✔️🟦🟦🟦
FAOL TALABA KOORDINATORLAR TAQDIRLANDI!

Toshkent to‘qimachilik va yengil sanoat instituti Iqtisodiyot fakultetida faol talaba koordinatorlarning saylovoldi hisobot yig‘ilishi bo‘lib o‘tdi.

Yig‘ilish davomida talaba koordinatorlar tomonidan amalga oshirilgan ishlar, ilgari surilgan tashabbuslar hamda fakultet hayotidagi faol ishtiroki sarhisob qilindi.

Fakultet rivojiga munosib hissa qo‘shib kelayotgan, mas’uliyat va tashabbuskorlik namunasini ko‘rsatgan faol koordinatorlar e’tirof etilib, taqdirlandilar.

Bunday e’tirof talaba-yoshlarni yanada faol bo‘lishga, yangi g‘oyalar bilan tashabbus ko‘rsatishga hamda fakultet hayotida faol ishtirok etishga undaydi.

#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube

✔️🟦🟦🟦
IQTIDOR VA ZUKKOLIK SINOVI: “ZAKOVAT QUIZ” O‘TKAZILDI

Toshkent to‘qimachilik va yengil sanoat instituti Iqtisodiyot fakulteti tomonidan talaba-yoshlarning intellektual salohiyatini oshirish, mantiqiy fikrlash qobiliyatini rivojlantirish hamda bilimlarini sinovdan o‘tkazish maqsadida “Zakovat Quiz” intellektual o'yini tashkil etildi.

Jarayonda ishtirokchilar o‘z bilimlari, tezkor fikrlash qobiliyati, zukkoligi va topqirliklarini namoyon etdilar. Qiziqarli savollar va murosasiz bellashuv jarayoni talabalarga ko‘tarinki kayfiyat hamda unutilmas taassurotlar ulashdi.

Bunday intellektual loyihalar talaba-yoshlarning bilim olishga bo‘lgan qiziqishini oshirish, jamoaviy ishlash ko‘nikmalarini rivojlantirish va talabalar o‘rtasida sog‘lom raqobat muhitini shakllantirishga qaratilgan.

#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube

✔️✅✅✅✅
TINGLOVCHILAR AXBOROT-RESURS MARKAZI FAOLIYATI BILAN TANISHDILAR

Toshkent to‘qimachilik va yengil sanoat instituti huzuridagi Pedagog kadrlarni qayta tayyorlash va malakasini oshirish tarmoq markazi tinglovchilari institut Axborot-resurs markazi faoliyati va uning imkoniyatlari bilan yaqindan tanishdilar.

Tanishuv davomida Axborot-resurs markazi direktori Regina Garibyan tinglovchilarga markazning tuzilishi, o‘quv, ilmiy va badiiy adabiyotlar fondi, xorijiy nashrlar bo‘limi, o‘quv zallari hamda foydalanuvchilar uchun yaratilgan imkoniyatlar haqida batafsil ma’lumot berdi.

Shuningdek, elektron katalog orqali zarur adabiyotlarni izlash va buyurtma qilish, xalqaro ilmiy bazalardan foydalanish imkoniyatlari tushuntirildi.

Tinglovchilar o‘zlarini qiziqtirgan savollarga javob olib, Axborot-resurs markazining ilmiy izlanishlar, kasbiy rivojlanish va mustaqil ta’lim olishdagi imkoniyatlari haqida foydali ma’lumotlarga ega bo‘ldilar.

#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube