✔️🟦🟦🟦
DUAL TA’LIM SAMARADORLIGI VA NATIJADORLIGINI OSHIRISH YUZASIDAN SEMINAR BO'LIB O'TDI

Toshkent to‘qimachilik va yengil sanoat instituti Iqtisodiyot fakultetining professor-o‘qituvchilari ishtirokida dual ta’lim tizimini samarali tashkil etish, belgilangan vazifalar ijrosini ta’minlash hamda natijadorlikni aniq mezonlar asosida baholash masalalariga bag‘ishlangan seminar bo‘lib o‘tdi.

🗣Seminarda O‘zbekiston Respublikasi Prezidentining 2026-yil 29-sentabrdagi “Oliy ta’limda dual ta’lim shaklida kadrlar tayyorlash tizimini takomillashtirish chora-tadbirlari to‘g‘risida”gi PF-209-son Farmoni ijrosini ta’minlash, ta’lim jarayonini ishlab chiqarish bilan integratsiyalash hamda ish beruvchilar bilan hamkorlikni yangi bosqichga olib chiqish masalalari muhokama qilindi.

⏺Unda institut O‘quv bo‘limi boshlig‘i Sharofiddin Mamatmurodov, Ta’lim sifati nazorati bo‘limi boshlig‘i Tohir Murodov, Marketing bo‘limi boshlig‘i Xamid Hazratqulov, Komplayens nazorat bo‘limi boshlig‘i Botir Malikov hamda Iqtisodiyot fakulteti dekani Gulasal Madraximova ishtirok etdilar.

⏺Muhokamalar davomida dual ta’lim samaradorligini belgilovchi ustuvor yo‘nalishlar va natijadorlik ko‘rsatkichlariga alohida e’tibor qaratildi. Jumladan, professor-o‘qituvchilarning mas’uliyatini oshirish, korxonalar bilan hamkorlikni mustahkamlash va kadrlar tayyorlash jarayonini real ishlab chiqarish ehtiyojlariga moslashtirish bo‘yicha vazifalar belgilandi.

⏺Dual ta’lim natijadorligini baholashda quyidagi mezonlar muhim ahamiyat kasb etishi ta’kidlandi:

- dual ta’limga jalb qilingan korxonalar soni va hamkorlik samaradorligi;
- korxonalar tomonidan bildirilgan kadrlarga buyurtmalar hamda korxonalarga biriktirilgan talabalar soni;
- professor-o‘qituvchilar va korxona murabbiylarining kasbiy hamda amaliy kompetensiyalarini rivojlantirish;
- ish beruvchilar buyurtmalari asosida tayyorlangan bitiruv ishlari va ilmiy ishlanmalar;
- ilmiy ishlanmalar va innovatsion yechimlarni ishlab chiqarishga joriy etish natijalari;
- bitiruvchilarning hamkor korxonalarda ishga joylashish ko‘rsatkichlari.

⏺Shuningdek, belgilangan vazifalar ijrosini tizimli nazorat qilish, mas’ullar faoliyatini aniq ko‘rsatkichlar asosida tahlil etish va erishilgan natijalarni muntazam muhokama qilib borish zarurligi qayd etildi.

#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube

✔️🟦🟦🟦
KITOBXON TALABALAR ISHTIROKIDA DAVRA SUHBATI O‘TKAZILDI

Toshkent to‘qimachilik va yengil sanoat instituti Iqtisodiyot fakultetida Dushanba — Kitobxonlik va ilm-ma’rifat kuni munosabati bilan kitobxon talabalar ishtirokida davra suhbati tashkil etildi.

🗣Suhbatda fakultet dekani Gulasal Madraximova ishtirok etib, kitob mutolaasining inson tafakkurini rivojlantirishdagi o‘rni, yoshlarning ma’naviy dunyoqarashini kengaytirish, ilm olishga bo‘lgan qiziqishini oshirish hamda kitobxonlik madaniyatini shakllantirish masalalari yuzasidan fikr almashdi.

⏺Shuningdek, talabalar o‘zlari mutolaa qilgan asarlar, sevimli adiblari va kitobxonlik borasidagi taassurotlari bilan o‘rtoqlashdilar.

⏺Bunday uchrashuvlar talaba-yoshlarning bilimga intilishini kuchaytirish, mutolaa madaniyatini rivojlantirish hamda ularning ma’naviy kamolotini yuksaltirishda muhim ahamiyat kasb etadi.

#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube