✔️🟦🟦🟦
TALABALAR BILAN OCHIQ MULOQOT O‘TKAZILDI

Toshkent to‘qimachilik va yengil sanoat instituti birinchi prorektori Baxtiyor Nasimov Talabalar turar joyida istiqomat qilayotgan bir guruh talaba-yoshlar bilan davra suhbati o‘tkazdi.

🗣Muloqot davomida talabalarning yashash sharoitlari, mavjud muammo va takliflari tinglandi. Yoshlarni har tomonlama qo‘llab-quvvatlash, ularning murojaatlarini belgilangan tartibda ko‘rib chiqish hamda Talabalar turar joyida qo‘shimcha qulayliklar yaratish masalalari muhokama qilindi.

⏺Bildirilgan takliflar asosida tegishli chora-tadbirlarni belgilash, talabalarni qiynayotgan masalalarni hal etish va ularning yashash sharoitlarini yanada yaxshilash bo‘yicha vazifalar belgilab olindi.

💬Talabalar bilan muntazam muloqot qilish, ularning fikr va tashabbuslarini qo‘llab-quvvatlash institut faoliyatining muhim yo‘nalishlaridan biridir.

✔️‼️‼️‼️✅✅✅✅
TALABALAR TURAR JOYIDA KUZ-QISH MAVSUMIGA TAYYORGARLIK ISHLARI O‘RGANILDI

Toshkent to‘qimachilik va yengil sanoat instituti birinchi prorektori Baxtiyor Nasimov Talabalar turar joyida kuz-qish mavsumiga tayyorgarlik ko‘rish hamda bu boradagi ishlarni sifatli tashkil etish yuzasidan avval berilgan topshiriqlar ijrosini ko‘zdan kechirdi.

🗣O‘rganish davomida talabalar turar joyidagi isitish tizimining uzluksiz ishlashini ta’minlash, mavjud sharoitlarni yaxshilash va mavsumga tayyorgarlik bilan bog‘liq masalalar joyida ko‘rib chiqildi.

⏺Shuningdek, aniqlangan masalalar yuzasidan mas’ullarga tegishli ko‘rsatmalar berildi.