritildi.

🗣Mazkur o‘zgarishga bir qator holatlar asos bo‘ldi. Jumladan, Toshkent shahrida joylashgan oliy ta’lim muassasalarida dars mashg‘ulotlarining soat 08:00 da boshlanishi natijasida ko‘plab talaba-yoshlardan ertalabki vaqt, xususan, nonushta uchun ko‘proq vaqt zarurligi yuzasidan murojaatlar kelib tushdi.

⏺Shuningdek, institutda ta’lim sifatini ta’minlash, professor-o‘qituvchilarning navbatdagi mashg‘ulotlarga puxta tayyorgarlik ko‘rishi uchun zarur vaqtni yaratish ham muhim omillardan biri sifatida inobatga olindi.

⏺Bundan tashqari, institutda o‘tkazilishi rejalashtirilayotgan ma’naviy-ma’rifiy tadbirlarni o‘quv mashg‘ulotlariga xalaqit bermagan holda tashkil etish maqsadida dars vaqtlarini qayta ko‘rib chiqish zarurati yuzaga keldi.

⏺Mazkur o‘zgarishlar o‘quv jarayonini vaqt jihatidan yanada maqbul tashkil etish, professor-o‘qituvchilar va talabalar uchun zarur sharoitlarni yaratish hamda institutdagi ta’limiy va ma’naviy-ma’rifiy faoliyatni uyg‘unlashtirishga qaratilgan.

⏺O‘tgan o‘quv yilida dars mashg‘ulotlari soat 08:30 da boshlanib, 3-juftlik 13:30 da yakunlangan. Ushbu tartibda katta tanaffus 50 daqiqani tashkil etgan.

⏺Amaldagi (hozirgi) tartibda esa dars mashg‘ulotlari soat 08:00 da boshlanadi va 3-juftlik 13:20 da yakunlanadi.

⏺Shunday qilib, darslar 30 daqiqa ertaroq boshlanayotgan bo‘lsa-da, 3-juftlikning yakunlanish vaqti o‘tgan o‘quv yiliga nisbatan atigi 10 daqiqaga oldinga surilgan.

💬Bu esa o‘quv mashg‘ulotlari vaqtini oqilona taqsimlash, katta tanaffusdan samarali foydalanish, professor-o‘qituvchilarning keyingi mashg‘ulotlarga tayyorgarlik ko‘rishi hamda talaba-yoshlar uchun zarur sharoitlarni yaratish imkonini beradi.

#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube

🌍🌍🌍🌍🌍🌍

HURMATLI TALABALAR VA YOSH TADQIQOTCHILAR!

✔️ Institutimizning Iqtisodiyot fakulteti innovatsion g‘oyalarni qo‘llab-quvvatlash maqsadida haftaning har seshanba kuni an’anaviy tarzda «Start-Up loyihalar taqdimoti» kunini e’lon qiladi.

📎 Shu munosabat bilan, 6-oktabr kuni barcha qiziquvchilar uchun «Start-Up o‘zi nima?» mavzusida seminar tashkil etilmoqda.
Sana: 6-oktabr
⏰ Vaqti: Soat 11:00 da
📌 Manzil : 1-o‘quv binosi, 222-xona

🔗 Ishtirok etish uchun havola:
📱 @im_musallam

Ushbu seminar innovatsion tadbirkorlikka qiziquvchi barcha yoshlar uchun o‘z loyihalarini yo‘lga qo‘yish va zaruriy bilimlarni egallashda muhim platforma bo‘lib xizmat qiladi.

📣 Barchani taklif etib qolamiz!

Rasmiy sahifalarimiz 👇

📱Telegram | 📱Instagram | 📱Facebook