✔️‼️‼️‼️✅✅✅✅
TALABALARNING YASHASH SHAROITLARI O‘RGANILIB, MUAMMOLARGA YECHIM BELGILANDI

Toshkent to‘qimachilik va yengil sanoat institutida talaba-yoshlarni qo‘llab-quvvatlash, ularning yashash sharoitlarini yaxshilash va mavjud muammolarini o‘z vaqtida aniqlash maqsadida ijara xonadonlariga manzilli tashriflar davom etmoqda.

Navbatdagi tashrif Dizayn va texnologiyalar fakultetida tahsil olayotgan, ijara xonadonlarida istiqomat qiluvchi talabalar yashash manzilida tashkil etildi. Unda institut prorektori Nodir Mirzayev hamda mas’ul xodimlar ishtirok etdilar.

Tashrif davomida talabalarning yashash sharoitlari o‘rganilib, ularning kundalik turmushi va mavjud muammolari yuzasidan fikr almashildi. Talabalar uchun qulay va xavfsiz yashash muhitini yaratish, ularning ta’lim olishi uchun zarur sharoitlarni ta’minlash masalalariga alohida e’tibor qaratildi.

O‘rganishlar natijasida yashash manzili uzoqda joylashgan ikki nafar talabani o‘qish joyiga yaqinroq hududga ko‘chirish choralarini ko‘rish belgilandi.

Institutda talabalarning murojaatlarini o‘rganish, ularni qiynayotgan masalalarga amaliy yechim topish va yoshlarni har tomonlama qo‘llab-quvvatlashga qaratilgan ishlar izchil davom ettirilmoqda.

#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube

✔️🟦🟦🟦
TADBIRKORLIK VA SHAXSIY BREND: YOSHLAR UCHUN OCHIQ MULOQOT

Toshkent to‘qimachilik va yengil sanoat institutida Payshanba — Yoshlar kuni doirasida tadbirkorlikka qiziquvchi, o‘z biznesini yo‘lga qo‘yish va shaxsiy brendini yaratish istagidagi talaba-yoshlar uchun ochiq muloqot tashkil etildi.

Uchrashuvga Fratelli Casa kiyim brendi asoschisi Sherzod Qayumov taklif etildi. Unda institut prorektorlari, fakultet dekanlari va boshqa mas’ul xodimlar ham ishtirok etdilar.

Muloqot davomida tadbirkorlik faoliyatini yo‘lga qo‘yish, shaxsiy brend yaratish, biznesni rivojlantirish hamda muvaffaqiyat sari dastlabki qadamlarni tashlash borasida fikr almashildi. Mehmon o‘z tajribasi bilan o‘rtoqlashib, yoshlarni qiziqtirgan savollarga javob berdi.

Uchrashuv talabalarning tadbirkorlik sohasidagi bilimlarini kengaytirish, yangi g‘oyalarini rivojlantirish va biznesga oid amaliy tajribalarni o‘rganishlari uchun imkoniyat yaratdi.

Bunday ochiq muloqotlar yoshlarning tashabbuslarini qo‘llab-quvvatlash, ularning tadbirkorlikka bo‘lgan qiziqishini oshirish hamda yangi loyihalarni amalga oshirishga rag‘batlantirishga qaratilgan.

#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube

✔️🟦🟦🟦
DUAL TA’LIM SAMARADORLIGI VA NATIJADORLIGINI OSHIRISH YUZASIDAN SEMINAR BO'LIB O'TDI

Toshkent to‘qimachilik va yengil sanoat instituti Sanoat texnologiyalari va mexanika fakulteti fakultetining professor-o‘qituvchilari ishtirokida dual ta’lim tizimini samarali tashkil etish, belgilangan vazifalar ijrosini ta’minlash hamda natijadorlikni aniq mezonlar asosida baholash masalalariga bag‘ishlangan seminar bo‘lib o‘tdi.

Seminarda O‘zbekiston Respublikasi Prezidentining 2026-yil 29-sentabrdagi “Oliy ta’limda dual ta’lim shaklida kadrlar tayyorlash tizimini takomillashtirish chora-tadbirlari to‘g‘risida”gi PF-209-son Farmoni ijrosini ta’minlash, ta’lim jarayonini ishlab chiqarish bilan integratsiyalash hamda ish beruvchilar bilan hamkorlikni yangi bosqichga olib chiqish masalalari muhokama qilindi.

Unda institut O‘quv bo‘limi boshlig‘i Sharofiddin Mamatmurodov, Ta’lim sifati nazorati bo‘limi boshlig‘i Tohir Murodov, Marketing bo‘limi boshlig‘i Xamid Hazratqulov, Komplayens nazorat bo‘limi boshlig‘i Botir Malikov hamda Sanoat texnologiyalari va mexanika fakulteti dekani Sarvarjon Patxullayev ishtirok etdilar.

Muhokamalar davomida dual ta’lim samaradorligini belgilovchi ustuvor yo‘nalishlar va natijadorlik ko‘rsatkichlariga alohida e’tibor qaratildi. Jumladan, professor-o‘qituvchilarning mas’uliyatini oshirish, korxonalar bilan hamkorlikni mustahkamlash va kadrlar tayyorlash jarayonini real ishlab chiqarish ehtiyojlariga moslashtirish bo‘yicha vazifalar belgilandi.

Dual ta’lim natijadorligini baholashda quyidagi mezonlar muhim ahamiyat kasb etishi ta’kidlandi:

- dual ta’limga jalb qilingan korxonalar soni va hamkorlik samaradorligi;
- korxonalar tomonidan bildirilgan kadrlarga buyurtmalar hamda korxonalarga biriktirilgan talabalar soni;
- professor-o‘qituvchilar va korxona murabbiylarining kasbiy hamda amaliy kompetensiyalarini rivojlantirish;
- ish beruvchilar buyurtmalari asosida tayyorlangan bitiruv ishlari va ilmiy ishlanmalar;
- ilmiy ishlanmalar va innovatsion yechimlarni ishlab chiqarishga joriy etish natijalari;
- bitiruvchilarning hamkor korxonalarda ishga joylashish ko‘rsatkichlari.

Shuningdek, belgilangan vazifalar ijrosini tizimli nazorat qilish, mas’ullar faoliyatini aniq ko‘rsatkichlar asosida tahlil etish va erishilgan natijalarni muntazam muhokama qilib borish zarurligi qayd etildi.

#TTYSI #TITLI #ТИТЛП

🌍🌍🌍🌍🌍🌍
Instagram|Web-site|Facebook|YouTube